Даниил 2:27 - Ыдыктыг Библия

²⁷ Даниил хаанга мынча деп харыылаан: «Хаанның айтырып турар чажыдын аңаа мерген угаанныглар-даа, илби-шидичилер-даа, караң көрнүр улус-даа, чурагачылар-даа ажыдып шыдавас.

Даниил 2:27 Iomraidhean Croise

Эге дөс 40:8

Олар: «Бис дүштер дүжедивис, а оларның утказын тайылбырлап бээр кижи чок-тур» – дээннер. Иосиф оларга: «Дүштүң тайылбыры Бургандан кээр эвес бе? Меңээ дүштериңерни чугаалап берип көрүңерем» – дээн.

Эге дөс 41:8

Эртенинде ол дүжүнден сестип, дүвүрээш, Египеттиң бүгү-ле илби-шидилиг болгаш мерген угаанныг кижилерин кыйгыртып, чыып алгаш, оларга дүжүн чугаалап берген. Ынчалза-даа оларның аразындан ол дүштерниң утказын тайылбырлаптар чаңгыс-даа кижи тывылбаан.

Исайя 19:3

Египетчилерниң сузу бастынар, Мен оларның бодап алган чүүлдерин чүү-даа эвес кылып каар мен; олар дүрзү-бурганнардан, өлүг улус сүнезиннеринден, караң көрнүрлерден арга-сүме айтырар.

Исайя 44:25

Меге медээчилерниң бадыткал демдектерин чүү-даа эвес кылып, төлгечилерни эпчок байдалга таварыштырып, мерген угаанныг деп санаттырар улустуң билиин утка чок чүве кылып турар мен.

Иеремия 10:7

Сенден кортпас кижи бар бе, чоннарның Хааны? Чаңгыс Сеңээ ол бүгү чогуур-дур. Аймак-чоннарның бүгү мерген угаанныгларының аразында, бүгү күрүнелерде Сеңээ дөмей кым-даа чок!

Даниил 1:20

Хаан кандыг-даа эртем талазы-биле чугаа чорударга, олар чурттуң бүгү илби-шидичилер болгаш караң көрнүрлеринден он катап угаанныг болган.

Даниил 2:2

Ынчан хаан бүгү халдей илби-шидичилерни, караң көрнүрлерни, чурагачыларны дүштерин тайылбырладып аар дээш кыйгыртып эккелген. Олар хаанның чарлыын ёзугаар ооң мурнунга чыглып келгеннер.

Даниил 4:7

Удуп чыда, мындыг дүш көрдүм. Чер-чурттуң ортузунда бедик ыяш өзүп турар –