Даниил 12:4 - Ыдыктыг Библия

⁴ А сен, Даниил, бо сөстерни чажыт кадагалап, номну таңмалап, шыгжап ал – хөй кижилер ону номчуп, билиг көвүдеп кээр үеге чедир».

Даниил 12:4 Iomraidhean Croise

Исайя 11:9

Бурганның бүгү ыдыктыг даанга бузут үүлгедир, хора халдадыр чорук турбас апаар, чүге дээрге, далайны сугларның долары дег, чер-делегей Дээрги-Чаяакчыны билип аары-биле долдунар.

Исайя 29:11

Бурган силерге кандыг-даа көстүүшкүн чорударга, ол көстүүшкүн дүрүп, таңмалап каан дүрүг-номнуң сөстери дег боор. Бир эвес ындыг дүрүг-номну номчуп билир кижиге номчузун дээш тутсуп бээр болза, ол кижи: «Шыдавас мен, ону таңмалап каан-дыр» – деп харыылаар.

Исайя 30:26

Айның чырыы хүннүү дег апаар, а хүн чеди катап чырык кылдыр, чеди хүннүң чырыы-биле чырыда бээр. Дээрги-Чаяакчы Бодунуң чонунуң балыын шарып бээр, ооң кемдээшкиннерин экиртир хүнде ындыг болур.

Исайя 32:3

Карактыг улустуң карактары ам-на тода көре бээр, кулактыг улустуң кулактары ам-на дыңнап каар.

Исайя 8:16

Мен херечилелимни шыгжап каайн, Бурганның ажыдыышкынын өөреникчилерим көрүп турда, таңмалап каайн.

Иеремия 5:1

«Иерусалимниң кудумчуларын эргий кылаштаңар. Көрүп чоруңар, сураглап билип алыңар, төп шөлдерден дилеңер: алыс шынче чүткээн, оода чаңгыс чөптүг кижи бар-дыр бе, ындыг кижи тып шыдаар силер бе? Тып алзыңарза, Мен найысылалды өршээр мен!

Даниил 10:1

Персияның хааны Кирниң чагыргазының үшкү чылында Даниилге (азы Белтешацарга) Бургандан ажыдыышкын болган – ол медээ ылап шынныг, дыка күштүг болган.

Даниил 10:14

Сээң чонуң-биле келир үеде чүү болурун сеңээ чугаалаар дээш келдим. Чүге дээрге бо көстүүшкүн ол үеге хамааржыр чүве-дир».

Даниил 11:33

Чоннуң мерген угаанныглары хөй улусту өөредип эгелээш, түр када кызагдалга – хылыш болгаш отка, туттуругга болгаш үптээшкинге – таваржыр.

Даниил 11:40

Төнчүнүң үезинде мурнуу хаан соңгу хаанга удур, үзер буга дег, дайынныг үнүптер. Ынчалза-даа, күштүг шуурган дег, соңгу хаан дайынчы тергелерлиг, аъттыг шериглиг болгаш хөй корабльдарлыг аңаа удур халдап кээр. Соңгу хаан, хөме келген үер дег, аңгы-аңгы чурттарны таварбышаан,

Даниил 12:13

А сен төнчү хүнче уткуштур бодуң орууң-биле чорувут. Сен оожургалды тып аар сен, ооң соонда сөөлгү хүнде туруп келгеш, шаңналың алыр сен».

Даниил 12:5

Ынчан мен, Даниил, оон өске база ийи кижи турарын көрүп кагдым: бирээзи – ындыы эрикте, өскези – бо талазында.

Даниил 12:9

Ол мынча деп харыылады: «Бар че, Даниил. Ол бүгү төнчү үеге чедир таңмалап шыгжаттынган чажыт болгай.

Даниил 8:17

Гавриил мээң турган черимге чедип келди. Ол чоокшулап кээрге, кортканымдан черже доңгая кээп дүштүм. Ол меңээ мынча диди: «Кижи амытан, ол көстүүшкүн төнчү үеге хамааржыр деп билип ал».

Даниил 8:19

чугаалады: «Доктааткан төнчү үеде, Бурганның килеңиниң сөөлгү хүннеринде чүү болурун сеңээ чугаалап берейн.

Даниил 8:26

Кежээки болгаш эртенги өргүлдер салып болбас үе дугайында бо көстүүшкүн ылап шын болур. Сен ону улустан чажырып, таңмалап чор. Ол талыгыр ыракта хүннерге хамааржыр».

Матфей 24:14

Дээрниң Чагыргазының дугайында бо Буянныг Медээни бүгү делегейге, хамык чоннарга медеглээн турар, бүгү чүвениң төнчүзү чүгле ооң соонда кээр».

Римчилерге 10:18

А мен айтырып тур мен: кай, олар дыңнаваан бе? Дыңнаан болбайн канчаар! Чүге дээрге Бижилгеде мынча дээн болгай: «Бүгү чер-делегейге оларның үн-чугаазы дыңналып эрткен, оларның сөстери өртемчейниң кыдыгларынга чеде берген» .

Ажыдыышкын 10:4

Чеди диңмирээшкин диңмирей кааптарга, мен бижииринге белеткени бердим, ынчалза-даа дээрден мынча дээн үн дыңналды: «Чеди диңмирээшкинниң чугаалаан чүвезин таңмалап, шыгжап ал, ону биживе».

Ажыдыышкын 22:10

Ол меңээ чугаалаан чүвезинге немей: «Сен бо номнуң өттүр билип медеглээн сөстерин чажырып, таңмалава. Ол бүгү боттаныр үе чоокшулаан-дыр.

Ажыдыышкын 5:1

Мен оон дүжүлгеде саадаан Бурганның оң холунда дүрүг-ном көрүп кагдым. Ооң артыы, иштии талаларын долдур бижээш, чеди таңма-биле аңгылай таңмалаан болду.