Даниил 4:34 - Ыдыктыг Библия

³⁴ Ам мен, Навуходоносор, Дээрниң Хаанын алдаржыдып, Аңаа мактал болгаш хүндүткел көргүзүп тур мен: Ооң бүгү ажыл-чорудулгазы ылап шынныг, Ооң оруктары чөптүг; Ол турамык менээргектерни томаартып шыдаар.

Даниил 4:34 Iomraidhean Croise

2 Хааннар 22:31

Бурган! – Ооң оруу болбаазыраңгай, Дээрги-Чаяакчының сөзү арыг шынчы; Оон хоргадал алган бүгү улуска Ол – дозуг-камгалал.

1 Чылдар 29:10

Давид Дээрги-Чаяакчыны бүгү чоннуң мурнунга мынчаар алгап-йөрээп турган: «Дээрги-Чаяакчы, өгбевис Израильдиң Бурганы, Сеңээ алдар-мактал!

1 Чылдар 29:13

А ам, бистиң Бурганывыс, Сеңээ четтиргенивис илередип, Сээң алдарлыг адыңны алгап-мактап тур бис.

Иов 1:21

Ол мынча дээн: «Иемниң иштинден делегейже чанагаш үнүп келген мен, чер-иемче дедир чанагаш кире бээр мен. Дээрги-Чаяакчы берген-дир, Дээрги-Чаяакчы дедир ап алган-дыр, Ооң ады алгаг-йөрээлдиг болзун!»

Ырлар 107:8

Бурган Бодунуң ыдыктыг өргээзинге мынча дээн: «Сихем хоорайны өөрүшкүлүг үлеп-хуваар мен, Сокхот шынааны хемчээп-хуваар мен:

Ырлар 111:7

Ындыг кижи бак медээлер дыңнаарындан кортпас, נ ооң чүрээ Дээрги-Чаяакчыга идегеп, чайгылыш чок болур. ס

Ырлар 121:1

Улус меңээ: «Дээрги-Чаяакчының өргээзинче бараалы» – дээрге, өөрүп-хөглеп турганым кай.

Ырлар 123:1

Израиль чугаалазын: Дээрги-Чаяакчы бистиң талавыста турбаан болза, чүү бооп болур турганыл?

Ырлар 146:10

Дээрги-Чаяакчы аъттың күш-шыдалын херекке албас; кижиниң буттарының дүргени Аңаа хамаан чок;

Ырлар 50:14

Сээң берген камгалалың дээш өөрүшкүмнү эгит, меңээ арыг чаагай сеткилди хайырла.

Ырлар 66:7

Чер биске бодунуң дүжүдүн берзин, Бурганывыс биске ачы-буянын хайырлазын.

Ырлар 7:17

ооң өжү бодунуң бажынче кээп дүжер, ооң каржы-дошкуну бодунуң тейинче дедир бадып кээр.

Ырлар 9:2

Дээрги-Чаяакчы, бүгү-ле чүлдү-чүрээмден Сеңээ өөрүп четтирер мен, Сээң хамык кайгамчык чүүлдериңни медээлээр мен;

Ырлар 92:1

Дээрги-Чаяакчы хааннап турар! Ол өндүр чырыкты хеп дег кедип алган, күчү-күштү кеткеш, куржанып алган, Дээрги-Чаяакчы өртемчейни божаңнавас кылдыр быжыг үндезинде тургузуп каан.

Исайя 13:11

Мен бо делегейни бузуду дээш кезедир мен, бузуттугларны кем-буруузу дээш кезедир мен. Турамык улустуң улуургаан соксадыр мен, түрлүг улустуң туразының улуун таптай базар мен.

Исайя 2:11

Турамык кижи бажын халайтыптар, улустуң улуургак чоруу куду көрдүрер, ол хүн чүгле Дээрги-Чаяакчы өндүр бедик болур.

Исайя 24:15

Дээрги-Чаяакчыны чөөн чүкке база алгап-мактаңар! Дээрги-Чаяакчының, Израильдиң Бурганының адын далай эриин дургаар алдаржыдыңар!

Иеремия 10:10

А Дээрги-Чаяакчы – алыс шын Бурган-дыр, Ол – дириг Бурган, мөңге Хаан-дыр. Ооң килеңинден чер сирилээр, Ол хорадаарга, кандыг-даа чон шыдажыр харык чок боор.

Ыы-сыы 3:38

Эки-даа чүүл, бак-даа чүүл Дээди Өрүкүнүң аксы-сөзүн ёзугаар болбас бе?

Даниил 12:7

Хем суунуң кырында турар лён хептиг кижиниң харыызын мен дыңнап кагдым. Ийи холун дээрлерже суна туткаш, ол мөңге дириг Бурганның ады-биле даңгыраглады: «Бир чыл, ийи чыл база чартык чыл эртерге – ыдыктыг чоннуң күжү оон ыңай бастырбас апаарга, шупту чүве төнер».

Даниил 2:44

Ол хааннарның үезинде өске чоннарның холунга кирбес, мөңге, бузулбас күрүнени дээрде саадаан Бурган тургузуп каар. Ол күрүне демги күрүнелерни шуптузун чылча шаап, узуткап каар. А ол боду мөңгези-биле турар.

Даниил 4:2

Ынчалза-даа мен дүш дүжээш, аажок корткан мен. Удуп чыда, дүжүмде көргеним болуушкуннар дыка сүрээденчиг болду.

Даниил 4:26

Он ийи ай эрткенде, хаан Вавилонда ордузунга селгүүстеп чораан.

Даниил 4:3

Мээң ол дүжүмнү тайылбырлап берзин дээш, Вавилоннуң бүгү мерген угаанныгларын бодумнуң мурнумга чыып эккээрин дужааган мен.

