Даниил 5:23 - Ыдыктыг Библия

²³ Силер дээрниң Дээргизинге удурланып, менээргенген силер: Ооң өргээзинден келген саваларны силерге эккеп бээрге, бодуңарның ызыгууртаннарыңар, кадайларыңар болгаш кул-кадайларыңар-биле ол савалардан арага ижип орар-дыр силер. Силер мөңгүн, алдын, хүлер, демир, ыяш болгаш даш бурганнарыңар мактап орар-дыр силер, а олар чүнү-даа көрбес, дыңнавас, билбес чүвелер-дир! Силерниң амыдыралыңар тыныжын болгаш салым-чолуңарны башкарып орар Бурганны алдаржытпаан силер.

Даниил 5:23 Iomraidhean Croise

Эге дөс 14:19

Аврамны алгап-йөрээгеш, ол мынча дээн: «Дээрниң болгаш черниң Чагырыкчызы Дээди Өрүкү Бурган Аврамга ачы-буян хайырлазын!

Эге дөс 2:7

Ынчан Дээрги-Бурган-Чаяакчы черниң довураандан кижини чаяагаш, ооң думчуунче амыдыралдың тыныжын киир үрүптерге, кижи амылыг апарган.

4 Хааннар 14:10

Ийе, сен Эдомну чылча шаап кагдың, ам ол дээш менээргенип турар-дыр сен. Тиилелгең дээш мактан, ынчалза-даа аал-чуртуңга артып кал! Бодуңга айыыл-халап дилеве, оон башка буураар сен, Иудея база сээң-биле кады узуткаттырар!»

Иов 12:10

Ооң холунда – бүгү дириг амытанның тыны, кижи бүрүзүнүң тыныжы.

Иов 31:4

Бурган мээң оруктарымны көрбейн турар бе, мээң шупту базымнарымны санавайн турар бе?

Ырлар 104:29

Дээрги-Чаяакчы дайзыннарның суун ханче хуулдуруп, оларның балык-байлаңын кырып каапкан.

Ырлар 139:3

Олар – чүректеринде кара бодалдарлыг, хүннүң-не чаалажыр чүткүлдүг улус-тур;

Ырлар 146:4

Ол сылдыстарның санын билип, оларның шуптузун аттары-биле адап турар.

Чугаалар 20:24

Дээрги-Чаяакчы кижиниң оруун изеп бээр, а кижи бодунуң оруун канчап билип аарыл?

Исайя 13:11

Мен бо делегейни бузуду дээш кезедир мен, бузуттугларны кем-буруузу дээш кезедир мен. Турамык улустуң улуургаан соксадыр мен, түрлүг улустуң туразының улуун таптай базар мен.

Исайя 14:13

А сен бодуңнуң сеткил-чүрээңде: „Дээрже көдүрлү берейн, дүжүлгемни Бурганның сылдыстарындан өрү көдүрүп, бурганнарның чөвүлежип чыглыр чери – Цафон дагның ийлеринге саадаайн.

Исайя 2:12

Бүгү улуургаар, туразы улгадыр улусту, бодун өрү көрдүнер бүгү улусту Аг-шериглиг Дээрги-Чаяакчының кезедир хүнү кээр, ол бүгү улус куду көрдүрер.

Исайя 33:10

«Мен ам туруп кээр мен – деп, Дээрги-Чаяакчы чугаалап тур, – ам көдүрлүр мен, өрү бедиир мен!

Исайя 37:19

оларның бурганнарын отче октап, узуткап кааны шын-на болгай. Чүге дээрге ол бурганнар болза Бурган эвес, а кижи холу кылган ыяш база даш ышкажыл.

Исайя 37:23

Сен кымны дорамчылап, кымны бак сөглеп тур сен? Кымче хөректенип, турамыы-биле көрүп тур сен? Израильдиң ыдыктыг Бурганынче!

Исайя 42:5

Дээрни чаяап, чада салган, черни ында төрүттүнген бүгү чүве-биле кады боттандырган, чер кырында кижилерге амы-тынны хайырлаан – ында шимчеп чоруп турар бүгү улусту тынгарган Дээрги-Бурган-Чаяакчы мынча дээн:

Иеремия 10:23

Билир бис, Дээрги-Чаяакчы: кижи бодунуң оруун чагырып шыдавас, баар уун башкарып шыдавас.

Иеремия 48:26

Моавты эзиртир ижиртип калыңар, чүге дээрге ол Дээрги-Чаяакчыга удур бодун өрү көрдүнүп турган-дыр! Моав кускузунга боражып чытсын, улуска кочулатсын.

Иеремия 50:28

Вавилон черден дезип, тын менди үнерин бодаан улустуң алгы-кышкызы дыңналып тур, ам Сионда улус Дээрги-Чаяакчы Бурганывыстың өжээн негээнин, Бодунуң өргээзи дээш өжээн негээнин билип алыр.

