Даниил 11:45 - Ыдыктыг Библия

⁴⁵ Ол бодунуң хаан майгыннарын далай биле ыдыктыг Каас дагның аразынга тип алыр. Ынчалза-даа ооң төнчүзү кээр, аңаа кым-даа дузалавас».

Даниил 11:45 Iomraidhean Croise

Ырлар 48:2

Бүгү чоннар, мону дыңнаңар! Өртемчейде чурттаан бүгү улус, кулактарыңар ээктириңер!

Исайя 10:12

Дээрги Сион даг биле Иерусалимге удур кылып турар херээн төндүргеш, Ассирияның хаанының улуургак, турамык сагыш-хөңнүн болгаш ооң туразы улуг, өрү көрдүнер чоруун кезедир.

Исайя 11:9

Бурганның бүгү ыдыктыг даанга бузут үүлгедир, хора халдадыр чорук турбас апаар, чүге дээрге, далайны сугларның долары дег, чер-делегей Дээрги-Чаяакчыны билип аары-биле долдунар.

Исайя 14:13

А сен бодуңнуң сеткил-чүрээңде: „Дээрже көдүрлү берейн, дүжүлгемни Бурганның сылдыстарындан өрү көдүрүп, бурганнарның чөвүлежип чыглыр чери – Цафон дагның ийлеринге саадаайн.

Исайя 2:2

Сөөлгү хүннер кээрге, Дээрги-Чаяакчының өргээзи турар дагны Ол өске бүгү тейлер, даглардан бедидир тургузуп каар. Бүгү чоннар ол дагга чедип кээр,

Исайя 27:13

Ол хүн өндүр улуг трубаны этсир – Ассирияда чиде берген база Египетче сывыртадыпкан улус ында Иерусалимниң турары ыдыктыг дагга келгеш, Дээрги-Чаяакчыга мөгеер.

Исайя 65:25

Бөрү биле хураган кады оъттаар, арзылаң шары ышкаш сиген чиир, а чыланның чеми довурак-доозун бооп артар. Мээң бүгү ыдыктыг даамга кым-даа узуткаашкын кылбас, хора чедирбес апаар». Дээрги-Чаяакчының чугаалаан чүвези ол-дур.

Исайя 66:20

Ынчан олар бүгү чоннар аразындан силерниң бүгү ха-дуңмаңарны чуузалар, тергелерге олурткаш, аъттар, элчигеннер болгаш тевелерге мундургаш, Мээң ыдыктыг даамче, Иерусалимче, Дээрги-Чаяакчыга белек кылдыр эккээр – деп, Дээрги-Чаяакчы чугаалаан. – Бүгү чоннар улузу израильчилерни, Дээрги-Чаяакчының өргээзинге израильчилерниң арыг саваларда далган-тараа өргүлүн эккээри дег, эккээр.

Иезекиил 39:2

Мен сени ээй тырткаш, соңгу чүктүң кыдыг-кызыгаарындан үндүре бергеш, даглыг Израильге удур эккээр мен.

Даниил 11:16

Халдап тиилээн хаан күзээн-не чүвезин кылыр, аңаа удур кым-даа туржуп шыдавас. Ол Каас чуртту эжелеп алыр, ол чурт бүрүнү-биле аңаа чагырты бээр.

Даниил 11:41

Каас чуртка чедип кээрге, дүк-түмен кижилер өлүртүр. Ынчалза-даа эдом, моав чоннар болгаш аммоннарның даргалары ооң холунга таварышпас.

Даниил 11:44

Оон чөөн чүктен база соңгу чүктен келген медээлер хаанны дүвүредиптерге, ол аажок килеңнеп, дыка хөй улуска хоозуралды болгаш өлүмнү таварыштырып, ынаар углаптар.

Даниил 2:35

Ынчан демир, дой, хүлер, мөңгүн болгаш алдын шупту тоглап баткаш, чайгы шаңда тараа саваңы дег апарган. Хат ол бүгүнү хадып аппаарга, чүү-даа артпайн барган-дыр. А көжээни чуура дүшкен даш улуг даг апаргаш, бүгү чер-делегейни дола берген.

