Даниил 5:19 - Ыдыктыг Библия

¹⁹ Бурган ону ындыг өндүр улуг кылып каан боорга, ооң мурнунга бүгү чоннар, аймактар болгаш төрел бөлүктер кортканындан сириңейнип турганнар. Навуходоносор хаан күзээр болза – өлүрүп шиидип каар, күзээр болза – өршээп, дириг арттырып каар, күзээр болза – өрү көдүрер, күзээр болза – куду бадырып каар турган.

Даниил 5:19 Iomraidhean Croise

4 Хааннар 25:28

ооң-биле эп-найыралдыг чугаалашкан база ол үеде Вавилонга турган бүгү өске хааннарга бодаарга, бедик, хүндүткелдиг черге олуртуп каан.

Чугаалар 16:14

Хаанның килеңи – өлүмнүң медээчизи дег; мерген угаанныг кижи ону чайладып шыдаар.

Экклесиаст 8:3

Хаандан ыраар деп далашпа база багай херектерге болушпа; чүге дээрге ол чүнү күзээр-дир, дөгерезин кылып шыдаар.

Иезекиил 31:11

Мен ону чоннар чагырыкчызының холунга хүлээдип бердим: „Чагырыкчы ону кем-буруузун ёзугаар аажылап турзун“. Мен оон ойталаан мен.

Даниил 11:12

Ол аг-шеригни базып алгаш, мурнуу хаан менээргени бээр. Дүк-түмен шериглерни чылча шапса-даа, ооң тиилелгези үр болбас.

Даниил 11:16

Халдап тиилээн хаан күзээн-не чүвезин кылыр, аңаа удур кым-даа туржуп шыдавас. Ол Каас чуртту эжелеп алыр, ол чурт бүрүнү-биле аңаа чагырты бээр.

Даниил 11:3

Маадыр хаан чедип келгеш, делгем девискээрлиг хөй черлерни ээлеп алгаш, күзээн-не чүвезин кылып турар боор.

Даниил 11:36

Соңгу хаан чүнү күзей-дир, ону кылыр. Ол менээргенгеш, бодун бүгү бурганнардан улуг мен деп бодап, бурганнарның Бурганынга удур коргунчуг чүвелер чугаалап турар апаар. Килеңниң хүннери дүшкүжеге дээр, ол хаан тергиидеп кээр. Чүге дээрге доктааттынган, чайлып болбас болуушкуннар албан бүдер ужурлуг.

Даниил 3:29

Бүгү чоннарга, аймактарга болгаш төрел бөлүктерге мээң үндүрген дужаалым бо-дур: кым Седрах, Мисах болгаш Авденагонуң Бурганын бак сөглээр болдур, ол кижини үзе-чаза кезип шаажылаар, ооң бажыңын узуткап каар! Чүге дээрге ол Бургандан өске кандыг-даа бурган ынчаар камгалап шыдавас».

Даниил 3:4

медеглекчи ыыткыр мынча дээн: «Дыңнаңар, бүгү чоннар, аймактар болгаш төрел бөлүктер!

Даниил 3:6

Мөгейбес болгаш кээп дүшпес кижини чалын-оттуг суугуже киир октаптар!»

Даниил 4:17

Силерниң көргениңер бедии дээрде чедип турар, черниң ужу-кыдыынга чедир көстүп турар кончуг улуг, күчүлүг ыяш,

Даниил 4:19

о хааным, силер-дир силер. Силер улуг болгаш күчүлүг силер: силерниң ат-алдарыңар дээрге чедир өскен, а силерниң эрге-чагыргаңар черниң ужу-кыдыынга чедип турар.

Даниил 4:22

Силерни кижилер аразындан сывырыптар, силер черлик аң-мең аразынга чурттап, мал ышкаш оът оъттаар, дээрниң чаъс-шалыңы-биле шыгыттынар силер. Ынчалдыр чеди чыл* эртерге, кижи күрүнелериниң кырынга Дээди Өрүкү Бурган эрге-чагыргалыг-дыр деп билип каар силер: күзээн кижизинге хааннаашкынны Ол берип турар.

Аввакум 2:5

Турамык улусту байлакшылы сотка олуртур, оларга оожургал бербес, ынчангаш боттарының ишти-хырнын тамы ышкаш алгыг кылып аар, ол улус, өлүм-даа дег, пөгери чок; шупту чоннарны чаалап ап, шупту аймактарны чагырып туруп бээр.

Иоанн 19:11

Иисус: «Өрүтен силерге бербээн болза, силерге Мээң бажым билир кандыг-даа эрге турбас ийик. Ынчангаш кым Мени силерге садыпкан ийик, ол кижиниң бачыды силерниинден улуг болур» – деп харыылаан.

Римчилерге 13:1

Кижи бүрүзү үстүнден башкарган эрге-чагыргага чагыртып чорзун, чүге дээрге Бурганның доктаатпааны кандыг-даа эрге-чагырга чок. Бүгү-ле бар эрге-чагыргаларны Бурган доктааткан.

Ажыдыышкын 5:9

Олар чаа ырны ырлажы берди: «Дүрүгнү холга туткаш, таңмаларны адырарынга төлептиг сен! Чүге дээрге Сен өргүлге салдырткаш, Бодуңнуң ханың-биле төлээш, янзы-бүрү дылдарлыг аймак, чон, сөөк-язы бүрүзүнден улусту Бурганга дээш хостап алган сен!