Даниил 2:23 - Ыдыктыг Библия

²³ Өгбелеримниң Бурганы, Сени мактап, алдаржыдып тур мен. Чүгле Сен меңээ мерген угаанны болгаш күштү бердиң! Бистиң дилээвисти хандырып, Сен меңээ ам харыы бердиң: хаанның айтырып турган чүвезин Сен биске айтып бердиң».

Даниил 2:23 Iomraidhean Croise

Эге дөс 18:17

Дээрги-Чаяакчы мынча деп-тир: «Авраамдан бодалдарымны чажырайн бе?

Эге дөс 31:42

Бир эвес мээң ачамның Бурганы – Авраамның Бурганы, Исаактың сүртенчиг Бурганы – мээң-биле кады турбаан болза, сен мени чүү-даа чокка чорудуптар турган ийик сен. Мээң берге байдалымны база мээң күш-ажылымны көргеш, Бурган дүүн сени чемелээн-дир».

3 Хааннар 18:36

Кежээки өргүл салыр үе кээрге, Илия медээчи бедигээшче чоокшулап келгеш: «Авраамның, Исаактың болгаш Израильдиң Бурганы Дээрги-Чаяакчы, Сээң Израильде Бурган болуруң база чалчаң мен бо бүгүнү Сээң сөзүң ёзугаар кылганым бөгүн улуска билдингир апарзын!

3 Хааннар 8:57

Бистиң Бурганывыс Дээрги-Чаяакчы, ада-өгбевис-биле кады чорааны дег, бистиң-биле кады болзун! Ол бисти кажанда-даа каапкаш барбазын!

1 Чылдар 29:10

Давид Дээрги-Чаяакчыны бүгү чоннуң мурнунга мынчаар алгап-йөрээп турган: «Дээрги-Чаяакчы, өгбевис Израильдиң Бурганы, Сеңээ алдар-мактал!

1 Чылдар 29:13

А ам, бистиң Бурганывыс, Сеңээ четтиргенивис илередип, Сээң алдарлыг адыңны алгап-мактап тур бис.

2 Чылдар 20:6

мынча дээн: «Ада-өгбевистиң Бурганы Дээрги-Чаяакчы! Дээрде саадаан Бурган Сен эвес сен бе? А бүгү чоннарның күрүнелерин Сен чагырып турар сен. Сээң холуңда эрге-чагырга, күчү-күш бар, кым-даа Сеңээ удур туржуп шыдавас!

Ырлар 21:2

Мээң Бурганым! Мээң Бурганым! Чүү дээш мени кааптың? Сен мени камгалаарын көңгүс бодавайн тур сен, мээң дуза дилээн кыйгымдан ырак-тыр сен.

Ырлар 21:4

А Сен – Ыдыктыг Чагырыкчы сен, израиль чон Сени мактап турар.

Ырлар 50:14

Сээң берген камгалалың дээш өөрүшкүмнү эгит, меңээ арыг чаагай сеткилди хайырла.

Хосталыышкын 3:15

Бурган Моисейге оон ыңай мынча дээн: «Израиль чонга: „Дээрги-Чаяакчы, ада-өгбеңерниң Бурганы, Авраам, Исаак болгаш Иаков оларның Бурганы мени силерже айбылап чорутту“ – деп чугаала. Мээң кезээ мөңгеде артып каар адым ол-дур, бүгү салгалдар Мени ол ат-биле сактып алыр.

Чугаалар 21:22

Мерген угаанныг кижи күш-шыдалдыг улустуң хоорайын эжелеп алыр, оларның идегеп турганы шивээзин узуткап каар.

Чугаалар 24:5

Мерген угаанныг кижи – күштүг болур, билиглиг кижи – күжүн немеп алыр.

Чугаалар 8:14

Менде – арга-сүме бар, менде – чедиишкин бар, мен – угаан-дыр мен, күш база мээң таламда.