Даниил 7:26

Ынчалза-даа шииткел чорудулгазы эгелээрге, ол хаанның эрге-чагыргазы казыттынар: ону чок кылып, бүрүнү-биле узуткап каар.

Даниил 8:25

Кончуг кажар, кара сагыжын чедимчелиг ажыглааш, улуургак апаар. Дыка хөй улусту ол хенертен чылча шаап каар. Ынчангаш ол хаан тергиидекчилерниң Тергиидекчизинге удур тура халааш, адак сөөлүнде бастырып аар – а кеземчени кижиниң кандыг-даа киржилгези чокка алыр.

Даниил 9:16

Дээргим! Сээң кезээде чөптүүң ёзугаар, Бодуңнуң кыптыккан килеңиңни ыдыктыг дааңда турар Иерусалим хоорайыңдан чавырып ап көр. Бистиң бачыдывыс хараазындан база бистиң өгбелеривистиң буруузу-биле Иерусалим болгаш Сээң чонуң чоок-кавының чоннарынга куду көрдүрткен.

Даниил 9:20

Мен бодумнуң болгаш израиль чонумнуң хай-бачыдын миннип, Бурганым Дээрги-Чаяакчыга ынчалдыр чаннып турдум, Бурганымның ыдыктыг даа дээш дилеп турдум.

Иоил 2:20

Мен соңгу чүктен келген аг-шеригни силерден ырадып, куруг, кургап калган черже үндүр сывырыптар мен. Оларның мурнукуларын чөөн чүкте далайже, а соондагыларын – барыын чүкте далайже чорудуптар мен, оларның мөчү-сөөктеринден бак чыт үнер, хоралыг чыт тараар. Чүге дээрге олар хөй бузутту үүлгеткен-дир».

Михей 4:2

эңдерик чоннар аңаа чыглып кээр. Олар бот-боттарынга: «Барып, Дээрги-Чаяакчының даанче, Иаковтуң Бурганының өргээзинче үне берээли. Бурган бисти Ооң оруктары-биле чоруурунга өөредип каар, бис Ону эдерер бис» – дижир. Сиондан ыдыктыг хоойлу дүжүп кээр, Иерусалимден Дээрги-Чаяакчының сөзү тараар.

Захария 14:8

Ол хүн Иерусалимден амыдырал хайырлаар суг агып бадар: ооң бир чартыы чөөн чүкте далайже, өске чартыы – барыын чүкте далайже киир агар; чайын-даа, кыжын-даа ындыг боор.

Саннар 34:5

Ацмондан ыңай кызыгаар Египет-биле кызыгаарда турар хемче шиглей шөйүлгеш, далайга чедер.

2 Фессалоникчилерге 2:4

Ол язы улустуң «Бурган» дээри азы ыдыктыг деп мөгеери бүгү чүүлге удурланып, бодун өрү көрдүнер, оон туржук, Бурганның өргээзинге дүжүлгеже саадаптар база бодун «Бурган мен» деп чарлаттынар.

2 Фессалоникчилерге 2:8

Ынчан ол бузуттуг язы бодун ажыы-биле көргүзер, ынчалза-даа Дээрги Иисус Бодунуң ээп кээр хүнүнде ону Бодунуң аксындан үнген тыныш-биле өлүрүп, узуткап каар.

Ажыдыышкын 13:10

Тудуп алгаш баар ужурлуг кижини тудуп алгаш баар. Хылыштан калыр ужурлуг кижини хылыш шанчып каар. Ынчан Бурганның улузундан шыдамык чорук болгаш бүзүрел негеттинер.

Ажыдыышкын 20:2

Ол төлээ улуну – эрлик база удурланыкчы болур шаандагы чыланны – тудуп хоругдааш, ону илчирбе-биле муң чыл дургузунда кинчилеп кагды.

Ажыдыышкын 20:9

Черниң чүк-чүгүнден сөктүп келгеш, олар Бурганның улузунуң турлаан база Ооң ынак хоорайын бүзээлептерлер. Ынчалза-даа дээрден от дүшкеш, оларның аг-шериин хуюкталдыр чиптер.