Даниил 12:2 - Ыдыктыг Библия

² Черде хөмдүрген мөчү-сөөктерниң хөй кезии оттуп кээр: чамдыызы мөңге амыдыраар дээш, өскелери – мөңгеде бужар бак, шоотка кирер дээш.

Даниил 12:2 Iomraidhean Croise

Чугаалар 12:8

Кижини угаанныг чугаа-сөзү алдаржыдар, а кем-буруулуг бодалдары – бужартадыр.

Исайя 26:19

Сээң өлүг улузуң дирлип кээр, өлүглерниң мөчү-сөөгү амыдыралче эглип кээр! Довуракка хөмдүрген улус, оттуп келиңер, өөрүшкүлүг ырлажыңар! Сен оларны, эртенги шалың ышкаш, сериидедир сен. Өлүглер ораны бодунуң улузун үндүрүп салыр.

Исайя 66:24

А өргээмден үнүп тура, улус Меңээ удур үймээн үндүргеннерниң мөчү-сөөгүн көрүп каар; оларны курттар-даа, өшпес от-даа кезээ шагда чиир, олар бүгү кижи төрелгетенге ческинчиг болур».

Иеремия 20:11

Ынчалза-даа Дээрги-Чаяакчы, коргунчуг дайынчы ышкаш, мээң-биле кады! Ынчангаш мени истеп-сүргеннер кошкаш кынныр, меңээ күш четпес, кончуг бак атка кирер болгаш, салган сорулгазын чедип албас. Оларның адының баксырааны кажан кезээде уттундурбас!

Иезекиил 37:12

Ынчангаш өттүр билип медеглеп, оларга Дээрги-Бурган-Чаяакчының чугаалаан чүвезин дамчыт: Мээң чонум, силерниң чевээңерни ажыдып, силерни үндүрүп аар мен, оон израиль черже эккээр мен.

Осия 13:14

Мен израильчилерни өлүглер оранының эрге-чагыргазындан адырар мен бе? Чок, оларга кээргел көргүспес мен! Өлүм, сээң хамчык аарыың кайыл? Алдыы оран, сээң халдавырлыг аарыың кайыл?

Матфей 25:46

Олар ынчан мөңге кеземчеже чоруптар, а чөптүг-шынныг улус мөңге амыдыралды алыр».

Ажыл-чорудулга 24:15

Бурган Бодунга шынчы-даа, шынчы эвес-даа улусту катап диргизер дээрзинге олар боттары идегээри дег, мен база ындыг идегелдиг мен.

Ажыл-чорудулга 7:60

Оон дискектенип олуруп алгаш, дыңзыг үн-биле: «Дээрги-Чаяакчы, бо бачыды дээш, оларны буруудатпайн көр!» – деп чугаалаан соонда, Стефанның амы-тыны үстү берген.

Римчилерге 9:21

Азы дой сава кылыкчызы дойну чагырып, чаңгыс-ла ол дойдан хүндүлүг ажыглалдың база хүн бүрүнүң савазын кылып шыдавас бе?

1 Фессалоникчилерге 4:14

Бир-тээ, Иисус өлгеш, оон катап дирилген деп бүзүрээр болганывыста, Иисуска бүзүревишаан өлген улусту Бурган Ооң-биле кады дедир эккээр деп база бүзүрээр бис.

Ажыдыышкын 20:12

Мен ынчан дүжүлгениң мурнунда турар улуг, биче өлүг улусту көрүп кагдым. Ажып каан номнар база бар болду. Оон база бир номну – амыдыралдың номун – ажыдып кагды. Өлүглерни оларның кылган херектерин барымдаалап, номнарда оларның дугайында бижээнин ёзугаар шииткен.