Даниил 2:20 - Ыдыктыг Библия

²⁰ «Бурганның адынга мөңге шагда алдар! Ол мерген угаанныг болгаш күштүг-дүр.

Даниил 2:20 Iomraidhean Croise

Эге дөс 14:20

Дайзыннарыңны тиилээринге сеңээ дузалашкан Дээди Өрүкү Бурганга алдар!» Аврам ынчан олча-ажыының оннуң бир кезиин Мелхиседекке берипкен.

3 Хааннар 8:56

«Аазаанын ёзугаар Бодунуң израиль чонунга амыр-дышты хайырлаан Дээрги-Чаяакчыга алдар! Бодунуң чалчазы Моисейни дамчыштыр Ооң берген ачылыг аазаашкыннарындан чаңгыс-даа сөс күүселде чок артпаан.

1 Чылдар 29:20

Ооң соонда Давид бүгү чонга мынча дээн: «Бурганыңар Дээрги-Чаяакчыны алгап-йөрээңер!» Ынчан шупту боттарының өгбелериниң Бурганы Дээрги-Чаяакчыны алгап-йөрээген. Олар Дээрги-Чаяакчыга болгаш хаанга черге чедир мөгейип кээп дүшкеннер.

2 Чылдар 20:21

Хаан чон-биле сүмелешкеш, Дээрги-Чаяакчыга ырлап бээр ужурлуг улусту база Ооң өндүр бедик ыдыктыын алдаржыдып: «Дээрги-Чаяакчыга өөрүп четтириңер, Ооң энерели кезээ шагда үстүп төнмес-тир!» – деп чоруур ужурлуг улусту томуйлааш, шериглер мурнунга тургузуп каан.

Неемия 9:5

Оон левиттер – Иисус, Кадмиил, Бани, Хашавния, Шеревия, Годия, Шевания болгаш Петахия: «Боттарыңарның Бурганыңар Дээрги-Чаяакчыны мөңгеде алдаржыдыңар-ла! – дээннер. – Улус сээң алдарлыг, кандыг-даа алгаг-макталдан, алгыш-йөрээлден өндүр бедик адыңны алдаржытсын!

Иов 12:13

Мерген угаан биле күчү-күш – Бурганда, арга-сүме биле угаан-сарыыл – Бурганда!

Ырлар 113:1

Израильчилер Египеттен үне бээрге, Иаковтуң салгалы хары чондан чоруй баарга,

Ырлар 113:2

Иудея – Бурганның ыдыктыг чери, Израиль – Бурганның ээлээн чери болу берген.

Ырлар 147:5

Ол ак дүк ышкаш харны чада салыр, хүл ышкаш хырааны черже тө чажар;

Ырлар 62:11

оларны хылыш-биле шанчып өлүрүп каарга, дилгилерге чемиш апаарлар.

Чугаалар 8:14

Менде – арга-сүме бар, менде – чедиишкин бар, мен – угаан-дыр мен, күш база мээң таламда.

Иеремия 32:19

Сээң угаан-сарыылың өндүр улуг, ажыл-херээң сан-түң чок. Сээң карааң кижи төрелгетенниң бүгү оруктарын көрүп турар, Сен кижи бүрүзүн, ооң оруктары дээш, ажыл-херээниң үре-түңнелин барымдаалап, шаңнаар азы кезедир сен.

Иезекиил 28:3

Даниилден мерген угаанныг сен, сеңээ билдинмес чажыт чүве-даа кайда боор!

Матфей 6:13

Бисти күткүлгеге алыспас кылып көр, ол ышкаш бузуттугдан бисти адырып көр. [Чүге дээрге чагырга, күчү-күш база алдар Сеңээ кезээ мөңгеде хамааржыр-дыр. Аминь.]“

Иуда 1:24

Дың чаңгыс Бурганга – силерни илдигип кээп дүжеринден кадагалап шыдаар база өндүр бедик Бодунуң мурнунче кем-буруу чок, өөрүшкүлүг улус кылдыр чедире берип шыдаар Камгалакчывыска – Дээргивис Иисус Христосту дамчыштыр алдар, өндүр-чаагай чорук, күчү-күш база эрге-чагырга эрткен бүгү үелерден бээр, ам болгаш кезээ мөңгеде доктаазын! Аминь.

Ажыдыышкын 5:12

Олар ыыткыр ырлажып турду: «Өргүлге салган Хураган төлептиг! Ол эрге-чагырганы, эртине-байлакты, мерген угаанны, күчү-күштү, мактал-хүндүнү, алдарны база алгыш-йөрээлди алырынга төлептиг!»