Даниил 11:43 - Ыдыктыг Библия

⁴³ Ол бүгү бай-байлакты – алдын-мөңгүннү, Египеттиң бүгү-ле эртинелерин эжелеп аар. Ливияның болгаш Эфиопияның чоннары ооң будунуң адаанга баар.

Даниил 11:43 Iomraidhean Croise

2 Чылдар 12:3

Сусаким 1200 дайынчы тергелиг, 60 000 аъттыг шериглиг болгаш Египеттен ооң-биле кады келген ливий, сукхий болгаш эфиоп эмге-санчок чадаг шериглиг халдааш,

Хосталыышкын 11:8

Ынчан сээң шупту дүжүметтериң меңээ чедип келгеш, мөгейип: „Баштап турар бүгү чонуң-биле чоруй бар“ – деп дилээрлер. Ооң соонда мен чоруй баар мен». Моисей оон фараондан килеңи кыптыгып үне берген.

Иезекиил 38:5

Сээң аг-шерииңге Персия, Эфиопия болгаш Ливияның дөгерези дозуг-камгалалдыг, куяк бөрттерлиг шерии каттыжар;

Даниил 11:42

Соңгу хаан бодунуң эрге-чагыргазын өске чурттарга тургузуптар, Египет база ол үүледен чайлап шыдавас.

Даниил 11:44

Оон чөөн чүктен база соңгу чүктен келген медээлер хаанны дүвүредиптерге, ол аажок килеңнеп, дыка хөй улуска хоозуралды болгаш өлүмнү таварыштырып, ынаар углаптар.

Наум 3:9

Эфиопия биле Египеттиң кедергей улуг күчү-күжүнге ол ооргаланып турду, фут биле ливий чоннар ооң эвилелчилери бооп турду.

Баштыңчылар 4:10

Варак Завулон болгаш Неффалимниң аймактарын Кедесче кый деп, чыып алган, 10 000 кижи ону эдерип чорупкан, а Девора база ооң-биле кады чорупкан.