Даниил 11:30 - Ыдыктыг Библия

³⁰ Ол хаанга удур китт чоннуң корабльдары чедип кээрге, ооң сузу бастынып, аткаарлап эгелээр. Ыдыктыг чагыг-керээже ооң килеңи кыптыгып, хөделип эгелээр. Ээп чедип келгеш, хаан ыдыктыг чагыг-керээден ойталаан улус-биле каттыжып аар.

Даниил 11:30 Iomraidhean Croise

Эге дөс 10:4

Иаванның оолдары: Элиса биле Фарсис, ол ышкаш китт чон биле додан чон.

1 Чылдар 1:7

Иаванның оолдары: Элиса биле Фарсис, китт чон биле родан чон.

Неемия 6:12

Ынчан Шемайяны Бурган чорутпаанын, ону Товия биле Санаваллат хөлезилеп аарга, ооң меңээ удур өттүр билип медеглеп турарын билип кагдым.

Исайя 23:1

Тир хоорай дугайында өттүр билген медеглел бо-дур. Ыглап-сыктаңар, Фарсистен ээп келген корабльдар! Тир хоорай үрелип бузулган-дыр, бүдүн бажың артпаан-дыр. Ол медээ оларга китт черден чеде берген.

Исайя 23:12

Дээрги-Чаяакчы: «Чазарлаттырган уруг, күжүр Сидон-кыс, моон соңгаар өөрүшкү көрбес сен! Доп-дораан китт черже чоруй баар-даа болзуңза, аңаа безин амыр-дыш көрбес сен» – дээн.

Иеремия 2:10

Китт чоннуң ортулуктарынче баргаш, көрүңер, кедар аймакче элчиннерден чоруткаш, хайгыылдап көрүңер. Орта шак мындыг чүве болган бе деп билип алыңар:

Иезекиил 27:6

Эшкииштериңни Васан черниң дуб ыяжындан чазаан; корабльды китт чоннуң ортулуктарындан эккелген быжыг самшит ыяш-биле кылгаш, чаан сөөгү-биле шап каан.

Даниил 11:28

Соңгу хаан хөй олча-омактыг чанып чоруптар, ыдыктыг чагыг-керээже семээр бодап алгаш, хөделип эгелээр. Ооң соонда ол чуртунче чана бээр.

Даниил 11:29

Доктааттынган үеде соңгу хаан мурнуу күрүнеже база катап халдаар, ынчалза-даа ол биеэде дег чедимчелиг болбас.

Даниил 7:25

Ол Дээди Өрүкү Бурганга удур чугаалар кылып, Ооң ыдыктыг чонун кызып-кыйып, байырлалдарын болгаш дүрүмнерин өскертип каарын бодаар. Ыдыктыг чон ооң холунче кирер – бир чыл, ийи чыл база чартык чыл иштинде.

Саннар 24:24

Китт чон бодунуң черинден корабльдар-биле эжиндирип келгеш, Ассирияны-даа, Еверниң үре-салгалын-даа чагырып аар, ынчалза-даа олар боттары база бүрүнү-биле узуткаттырар!» – деп чеченчидир медеглээн.

Матфей 24:10

Эңдерик улус бо моондакты ажып шыдавастап, бот-боттарын сатчып база көрүшпестеп эгелээр.

Ажыдыышкын 12:12

Ынчангаш өөрүп-байырлаңар, дээрлер база дээрлерниң чурттакчылары! А чер биле далай, ат болур силер, чүге дээрге эрлик силерже бадып келген-дир! Ол хөлчок килеңнээн, чүге дээрге ооң үези көңгүс эвээш артканын билир-дир».