Даниил 4:27 - Ыдыктыг Библия

²⁷ «Бо-дур, өндүр улуг Вавилон – найысылалым – деп, хаан чугаалаан. – Ону мен күчү-күжүм-биле бодумнуң ат-алдарымга тураскаадып тудуп каан мен!»

Даниил 4:27 Iomraidhean Croise

Эге дөс 11:4

«Хоорайдан тудуп алыылыңар, бедии дээрге чедип турар суургадан база. Чырык черге ис чок тарай бербези-биле, бис адывысты ынчаар алдаржыдып аар бис» – дээннер.

3 Хааннар 21:29

«Ахавтың Мээң мурнумга канчаар томаарый бергенин көрдүң бе? Мээң мурнумга томаарааны дээш, ол дириг чорда, Мен олче айыыл-халап ытпас мен, ынчалза-даа ооң оглунуң назынында Ахавтың үре-салгалынче айыыл-халап ыдар мен» – деп чугаалаан.

Чугаалар 11:2

Турамык чорукту бак атка кирери чыпшыр сүрүп чоруур, а томаарыыр чоруктуң эдеринчизи – мерген угаан.

Чугаалар 16:6

Шынчы болгаш энерелдиг болуру – кижиниң бузудун арыглаар; Дээрги-Чаяакчыдан коргары – айыылды чайладыр.

Чугаалар 28:13

Бачыттыг үүлгедииңни чажырар болзуңза, эки чүве көрбес сен, а ону ажыы-биле миннип, ойталаар болзуңза, өршээл алыр сен.

Исайя 10:13

Ол хаан: «Мен ол бүгүнү күштүг холум-биле база мерген угааным-биле кылдым, билиим ол хире-дир! Чоннарның кызыгаарларын эде тургустум, оларның курлавырларын үптеп алдым; буга ышкаш, оларның хааннарын дүжүлгезинден дүжүр үстүм.

Исайя 47:10

Сен коргуш чок бузут үүлгедип: „Мени кым-даа көрбейн турар“ – деп турдуң. Мерген угааның биле эртем-билииң сени орууңдан астыктыра бээрге, бодуңга: „Мен кончуг мен, менден өске кым-даа чок“ – деп турар-дыр сен.

Исайя 47:8

А ам дыңнап көр, таалал сүрген, айыыл чок чурттап турар, „Мен кончуг мен, менден өске кым-даа чок. Дулгуяк апарбас мен, ажы-төлүм чидирбес мен!“ деп бодаар Вавилон-кыс!

Иеремия 29:7

Силерни ынаар үндүр сывырыпканым хоорайга амыр-тайбыңдан күзеңер. Ол хоорай дээш дилеп, Дээрги-Чаяакчыга мөргүңер, бир эвес аңаа амыр-тайбың доктаар болза, силерге база амыр-тайбың доктаар».

Иеремия 38:20

Иеремия мынча дээн: «Хүлээдип бербес! Мээң сеңээ чугаалап турарым Дээрги-Чаяакчының сөзүн дыңна, ынчан сеңээ эки болур, амы-тының камгалап аар сен.

Иезекиил 18:7

кымны-даа кызып-кыйбас, бодунга өрелиг кижиниң арттырып каан долаазын эгидип бээр, улус үптевес, бодунуң аъш-чемин аштаан кижиге бээр, хевин чанагаш кижиге кедирер;

Иезекиил 29:3

Аңаа Дээрги-Бурган-Чаяакчының чугаалаан чүвезин дамчыт: Египеттиң хааны фараон – бодунуң хемнеринде шөлээн чыдар улуг амырга-моос, Мен сеңээ удур апардым. „Нил хем мээңии, ону бодумнуу кылдыр чаяап алган мен“ – деп турар-дыр сен.

Иезекиил 29:9

Египет чер ээнзиреп, хоозурап каар. Ынчан улузуң Мени Дээрги-Чаяакчы деп билип аар. Чүге дээрге сен: „Нил хем мээңии-дир, ону мен чаяап кагдым“ – дээн-дир сен.

Иоил 2:14

Кым билир боор? Ол өскээр боданып, кезетпейн баарын, харын силерге ачы-буянныг бооп артып каарын. Ынчан Бурганыңар Дээрги-Чаяакчыга өргүүр далган-тараа биле арага четчир боор.

Амос 6:13

Силер дээрге чөгенчиг чүүл дээш өөрүп: „Бодувустуң шыдалывыс-биле күчү-күштү чедип алган эвес бис бе?“ – деп турар улус-тур силер.

