Даниил 6:12 - Ыдыктыг Библия

¹² Ынчан олар хаанга баргаш: «О хаан! Силер чарлык үндүрген болгай силер: бир эвес үжен хонук дургузунда кым-бир кижи бургандан азы кижиден, силерден өске, диленип чалбарый бээр болза, ол кижини арзылаңнарлыг оңгарже киир октаптар» – деп сагындырганнар. Хаан: «Ийе, ол дээрге хажыдып болбас чарлык, мидийлер биле перстерниң үреп болбас хоойлузу-дур!» – деп харыылаан.

Даниил 6:12 Iomraidhean Croise

Эсфир 1:19

Бир эвес Ахашверош хаан күзээр болза, Астин кадынның ооң арнын көөр эргезин казып каапсын. Ол дугайында кажан-даа өскертип болбас, перси-мидий хоойлуларже киир бижиир чарлыктан үндүрзүн. А ооң кадын дүжүлгезин өске, оон дээре, төлептиг херээженге хүлээдип берзин.

Даниил 6:15

Ынчан демгилери бөлүү-биле хаанга чедип келгеш: «Бодуңар билир болгай силер, хаан: мидийлер биле перстерниң хоойлузун ёзугаар хаанның үндүргени кандыг-даа чарлыкты азы хоойлуну күш чок болдурбас» – дээннер.

Даниил 6:8

Ындыг хоругну кылып каап көрүңер, о хаан, чарлыктан үндүрүп калыңар – өскертип болбас, мидийлер биле перстерниң хоойлузун үреп болбас чарлыктан».

Ажыл-чорудулга 16:19

Ооң ээлери ынчан олча-ажык алыр идегели читкенин көрүп кааш, Павел биле Силаны сегирип алгаш, төп шөлде хоорай даргаларынче күш-биле аппарганнар.

Ажыл-чорудулга 16:24

Ындыг айтыышкын алгаш, ол оларның буттарын аар доорбаш ыяшка чыпшыр демирлээш, кара-бажыңның иштики өрээлинге шоочалап каан.