Даниил 6:24 - Ыдыктыг Библия

²⁴ Хаан Даниилди хоптанып келген улусту эккелгеш, оларны кадайлары болгаш ажы-төлү-биле кады арзылаңнарлыг оңгарже киир октаптарын дужааган. Оңгарның дүвүнге дүжүп четпээнде-ле, арзылаңнар оларже шурай бергеш, үсперлеп каапкан.

Даниил 6:24 Iomraidhean Croise

4 Хааннар 14:6

Ынчалза-даа өлүрүкчүлерниң ажы-төлүн Амасия өлүрбээн. Чүге дээрге Дээрги-Чаяакчы Моисейни дамчыштыр айтып-чагааны дүрүм-хоойлу номунда: «Ада кижи ажы-төлүнүң кем-буруузу дээш өлүмге онаар кеземче албас ужурлуг, ажы-төл база адазы дээш өлүртпес ужурлуг; кижи бүрүзү чүгле бодунуң кем-буруузу дээш өлүр ужурлуг» – деп дужааган чүве-дир.

Эсфир 7:10

Мардохейге белеткеп каан турган ыяшка Аманны азып каан. Хаанның кылыы ам кээп чазылган.

Эсфир 9:25

бо херек канчап хаанга чеде бергенил, хаан канчаар чагаа-биле дужаал үндүрүпкенил, еврейлерге удур Аманның каржы бодалы канчап ооң бодунуң бажынче суг кутканыл, ону база ооң оолдарын канчап ыяшка азып кааныл».

Ырлар 54:5

Хөрээмейде чүрээм күжүр сарыннай-дыр, өлүм-чидимден коргуушкун хөме ап тур;

Чугаалар 11:8

Чөптүг-шынныг кижи айыылдан чайлаар, а бузуттуг кижи ол айыылга таваржыр.

Чугаалар 19:9

Мегелеп херечилээр кижи кеземчеден чайлап шыдавас, аксындан меге дүжүрбес кижи өлүп каар

Исайя 38:13

Мен эртенге чедир томаанныг манап келдим, а Бурган, арзылаң ышкаш, мээң бүгү сөөк-даяамны сыйып турду. Дүне-даа, хүндүс-даа болза Сен мени өлүмче аппаар-дыр сен.

Иеремия 34:17

Ынчангаш Дээрги-Чаяакчы мынча дээн: «Силер Мени тооп дыңнавадыңар – боттарыңарның ха-дуңмаңарга, чаңгыс аймак улузуңарга хосталга хайырлавадыңар. Ол дээш Мен ам силерге хосталга хайырлап тур мен – деп, Дээрги-Чаяакчы медеглээн. – Дайын-чаа, аш-чут болгаш хамчык аарыгдан өлүр хосталганы! Мен силерни чер-делегейниң бүгү күрүнелеринге коргунчуг үлегер-чижек кылып каар мен.

Даниил 3:22

Хаанның коргунчуг чарлыын ёзугаар суугуну эмин эрттир изидир одап каанындан, Седрах, Мисах болгаш Авденагону шаажылаар яланы күүседип турган улус боттары безин чалбыыштан өрттенип өлүп калган.

Ы. х. к. 24:16

Ада кижи ажы-төлүнүң кем-буруузу дээш өлүмге онаар кеземче албас ужурлуг, ажы-төл база адазы дээш өлүртпес ужурлуг; кижи бүрүзү чүгле бодунуң кем-буруузу дээш өлүртүр ужурлуг.