Иона 3:9

Канчап билир, Бурган бисти кээргеп, Бодунуң хайнып турар килеңин бистен чайладыптар чадавас, бис ынчан өлбейн баар бис».

Аввакум 1:11

Оон ол чон хат ышкаш ужугуп, оруун уламчылаар. Шак ол бачыттыг улус бодунуң күжүн бурганчыдып турар».

Софония 2:15

Ол-дур, өөрүп-байырлап, сагыш амыр чурттап турар, чурттакчылары сеткил-чүрээнде: „Бо хоорай өндүр улуг, ол ышкаш хоорай чок!“ – деп турган Ниневия хоорай ынчап баар-дыр. Ол хоозуралга алзып, аң-мең чурттаар чер апаар! Ооң чаны-биле эрткен кижи бүрүзү кайгап-харап, кочулап сыгырар база олче холун чаңгыыр».

Матфей 3:8

Бурганче ээлгениңерниң херек кырында үре-түңнелин көргүзүңер!

Лука 11:41

Аяк-саваңарда бар хамык чүвени ядыыларга үлеп бериптиңер, ынчан бүгү бодуңар арыгланы бээр.

Ажыл-чорудулга 24:25

Ынчалза-даа Павел чөптүг чорук, кижиниң бодун өйлээр ужурлуунуң база Бурганның ам кээр шииткели дугайында чугаалап эгелээрге, Феликс корга бергеш: «Амдыызында чоруй бар, чайланы берзимзе, келдиртиптер мен» – дээн.

Ажыл-чорудулга 26:20

Баштай Дамаскыга, а ол ышкаш Иерусалимге, оон бүгү Иудеяга база өске чоннар улузунга суртаалдай берген мен. Олар бачыттарын миннип, Бурганче ээлзиннер дээш база ылап-ла ындыызын бадыткаар ажыл-херектерден кылзыннар дээш, суртаалдап турган мен.

Ажыл-чорудулга 8:22

Ол бузудуң дээш, бурууң билин база Дээрги-Чаяакчыга тейле, канчап билир, Ол ындыг бодалдарыңны өршээр чадавас.

2 Коринфичилерге 5:11

Ынчангаш бис, Дээрги-Чаяакчыдан коргары деп чүл дээрзин билир болгаш, улусту бүзүредип турар бис, а бистиң кымнар боорувус Бурганга билдингир; силерниң арын-нүүрүңер база ону билир дээрзинге идегээр мен.

Галатчыларга 5:13

Ха-дуңма, Бурган силерни хосталгаже кыйгырган-дыр. Чүгле ол хосталгаңарны кижи бүдүжүнүң кара туразында аажылаар чаңынче хуулдурбаңар. Харын бот-боттарыңарга ынакшылдыг бараан болуңар.

Галатчыларга 5:22

А Сүлдениң үре-түңнели бо-дур: ынакшыл, өөрүшкү, амыр-тайбың, шыдамык болгаш буянныг чорук, энерел, бүзүрел,

Галатчыларга 5:6

Христос Иисус-биле сырый харылзаалыг апаар болзувусса, кыртыжап демдектедири-даа, кыртыжап демдектетпези-даа чугула эвес. Ынакшыл дамчыштыр бодун көргүзер бүзүрел – чүгле ол чугула.

Эфесчилерге 4:28

Ооржу кижи оорланырын соксатсын, а ооң орнунга бодунуң кызыл күжү-биле амыдыралынга ажылдап ап, тыпкан олча-кежиин ядыылар-биле үлежир шаг-шинектиг болзун.

Ы. х. к. 24:13

харын ол кижи хеви-биле шуглангаш, удуп чыдып алзын; сени алгап-йөрээп кагзын дээш, ооң берген долаазын хүн ажар өйде эгидип бер, ынчан Дээрги-Чаяакчы Бурганың сени чөптүг-шынныг кижи кылдыр санаар.

Ы. х. к. 32:27

ынчалза-даа израильчилерниң дайзыннары Мээң хөңнүмге дээптер ирги бе дээш, соксап кагдым. Соксаваан болзумза, ол дайзыннар болган чүүлдү шын эвес тайылбырлап: ‘Бистиң холувустуң күжү тииледи, ол бүгүнү Дээрги-Чаяакчы кылбады!’ – деп мактаны бээр болгай“.

Ы. х. к. 8:17

Ишти-хөңнүңде: „Мээң күжүм, быжыг холум бо байлакты меңээ олчалап тып берди“ дей бердиң халак.

1 Пётр 4:8

Эң кол чүүл болза, бот-боттарыңарга быжыг ынакшылыңарны кадагалаңар, чүге дээрге ынакшыл бар болза, хөй-ле бачытты өршээп боор.