Даниил 10:12 - Ыдыктыг Библия

¹² Ол меңээ мынча диди: «Кортпа, Даниил! Бурганың мурнунга бодуңну томаартып, билигже чүткүп эгелээн бирги хүнүңден эгелээш-ле, сээң сөстериңни Бурган дыңнап каан. Сээң мөргүлүң ёзугаар мен сеңээ чедип келдим.

Даниил 10:12 Iomraidhean Croise

Исайя 35:4

Кортук улуска: «Быжыг болуңар, кортпаңар! Бурганыңар чедип кээр деп тур – өжээн негээшкини болур, Бурганның кеземчези боттаныр; Ол чедип келгеш, силерни камгалаар» – деп чугаалаңар.

Исайя 41:10

Кортпа, чүге дээрге Мен – сээң Бурганың-дыр мен, сүрээдеве, чүге дээрге Мен сээң-биле кады мен. Сени быжыктырып, сеңээ дузалаар мен. Мээң тиилелгелиг холум сеңээ деткимче көргүзер.

Исайя 41:14

Кортпа, курт ышкаш чөгенчиг Иаков, эвээш чоннуг Израиль, Мен сеңээ дузалаар мен! – деп, Дээрги-Чаяакчы, сээң Камгалакчың, Израильдиң ыдыктыг Бурганы медеглээн. –

Исайя 58:9

Ынчаар кылыр болзуңза, сен Дээрги-Чаяакчыны кыйгырарыңга, Ол харыылаар, дуза дилеп кыйгы салырыңга, „Мында мен!“ деп харыылаар. Бодуңда бар кандыг-даа дөңгүнү узуткап кааптар болзуңза, салааң-биле айтырын база нүгүлдээрин соксадыр болзуңза,

Исайя 65:24

Олар Мени кыйгырар мурнунда-ла, Мен харыылаар мен; олар чугаазын төндүрбээнде-ле, Мен дыңнап кааптар мен.

Даниил 10:11

Ол кижи меңээ: «Даниил, Бурганның эргим кижизи! Мээң сеңээ чугаалаан чүвемни чедип ал. Туруп кел, чүге дээрге мени сенче чорудупкан-дыр» – диди. Ол ынча дээрге, мен үпчү бодум сириңейнип туруп келдим.

Даниил 10:19

Ол мынча диди: «Кортпа, Бурганның эргим кижизи! Быжыглан, шупту чүве эки-чаагай болур, быжыглан!» Ол сөстерден меңээ катап күш тыптып келген. Мен: «Дээргим ам чугаалазын! Мээң күжүм эгидип бердиңер» – дидим.

Левит 16:29

Силерге кезээ мөңгеде доктааткан дүрүм мындыг болзун: чеди айның онда боттарыңарны шеглээшкин-биле томаартыңар, кандыг-даа ажыл кылбаңар. Үндезин чурттакчы-даа, араңарга чурттай берген даштыкы кижи-даа ону сагып чорзун.

Левит 16:31

Ол хүн – силерге онзагай амыр-дыш хүнү-дүр, боттарыңарны шеглээшкин-биле томаартыңар: бо дээрге кезээ мөңгеде доктааткан дүрүм-дүр.

Саннар 29:7

«Ол-ла чедиги айның онда ыдыктыг чыыштан эрттириңер: бодуңарны шеглээшкин-биле томаартыңар база кандыг-даа ажыл кылбаңар.

Матфей 28:10

Иисус ынчан оларга мынча дээн: «Кортпаңар! Баргаш, „Галилеяже чоруптуңар“ деп Мээң ха-дуңмамга чугаалаңар. Олар Мени аңаа көрүп каар».

Матфей 28:5

Дээрниң төлээзи херээженнерге мынча дээн: «Силер кортпаңар. Хере шаптырткан Иисусту дилеп чедип келгениңерни билир мен.

Марк 16:6

Ол оол мынча дээн: «Кортпаңар. Силер хере шаптырып шаажылаткан Назарет чурттуг Иисусту дилеп чедип келген-дир силер. А Ол катап дирли берген, Ол ам мында чок. Ооң мага-бодунуң чыткан чери бо-дур.

Лука 1:13

Дээрниң төлээзи аңаа мынча дээн: «Захария, кортпайн көр. Мөргүлүңнү Бурган дыңнап каан-дыр, кадайың Елисавета ам сеңээ оол божуп бээр-дир, ону Иоанн деп адап аар сен.

Лука 1:30

Оон дээрниң төлээзи аңаа мынча дээн: «Мария, кортпа. Бурган сеңээ авыралын хайырлаан-дыр.

Лука 2:10

ынчалза-даа дээрниң төлээзи оларга мынча дээн: «Кортпаңар. Мен бүгү чонга хамааржыр аажок өөрүшкүлүг Медээ силерге дыңнадып тур мен.

Лука 24:38

Ынчалза-даа Иисус оларга мынча дээн: «Чүге аймаарай бердиңер? Чүректериңерни чүге чигзиниг долганыл?

Ажыл-чорудулга 27:24

Ол меңээ: „Павел, кортпайн көр. Императорнуң мурнунга турар ужурлуг сен, ол дээш, Бурган Бодунуң авыралы-биле кады эжиндирип чорууруң бүгү улуска амы-тынны хайырлаар-дыр“ – диди.

Ажыдыышкын 1:17

Мен Ону көрүп кааш, өлүг кижи дег, Ооң мурнунче доңгая кээп дүштүм. Ол оң холун эктимге салгаш, мынча диди: «Кортпайн көр, Мен Баштайгызы болгаш Сөөлгүзү-дүр мен.