Даниил 4:1 - Ыдыктыг Библия

¹ Мен, Навуходоносор, бодумнуң бажыңымга амыр-шөлээн чурттап, ордумга аас-кежиктиг тамчыктанып чордум.

Даниил 4:1 Iomraidhean Croise

1 Чылдар 12:18

Ынчан Бурганның Сүлдези үжен шеригниң баштыңчызы Амессайны бүргеп келген, ол мынча дээн: «Амыр-ла, Давид. Бис сээң-биле кады бис, Иессейниң оглу! Сеңээ болгаш сээң талалакчыларыңга чедиишкинни күзеп тур бис, чүге дээрге Бурганың сеңээ дузалажып турар болгай». Давид оларны хүлээп алгаш, бодунуң шериглериниң баштыңчылары кылып каан.

Эзра 4:17

Хаан оларга мындыг харыы берген: «Тус чер чагырыкчызы Рехум, Шимшай бижээчи болгаш силерниң Самарияда-даа, Евфрат хемниң барыын талазында өске черлерде-даа чурттап турар эш-өөрүңер, амыр-мендиңерни эредим.

Эзра 5:7

Оларның хаанче чорудупкан дыңнадыында бижээни болза: «Дарий хаан, амыр-мендиңер эреп, мөгейдивис!

Эсфир 3:12

Бирги айның он үште хаанның бижээчилерин келдирткеш, Аманның айтыышкыны-биле күрүне эргелекчилеринге, девискээрлер чагырыкчыларынга, чон бүрүзүнүң нояннарынга оларның үжүк-бижиктери-биле оларның дылдарынга чагааларны бижиткен; ол бүгү Ахашверош хаанның адындан бижиттинген болгаш ооң билзээ-биле таңмалаттынып бадыткаттынган.

Эсфир 8:9

Шак ынчан, Сиван деп үш дугаар айның чээрби үште, хаанның бижээчилерин кыйгыртып эккелген. Олар Мардохейниң айтыышкыны-биле Индиядан Эфиопияга чедир 127 девискээрде еврейлерге, девискээрлер эргелекчилеринге, чагырыкчыларга база нояннарга чагаалар бижээн. Ол чагааларны ында чурттап чоруур бүгү чоннарның (ооң иштинде еврейлерниң) үжүк-бижии-биле оларның дылдарынга бижип чорударын дужааган.

Даниил 3:29

Бүгү чоннарга, аймактарга болгаш төрел бөлүктерге мээң үндүрген дужаалым бо-дур: кым Седрах, Мисах болгаш Авденагонуң Бурганын бак сөглээр болдур, ол кижини үзе-чаза кезип шаажылаар, ооң бажыңын узуткап каар! Чүге дээрге ол Бургандан өске кандыг-даа бурган ынчаар камгалап шыдавас».

Даниил 3:4

медеглекчи ыыткыр мынча дээн: «Дыңнаңар, бүгү чоннар, аймактар болгаш төрел бөлүктер!

Даниил 6:25

Ынчан Дарий хаан чер кырында бар бүгү чоннарга, аймактарга болгаш төрел бөлүктерге мынча деп бижип каан: «Силерге амыр-тайбың доктаазын!

Даниил 6:27

Ол камгалаар болгаш айыылдан адырар, дээрге болгаш черге кайгамчык чүүлдерни болгаш онзагай демдектерни чаяар. Ол Даниилди арзылаңнардан камгалаан».

Даниил 7:14

Аңаа эрге-чагырганы, алдар-хүндүнү база хааннаашкынны хүлээдип берип каан. Бүгү чоннар, аймактар болгаш төрел бөлүктер аңаа чагырты берген. Ооң эрге-чагыргазы – мөңге болгаш казыттынмас, Ооң хааннаашкыны кажан-даа узуткаттырбас.

Захария 8:23

Аг-шериглиг Дээрги-Чаяакчының чугаалаан чүвези бо-дур: «Ол хүннерде аңгы-аңгы дылдарда чугаалап турар бүгү чоннардан он-он кижи бир иудей кижиниң эдээнден халбактанып: „Силер-биле кады чоруурун биске чөпшээреп көрем, чүге дээрге Бурган силер-биле кады дээрзин дыңнадывыс!“ – дижир».

Ажыл-чорудулга 2:6

Шимээн дыңнааш, хөй чон чыглып келген. Улус аймап-хөлзей берген, чүге дээрге кижи бүрүзү дыңнаарга, элчиннер ооң төрээн дылында чугаалап турар болган.

Римчилерге 1:7

Римде чурттаан силер бүгүдеге – Бурганның ынак чону боору-биле Ооң кый деп алганы бүзүрээн улуска – бижип олур мен. Бурган Адавыс болгаш Дээргивис Иисус Христостан келген авырал биле амыр-тайбың силерге доктаазын!

Эфесчилерге 1:2

Бурган Адавыс болгаш Дээргивис Иисус Христостан келген авырал биле амыр-тайбың силерге доктаазын!

1 Тимофейге 1:2

Бүзүреливис аайы-биле алыс шынныг оглум болган Тимофей сеңээ бижидим. Бурган Адавыстан база Дээргивис Христос Иисустан келген авырал, өршээл база амыр-тайбың сеңээ доктаазын!

1 Пётр 1:2

Силерни Бурган Ада Бодунуң баш бурунгаар көрген сорулгазын ёзугаар Сүлдезин дамчыштыр ыдыктап, Иисус Христоска чагыртсыннар база Ооң ханы-биле бызай чаштынып арыгланзыннар дээш аңгылап үскен болгай. Авырал болгаш амыр-тайбың силерге эң-не элбээ-биле доктаазын!