Даниил 3:25 - Ыдыктыг Библия

²⁵ Ол мынча дээн: «А мен от ортузунда хостуг кылаштажып турар каң кадык дөрт кижи көрүп тур мен. Дөрт дугаар кижи Бурганның бир оглунга дөмей-дир».

Даниил 3:25 Iomraidhean Croise

Иов 1:6

Бир-ле хүн Дээрги-Бурган-Чаяакчының оолдары Ооң мурнунга турар дээш чедип келген, оларның аразынга буруудадыкчы турган.

Иов 38:7

Ол үеде эртенги сылдыстар өөрүп-байырлап, Бурганның бүгү оолдары өөрүшкүлүг алгыржып турган болгай.

Иов 5:19

Алды айыыл-халаптан Ол сени камгалаар, чедиги-даа айыыл сеңээ дегбес;

Ырлар 34:7

Олар чылдагаан чок черге меңээ четки салды, буруу чок черге меңээ оңгар казып алды.

Чугаалар 30:4

Кым дээрже көдүрлүп үнгеш, дедир бадып келгенил? Кым адыжынга хатты тудуп алганыл? Кым шывыгга сугну ораап алганыл? Кым черниң кыдыг-кызыгаарын өйлей хемчээп, доктаатканыл? Ындыг кижиниң ады кымыл? Ооң оглунуң ады кымыл? Билир боор сен аа?

Исайя 43:2

Суглар кежип туруңда, Мен сээң-биле боор мен, хемнер кежип туруңда, суг сени хөме албас. От өттүр эртип тургаш, өрттенмес сен, чалбыыш сени чивес.

Иеремия 1:19

Олар сеңээ удур халдап үнер, ынчалза-даа күш четпестер, чүге дээрге Мен сээң-биле боор мен – деп, Дээрги-Чаяакчы медеглээн. – Мен сени камгалаар мен».

Иеремия 1:8

Кымдан-даа кортпа, чүге дээрге Мен сээң-биле боор мен, сени камгалаар мен» – дээн.

Иеремия 15:21

Мен сени каржы-бак улустан камгалап, түрлүг улустуң холундан адырар мен».

Даниил 3:18

Бир эвес адырып албас-даа болза, дөмей-ле, хаан, билип алыңар: силерниң бурганнарыңарга бараан болбас бис, силерниң тургузуп каан алдын көжээңерге-даа мөгейбес бис» – деп чугаалаан.

Даниил 3:24

Хенертен Навуходоносор хаан кайгаанындан далаш-биле туруп келгеш, чөвүлекчилеринден айтырган: «Бис суугуже үш хүлүглүг кижи октапкан болгай бис але?» «Ийе, шак-ла ындыг, хаан» – деп харыылааннар.

Даниил 3:28

Навуходоносор хаан мынча дээн: «Седрах, Мисах болгаш Авденагонуң Бурганынга алдар! Ол Бодунуң төлээзин чорудупкаш, Аңаа идегээн чалчаларын камгалап алган-дыр. Олар хаанның дужаалын тооваан, боттарының амы-тынын бодаваан – бодунуң Бурганындан өске кандыг-даа бурганга бараан болбаан, мөгейбээн.

Даниил 6:23

Даниил анаа боорга, хаан дыка өөрээн, ынчангаш ону оңгардан уштуп эккээрин дужааган. Даниилди оңгардан уштуп эккээрге, ол шуут бүдүн-бүрүн болган – чүге дээрге ол бодунуң Бурганынга идегээн-дир.

Марк 16:18

чыланнарны холга тудуп аарга база өлүмнүг хоран ижерге, оларга хора халдавас. Олар холдарын аарыг улуска дегзирге, демгилери экирий бээр».

Лука 1:35

Дээрниң төлээзи аңаа мынча деп харыылаан: «Ыдыктыг Сүлде сенче бадып кээр, Дээди Өрүкүнүң күжү сени бүргей аптар. Ынчангаш божуп аарың Ыдыктыг Чаш төл Бурганның Оглу деп адаттырар.

Ажыл-чорудулга 28:5

Ынчалза-даа Павел чыланны отче дүжүр силгиптерге, ол аңаа кандыг-даа хора чедирбээн.

Римчилерге 1:4

Ол дээрге Бурганның өлүглер аразындан катап диргискеш, Бодунуң Сүлдезиниң ыдыктыының ачызында Бурганның өндүр күчүлүг Оглу деп чарлааны Дээргивис Иисус Христос-тур.

1 Пётр 3:13

Буян тарыырынче чүткүлдүг болзуңарза, кым силерже бузут халдадырыл?