Даниил 10:7 - Ыдыктыг Библия

⁷ Чүгле мен, Даниил, ол көстүүшкүннү көрүп турган мен. А мээң-биле кады чораан улус ону көрбейн турган. Ынчалза-даа аажок улуг коргуушкун хөме ала бээрге, олар тарадыр маңнажып, чаштына бергеннер.

Даниил 10:7 Iomraidhean Croise

Эге дөс 3:10

«Сээң үнүңнү дыңнап кааш, эвегенимден эпчоксунгаш, чашты бердим» – деп, ол харыылаан.

Исайя 2:10

Израиль чон, Дээрги-Чаяакчыдан корткаш, Ооң өндүр чырыының чайыннаажындан сүрээдээш, хаяларже ажытталы бер, куйларже чаштына бер!

Иеремия 23:24

Кандыг-бир кижи Менден чажыт черже чаштына берип шыдаар бе? Мен ону көрбейн баар мен бе? – деп, Дээрги-Чаяакчы айтырган. – Дээр биле черни Мен бүргей ап турар эвес мен бе?» Дээрги-Чаяакчының медеглээн чүвези ол-дур.

Иезекиил 12:18

«Кижи амытан, чемненип тура, сүрээде, суксун ижип тура, кортканыңдан сириле.

Ажыл-чорудулга 22:9

Мээң кады чораан улузум ол чырыкты көрген, ынчалза-даа мээң-биле чугаалашкан үннү билип албаан.

Ажыл-чорудулга 9:7

Савл-биле кады чораан улус дылдары көжүп калган турган: олар үннү дыңнаарын дыңнааннар, ынчалза-даа кымны-даа көрбээннер.

Еврейлерге 12:21

Каракка көстүр чүүл ындыг коргунчуг боорга, Моисей: «Корткаш, сириңейнип тур мен» – дээн.