Даниил 4:31 - Ыдыктыг Библия

³¹ Ол хуусаа эрте бээрге, мен, Навуходоносор, караамны дээрже угландырыпкан мен – ынчан угаан-медерелим менче катап эглип келген. Мен Дээди Өрүкүнү алдаржыдып, мөңге дириг Бурганны алгап-мактадым: Ооң эрге-чагыргазы – мөңге чагырга-дыр, Ооң хааннаашкыны – бүгү салгалдар кырында турар.

Даниил 4:31 Iomraidhean Croise

Эге дөс 14:18

Ынчан өске хаан – Салим хоорайның хааны Мелхиседек Аврамга хлеб биле арага үндүрүп эккелген. Ол Дээди Өрүкү Бурганның бараалгакчызы турган.

Иов 20:23

Ол хырнын долдур дыгып аарга, Бурган Бодунуң кыптыккан килеңин олче ыдар, ооң мага-бодунче согуушкунун чайык дег кудар.

Чугаалар 29:23

Улуг туралыг кижи куду көрдүрер, а биче сеткилдиг кижи алдар-хүндү чедип алыр.

Исайя 14:27

Аг-шериглиг Дээрги-Чаяакчы бодал бодап аарга, кым ону күш чок болдуруп шыдаарыл? Ооң холу көдүрлүрге, кым ону чайладып шыдаарыл?» – деп даңгыраглап чугаалаан.

Даниил 12:7

Хем суунуң кырында турар лён хептиг кижиниң харыызын мен дыңнап кагдым. Ийи холун дээрлерже суна туткаш, ол мөңге дириг Бурганның ады-биле даңгыраглады: «Бир чыл, ийи чыл база чартык чыл эртерге – ыдыктыг чоннуң күжү оон ыңай бастырбас апаарга, шупту чүве төнер».

Даниил 4:24

Ынчангаш, хааным, мээң сүмем силерге таарымчалыг болзун: бачыттарыңарны чөптүг херектер-биле, кем-бурууңарны түреңги улуска ээ көрүүшкүн-биле эдип алыңар. Ынчан, канчап билир, силерниң амыр-шөлээн амыдыралыңар уламчылаар чадавас».

Даниил 4:26

Он ийи ай эрткенде, хаан Вавилонда ордузунга селгүүстеп чораан.

Даниил 4:30

Ол-ла дораан бүгү чүве Навуходоносор-биле ынчалдыр болу берген. Ону кижилер аразындан сывырыпкан, ол мал ышкаш оът оъттап, дээрниң чаъс-шалыңы-биле шыгыттынып турган. Бажының дүгү эзирниң чүглери дег, дыргактары куштуу дег кылдыр өзүп калган.

Даниил 4:32

Чер-делегейниң бүгү чурттакчылары Ооң мурнунга чүү-даа эвес-тир; дээрниң күштери-биле-даа, черниң чурттакчылары-биле-даа Ол канчалдыр күзей-дир, ынчалдыр кылыр. Ооң холун кым-даа доктаатпас, «Ынчап болбас!» деп кым-даа чугаалавас.

Даниил 4:34

Ам мен, Навуходоносор, Дээрниң Хаанын алдаржыдып, Аңаа мактал болгаш хүндүткел көргүзүп тур мен: Ооң бүгү ажыл-чорудулгазы ылап шынныг, Ооң оруктары чөптүг; Ол турамык менээргектерни томаартып шыдаар.

Даниил 5:20

Оон ол эмин эрттир чоргаар болгаш хоолургак апаргаш, хаан дүжүлгезинден дүжүрткен, алдар-хүндүзүн оскунган.

Даниил 5:28

ПЕРЕС – Силерниң чагырган күрүнеңерни чаргаш, мидийлер биле перстерге берипкен».

Даниил 6:27

Ол камгалаар болгаш айыылдан адырар, дээрге болгаш черге кайгамчык чүүлдерни болгаш онзагай демдектерни чаяар. Ол Даниилди арзылаңнардан камгалаан».

Матфей 3:17

Ооң соонда дээрден үн дыңналган: «Бо дээрге Мээң ханы ынак оглум-дур, Ол Мээң сеткилимге кирер-дир!»

Лука 12:20

Ынчалза-даа Бурган аңаа мынча дээн: „Сээдеңмей! Бо дүне-ле амы-тыныңны сенден алгаш баар-дыр; чыып-шыгжап алган ол чүвең кымга дуза чедирерил?“

Иоанн 12:28

Адам! Бодуңнуң адыңны алдаржыт-ла!» Ынчан дээрден: «Алдаржыткан мен, ам-даа алдаржыдар мен!» – дээн үн дыңналган.

1 Фессалоникчилерге 5:3

Улус: «Кайда-даа амыр-тайбың-дыр, айыыл чок-тур» – деп чугаалажы бээрге, ынчан хенертен, сааттыг херээженниң эъди аарый бээри дег, оларны өлүм-чидим хөме таварыыр база кым-даа оон дезип шыдавас!

Ажыдыышкын 16:7

Мен оон өргүл салыр бедигээштен: «Бүрүн Күчүлүг Дээрги-Бурган-Чаяакчы, Сээң шииткелдериң чөптүг болгаш алыс шынныг-дыр!» – дээн үннү дыңнап кагдым.

1 Хааннар 13:14

А ам сээң чагыргаң быжыг бооп шыдавас. Дээрги-Чаяакчы Бодунга сеткилинге кирер кижини тып алгаш, ону Бодунуң чонунуң чагырыкчызы кылып каар. Чүге дээрге сен Дээрги-Чаяакчының айтыышкынын күүсетпээн-дир сен».

1 Хааннар 15:23

А чагыртпас чорук дээрге илби-шиди ышкаш бачыт-тыр, удурланыр чорук дээрге дүрзү-бурганнарга чүдээни-биле дөмей-дир. Дээрги-Чаяакчының сөзүн дыңнаарындан ойталааның дээш, Ол сени хаан кылдыр арттырарындан ойталап каапкан-дыр» – деп чугаалаан.