Даниил 10:16 - Ыдыктыг Библия

¹⁶ Ынчан кижи хевирлиг бир-ле амытан мээң эриннеримге дээптерге, чугаам үнүп келди. Мурнумда турар кижиге мынча дидим: «Дээргим! Көстүүшкүннер хараазы-биле мен далып-тыртып турдум, шаг-шинээм төнүп, күжүм чидириптим.

Даниил 10:16 Iomraidhean Croise

Хосталыышкын 4:10

Моисей Дээрги-Чаяакчыга: «О, Дээргим! Мен чевен, сөскүр эвес кижи мен. Мооң мурнунда-даа ындыг чордум, чалчаң болур мээң-биле чугаалашканың соонда-даа, чугаа-сөзүм чевен хевээр-дир» – деп харыылаан.

Хосталыышкын 4:13

А Моисей: «О, Дээргим! Чорудуп болуруң өске кижиден айбылап көрем» – деп дилээн.

Экклесиаст 1:18

Чүге дээрге улуг угаанда улуг муңгарал бар-дыр база угаан-билигни көвүдедип чоруур кижи ундаралды көвүдедип чоруур-дур.

Исайя 6:7

Ол оозун мээң аксымга дээскеш: «Көрдүң бе, бо оттуг кезек аксыңга деггеш, кем-бурууңну чайлатты, бачыдың ам арыглаттына берген» – деп чугаалады.

Иеремия 1:9

Дээрги-Чаяакчы холун сунуп, аксымга дээскеш, меңээ: «Бодумнуң сөстеримни ам сээң аксыңдан үнер кылып кагдым.

Иезекиил 1:26

Оларның баштарында бопурук чүвениң кырында сапфир даштан кылган дүжүлгеге дөмей бир-ле чүве бар болду, а ол дүжүлгеге дөмей чүвениң кырында кижи амытан дег хевирлиг бир Кижи саадап олурду.

Иезекиил 3:27

А сээң-биле чугаалашканымда, аксыңны ажыдып турар мен, сен чүгле ынчан оларга: „Дээрги-Бурган-Чаяакчы ынча деп тур!“ – дээр сен. Дыңнаксаан кижи дыңнап алзын, дыңнаар хөңнү чок кижи дыңнавазын, бо дээрге үймээнчи чон болбазыкпе».

Иезекиил 33:22

А ол кижиниң кээриниң бүдүүзүнде кежээ Дээрги-Чаяакчы мени башкарып эгелээш, демги кижи даартазында эртен меңээ кээр бетинде, мээң үнүмнү эгидип берген. Ол мээң үнүм үндүрүптерге, ам-на чугаалап эгелээн мен.

Даниил 12:8

Мен ону дыңнааш, чүнү-даа билбейн бардым. Ынчангаш катап айтырдым: «Мээң дээргим, ол бүгүнүң түңнели кандыг болур ирги?»

Даниил 4:19

о хааным, силер-дир силер. Силер улуг болгаш күчүлүг силер: силерниң ат-алдарыңар дээрге чедир өскен, а силерниң эрге-чагыргаңар черниң ужу-кыдыынга чедип турар.

Даниил 7:15

Мен, Даниил, көстүүшкүнүмде ол бүгүнү көргеш, дүвүрелге алыстым – ол көстүүшкүннерден аажок корттум.

Даниил 7:28

Ынчалдыр чугаа төндү. Мени, Даниилди, улуг коргуушкун хөме апкан, арным агара берген. А ол чугааны сеткилимге шыгжап алган мен.

Даниил 8:15

Ол көстүүшкүннү көргеш, мен, Даниил, ооң утказын билип алырын оралдажырымга, мээң мурнумга эр кижи хевирлиг бир-ле амытан чедип келди.

Даниил 8:17

Гавриил мээң турган черимге чедип келди. Ол чоокшулап кээрге, кортканымдан черже доңгая кээп дүштүм. Ол меңээ мынча диди: «Кижи амытан, ол көстүүшкүн төнчү үеге хамааржыр деп билип ал».

Даниил 8:18

Гавриил мээң-биле чугаалажып турда, мен черге билинмес чыткан мен. Ынчан ол мени көдүрүп тургузуп кааш,

Даниил 8:27

Мен, Даниил, чилчиим үстүп, элээн хонуктар иштинде аарып чыткан мен. Ооң соонда мен катап-ла хаанга бараан болуп чордум. Мен ол көстүүшкүнден дыка сүрээдээн болгаш, утказын билбес турдум.

Даниил 9:21

Мен ынчалдыр мөргүп турумда, баштайгы көстүүшкүнде көргеним Гавриил деп кижи меңээ дүрген ужуп чедип келди. (Ол бүгү кежээки өргүл кылыр үеде болган.)

Лука 1:64

Дораан-на Захарияның чугаа-сөзү үнүп келген, ол чугааланып, Бурганны алдаржыдып эгелээн.

Лука 21:15

Чүге дээрге Мен силерге удурланыкчыларыңарның кайызы-даа удур туржуп база чаргылдажып шыдавазы чечен дыл болгаш мерген угаанны бээр мен.

Иоанн 20:28

Фома Аңаа: «Мээң Дээргим болгаш Бурганым!» – деп харыылаан.

Иисус 5:14

«Чок, мен дээрге Дээрги-Чаяакчының аг-шерииниң баштыңчызы-дыр мен. Ынчангаш мен мында келдим» – деп, ол харыылаан. Иисус черге чедир мөгейгеш: «Мээң дээргим чалчазы меңээ чүнү чугаалаар ирги?» – деп айтырган.

Ажыдыышкын 1:13

Ол чырыткыларның ортузунда кижи амытан оглу ышкаш бир-ле Кижи турарын көрдүм. Ол узун эдектерлиг хептиг база хөрээнде алдын кожаа куржанган болду.

Баштыңчылар 13:8

Маной Дээрги-Чаяакчыга мөргүп тейлээш: «О, Дээргим, Сээң чоруткан медээчиң биске катап база келгеш, ам төрүттүнер оолду канчаарывысты биске өөредип каап көрзүн» – деп дилээн.

Баштыңчылар 6:13

«О, мээң дээргим! – деп, Гедеон аңаа харыылаан. – Бир эвес Дээрги-Чаяакчы шынап-ла бис-биле болза, чүге биске бо бүгү бергедээшкиннер болуп турарыл? Бистиң адаларывыстың биске чугаалап турганы Бурганның кайгамчык ажыл-херектери кайыл? Олар биске „Дээрги-Чаяакчы бисти Египеттен үндүрүп хостап каан“ деп чугаалап турган болгай. А ам Дээрги-Чаяакчы бисти каапкаш, мадианнарның холунче киирип берипкен-дир!»

Баштыңчылар 6:15

Гедеон Аңаа: «О, дээргим! Канчап мен израиль чонну камгалап шыдаар мен? Мээң төрел бөлүүм Манассияның аймааның аразында эң чөгенчии-ле болгай, а мен бодум өг-бүлемниң эң бичиизи-ле болгай мен» – деп харыылаан.