Даниил 5:30 - Ыдыктыг Библия

³⁰ Ол-ла дүне халдей хаан Валтасар өлүртүп каан.

Даниил 5:30 Iomraidhean Croise

Исайя 47:9

Ол-даа, өске-даа айыыл сени таварыыр – хенертен, чаңгыс хүн дургузунда, ажы-төлүң-даа чидирер сен, дулгуяк-даа апаар сен. Хөй санныг караң көрнүүшкүн кылып турзуңза-даа, илби-шидилиг сөстериң аажок күштүг-даа болза, ол бүгүнү бүрүнү-биле көрүп эртер сен.

Иеремия 50:24

Мен сени тудар четки салып каан мен, Вавилон. Сен ону билбес болгаш, олче кире халый бээр сен. Дайзын сээң кырыңга кээрге, туттуруп аар сен, чүге дээрге Дээрги-Чаяакчы-биле тулчуп турган-дыр сен.

Иеремия 51:11

Согуннарыңар чидидиңер, саадааңар долдуруңар! Дээрги-Чаяакчы Мидияның хааннарын хөделдирип, көдүрер. Ооң бодалы Вавилонга удур: ону Ол узуткаар деп турар, чүге дээрге Дээрги-Чаяакчы Бодунуң өргээзи дээш өжээн негээр.

Иеремия 51:31

Шапкынчыга уткуштур шапкынчы, айбычыга уткуштур айбычы маңназын, олар Вавилоннуң хаанынга ооң хоорайы бүрүнү-биле эжелеттиргенин дыңнатсын;

Иеремия 51:39

Олар изиргени бээрге, оларга дой кылыр мен база хөглезиннер дээш эзиртир ижиртир мен, олар оон мөңге уйгузу-биле удуй бергеш, черле одунмас – деп, Дээрги-Чаяакчы медеглээн. –

Иеремия 51:57

«Мен Вавилоннуң нояннарын, мерген угаанныгларын, даргаларын, чагырыкчыларын эзиртир ижиртир мен, олар мөңге уйгу-биле удуп калгаш, одунмас» – деп, Аг-шериглиг Дээрги-Чаяакчы деп аттыг Хаан медеглээн.

Амос 6:7

Ол бүгү дээш, силер ам дайзынның тудуп аппаар улузунуң баштайгылары болур силер, хөлестеп чыткан улустуң дою доостур!