Иеремия 50:29

Вавилонга удур ча адыгжыларын кыйгырыңар! Кым-даа амы-тынныг артпас кылдыр, ону долгандыр туруп, бүзээлеңер-ле! Үүлгедиглери дээш ону кезедиңер, Вавилон өске чоннарны канчаар аажылап чорааныл, ону база ынчаар аажылаңар, чүге дээрге ол Израильдиң ыдыктыг Бурганы Дээрги-Чаяакчының мурнунга өрү көрдүнүп турган-дыр.

Иезекиил 28:17

Чараш-каазыңдан улуургай бердиң, магалыг чаагайыңдан мерген угааныңны чок кылып алдың. Ынчангаш Мен сени черге чыдар кылдыр октаптар мен, хааннар сени көргеш, кочулап шоотсун.

Иезекиил 28:2

«Кижи амытан, Тирниң чагырыкчызынга Дээрги-Бурган-Чаяакчының чугаалаан чүвезин дамчыт: Улуургак чорууңга алзып: „Мен – бурган мен. Далай ортузунда, бурганның дүжүлгезинде саадап олур мен“ – дээр-дир сен. Бурганның мерген угааны-биле сээң угааның дөмей деп бодаар-даа болзуңза, сен дээрге Бурган эвес, а кижи-дир сен.

Иезекиил 28:5

Садыглажып билириңден, улуг угаанныыңдан бай-шыдалдыың дам барган, бай-байлааң дээш эмин эрттир улуургай берген сен».

Иезекиил 31:10

Ынчангаш Дээрги-Бурган-Чаяакчы мынча дээн: «Ол пөш бедик апарып, бажын шыргай будук-бүрү аразындан көдүрүп, өндүр бедиинге идээргей бээрге,

Даниил 11:12

Ол аг-шеригни базып алгаш, мурнуу хаан менээргени бээр. Дүк-түмен шериглерни чылча шапса-даа, ооң тиилелгези үр болбас.

Даниил 8:11

Мыйыс аг-шеригниң Баштыңчызынга чедир безин улгадып өскен: Аңаа бараалгаткан хүннүң-не салыр өргүлдерни соксадып каан база Ооң ыдыктыг өргээзин хоозурадып каапкан.

Аввакум 2:4

Көрүңер даан, туразы улуг кижиниң сагыш-сеткили арыг эвес, а актыг-шынныг кижи бүзүрелиниң ачызында амылыг артар.

Ажыл-чорудулга 17:25

Ол чүү-даа чүве хереглевес болгаш, улустуң Аңаа бараан боорун-даа бодавас, а Боду шупту улуска амыдыралды, тынышты база арткан бүгү чүүлдү берип турар.

1 Коринфичилерге 8:4

Ынчангаш дүрзү-бурганнарга өргүп салган чемге хамаарыштыр: «Билир чүүлүвүс бо-дур: бо делегейде дүрзү-бурган – көңгүс чүү-даа эвес база чүгле чаңгыс Бургандан өске кандыг-даа бурган чок.

1 Тимофейге 3:6

Ол кижи Христоска чоокта чаа бүзүрээн улус санынче кирбес ужурлуг, оон башка бодун өрү көрдүне бээр база эрликке дөмейлештир шииттирип аар.

Еврейлерге 4:13

Бурганның бүгү чаяалгазында Оон чашты бээр хире чүү-даа чок, харын бүгү чүве Ооң мурнунга ажык-чадагай болгаш көскү. Бис шупту Ооң мурнунга харыы тудар бис.

Ажыдыышкын 9:20

Кижи төрелгетенниң ол халаптарга кырдырбайн арткан кезээ бодунуң үүлгеткен херээ дээш, бачыдын билинмээн. Олар буктарга-даа, көрүп, дыңнап, кылаштап шыдавас алдын, мөңгүн, хүлер, даш болгаш ыяш дүрзү-бурганнарга-даа мөгеерин соксатпааннар.

Баштыңчылар 16:23

Филистимнерниң чагырыкчылары боттарының бурганы Дагонга улуг өргүл кылып байырлаар дээш чыглып алгаш: «Бистиң бурганывыс дайзынывыс Самсонну холувусче киирип берди» – деп турганнар.

1 Хааннар 17:26

Давид чанында турган улустан: «Бо филистим кижини өлүрүп кааш, Израильдиң адын камгалап каар кижини канчаарыл? Дириг Бурганның аг-шериин базынчактаар хире кыртыжадып демдектетпээн филистим чүү апарганыл бо?» – деп айтырган.

1 Хааннар 17:36

Силерниң чалчаңар мен арзылаңны-даа, адыгны-даа өлүрүп чораан мен. Ол кыртыжадып демдектетпээн филистим-биле база ынчаар аажылаар мен, чүге дээрге ол дириг Бурганның аг-шериин базынчактап турар-дыр».