Экклесиаст 7:19

Угаанныг кижини мерген угааны хоорайның он чагырыкчызындан-даа күштүг кылыптар.

Экклесиаст 9:16

Ынчангаш мен «Мерген угаан күштен дээре-дир» дидим, ынчалза-даа улус ядыы кижиниң мерген угаанын куду көөр-дүр база ооң сөстерин тооп дыңнавас-тыр.

Экклесиаст 9:18

Мерген угаан дайын чепсээнден дээре дээрзи база шын; ынчалза-даа чаңгыс бачыттыг кижи хөй-ле эки-чаагай чүүлдү чок кылыр-дыр.

Исайя 12:1

Ол хүн кээрге: «Дээрги-Чаяакчы, Сеңээ өөрүп четтирип тур мен! Сен меңээ килеңнеп турган-даа болзуңза, Бодуңнуң килеңиңни чайладып, меңээ аргалалды хайырладың.

Иеремия 33:3

«Мени кыйгыр, сеңээ харыылаар мен, сээң билбейн чорааның, өндүр улуг, билип аары берге чүүлдерни сеңээ ажыдар мен» – дээн.

Даниил 1:17

Бурган ол дөрт оолга мерген угаан-сарыылды, бүгү эртемнерге чаяалганы хайырлап турган. А Даниилге янзы-бүрү дүштерни болгаш Бургандан көстүүшкүннерни тайылбырлап билир чаяанны база хайырлаан чүве-дир.

Даниил 2:18

Дээрде саадаан Бургандан оларны кээргеп, чажытты ажыдарын база Вавилоннуң мерген угаанныглары-биле кады шаажылаттырарындан чайладырын эки дилээрин эштеринге ол чагаан.

Амос 3:7

Дээрги-Чаяакчы чүү-даа чүвени Бодунуң чалчалары болур медээчилерге чажыт бодалдарын ажытпайн кылыр эвес.

Матфей 11:25

Иисус ол өйде мынча дээн: «Ачай, дээр биле черниң Дээргизи! Бо чүүлдерни мерген угаанныглар болгаш эртем-билиглиглерден чажыргаш, чаштарга көргүскениң дээш, Сени алдаржыдып тур мен!

Лука 10:21

Ол шакта Ыдыктыг Сүлде Иисусту өөрүшкү-биле бүргептерге, Ол мынча дээн: «Ачай, дээр биле черниң Дээргизи! Бо чүүлдерни мерген угаанныглар болгаш эртем-билиглиглерден чажыргаш, чаштарга көргүскениң дээш, Сени алдаржыдып тур мен! Ийе, Ачай, Сээң күзел-сорууң ындыг болган.

Иоанн 11:41

Дашты ап каапканнар. Иисус карактарын дээрже углай көргеш, мынча дээн: «Адам! Мени дыңнап турарың дээш, Сеңээ өөрүп четтирдим.

Иоанн 15:15

«Мен ам силерни чалчалар деп адавастай бердим, чүге дээрге чалча кижи ооң дээргизи чүнү кылып турарын билир эвес. Харын Мен силерни эш-өөрүм деп ададым, чүге дээрге Адамдан дыңнааным бүгү чүүлдү силерге чугаалап бердим.

Ажыдыышкын 1:1

Удавайн болур бүгү чүүлдү Бодунуң чалчаларынга көргүссүн дээш, Бурган Иисус Христоска ажыдыышкын берген. Бодунуң чалчазы Иоаннче дээрниң төлээзин чорудупкаш, Христос ук ажыдыышкынны аңаа көргүскен.

Ажыдыышкын 5:5

Ирейлерниң бирээзи ынчан меңээ: «Ыглава! Көр даан, Давидтиң Дазылы, Иуданың аймаандан үнген Арзылаң тиилээн-дир! Ол чеди таңманы адыргаш, дүрүгнү чазып шыдаар-дыр» – диди.