Даниил 4:32

Чер-делегейниң бүгү чурттакчылары Ооң мурнунга чүү-даа эвес-тир; дээрниң күштери-биле-даа, черниң чурттакчылары-биле-даа Ол канчалдыр күзей-дир, ынчалдыр кылыр. Ооң холун кым-даа доктаатпас, «Ынчап болбас!» деп кым-даа чугаалавас.

Даниил 5:18

О хаан! Силерниң өгбеңер Навуходоносорга Дээди Өрүкү Бурган эрге-чагырганы, өндүр улуг чорукту болгаш алдар-хүндүнү берген-дир.

Даниил 5:21

Ону кижилер аразындан сывырыпкан, ооң угаан-медерели аңныы дег апарган. Ол черлик элчигеннер аразынга чурттап, мал ышкаш, оът оъттап, дээрниң чаъс-шалыңы-биле шыгыттынып турган. Адак сөөлүнде ол мону билип алган: кижи күрүнелериниң кырынга Дээди Өрүкү Бурган эрге-чагыргалыг болур, күзээн кижизинге хааннаашкынны Ол берип турар.

Даниил 6:26

Мээң чарлыым мындыг: меңээ чагыртып турар бүгү күрүнемде шупту улус Даниилдиң Бурганын хүндүлеп, Оон кортсун! Чүге дээрге Ол – дириг, мөңге амыдыраан Бурган-дыр, Ооң хааннаашкыны кажан-даа узуткаттырбас, Ооң чагыргазы төнчү чок.

Даниил 7:14

Аңаа эрге-чагырганы, алдар-хүндүнү база хааннаашкынны хүлээдип берип каан. Бүгү чоннар, аймактар болгаш төрел бөлүктер аңаа чагырты берген. Ооң эрге-чагыргазы – мөңге болгаш казыттынмас, Ооң хааннаашкыны кажан-даа узуткаттырбас.

Даниил 7:27

А чырык черде бүгү күрүнелерниң хааннаашкыны, эрге-чагыргазы болгаш өндүр-чаагайы Дээди Өрүкү Бурганның ыдыктыг улус-чонунче шилчий бээр. Ол хааннаашкын – мөңге; бүгү күрүнелер аңаа чагыртып, бараан болур».

Даниил 9:14

Дээрги-Чаяакчы бисче айыыл-халап ыдарын саадатпаан, бисче ону чорудупкан. Бурганывыс Дээрги-Чаяакчы Бодунуң бүгү херектеринге чөптүг, а бис Ону дыңнаваан-дыр бис.

Иона 1:14

Ынчан олар Дээрги-Чаяакчыны кыйгырып: «О, Дээрги-Чаяакчы! Бо кижи дээш биске кем-буруу онаап, узуткавайн көрем. Ооң амызын үскенивис дээш, бисти буруудатпайн көр. Дээрги-Чаяакчы, Бодуңнуң-на кылыр дээн чүүлүңнү кылып турар-дыр сен!» – дээннер.

Михей 4:7

Аскак-бүскек чондан Израильдиң артынчызын тургузар мен, ойлаттырган улусту күштүг чон кылып каар мен. Шак ол хүнден эгелээш, Дээрги-Чаяакчы мен оларны Сион дагдан кезээ мөңгеде чагырар мен.

Лука 1:33

Ол Иаковтуң ук-салгалын мөңгези-биле хааннаар, Ооң Чагыргазы төнчү чок болур».

Лука 18:13

А үндүрүг хавырыкчызы ырадыр туруп алгаш, дээрже карактарын көдүрерин безин диттип чадаан, а чүгле бодунга чөгенген хевирлиг хөрээн шанчып: „Бурганым, бачыттыг меңээ өршээлиң көргүс“ – дээн.

Иоанн 5:26

Адазы Боду канчап амыдыралдың үнер дөзү болганыл, Оглун база Ол ынчалдыр амыдыралдың үнер дөзү кылып каан.

Ы. х. к. 32:4

Ол – бистиң Хаявыс, Ооң ажыл-херектери болбаазыраңгай, Ооң шупту оруктары дорт; Бурган сөзүнге шынчы, Ында меге чүү-даа чок, Ол чөптүг болгаш шынныг.

1 Тимофейге 1:17

Мөңге Хаанга, өлүм чок, көзүлбес дың чаңгыс Бурганга кезээ мөңгеде мактал-хүндү база алдар доктаазын! Аминь.

Ажыдыышкын 10:6

дээрни, черни база далайны оларда бар бүгү чүве-биле катай-хаара чаяаган мөңге дириг Бурганның ады-биле даңгыраглады. Ол мынча диди: «Моон соңгаар хуусаа чылзыр деп чүве турбас.

Ажыдыышкын 11:15

Дээрниң чедиги төлээзи трубазын этсиптерге, дээрден: «Бо делегейни чагырар эрге ам Дээргивистиң, Ооң шилээн Христозунуң эргезинде апарган, Ол ам кезээ мөңгеде хааннаар-дыр!» – дээн ыыткыр үннер дыңналды.

Ажыдыышкын 4:10

чээрби дөрт ирей дүжүлгеде саадаан, мөңге дириг Бурганның мурнунга доңгая кээп дүжүп мөгеер чорду. Олар боттарының баштарында оваадайларын дүжүлгениң баарынче салгылааш:

Ажыдыышкын 4:9

Дөрт дириг амытан дүжүлгеде саадаан мөңге дириг Бурганны алдаржыдып, алгап-мактап, Аңаа өөрүп четтирип ырлаан санында-ла,