Даниил 10:1 - Ыдыктыг Библия

¹ Персияның хааны Кирниң чагыргазының үшкү чылында Даниилге (азы Белтешацарга) Бургандан ажыдыышкын болган – ол медээ ылап шынныг, дыка күштүг болган.

Даниил 10:1 Iomraidhean Croise

Эге дөс 41:32

Фараоннуң ийи катап дүжээни дээрге Бурганның ыяк шиитпирлээниниң бадыткалы-дыр. Удавас Бурган сөзүн күүседир.

2 Чылдар 36:22

Дээрги-Чаяакчы Бодунуң Иеремияны дамчыштыр чугаалаан сөстери боттанзын дээш, Персияның хааны Кирниң чагыргазының бирги чылында ол хаанны сагыш алындырыпкан. Кир хаан ынчан бодунуң бүгү күрүнезинге мындыг чарлык үндүргеш, ону бижидип, номчуткан база чарлаткан:

Эзра 3:7

Израильчилер даш чонукчуларынга, чазаныкчыларга акша-мөңгүннү, а Тир биле Сидоннуң чурттакчыларынга аъш-чем, арага-хымыс болгаш олива үзүн, олар Персияның хааны Кирниң чөпшээрели-биле пөш ыяшты Ливандан Иоппияже далайлап сөөртсүн дээш, берип эгелээн.

Эзра 4:3

А Зоровавел, Иисус база израиль чоннуң төрел салгалдарының өске баштыңнары: «Чок, Бурганывыстың өргээзин бис-биле кады тутпас силер. Персияның хааны Кирниң биске дужааганын ёзугаар Израильдиң Бурганы Дээрги-Чаяакчының өргээзин чүгле боттарывыс тудар бис» – деп харыылаан.

Эзра 4:5

Олар иудейлерниң бодалдарынга шаптыктаар дээш, Персияның хааны Кирниң чагырган бүгү үезинде, оон Персияны Дарий хаан чагырып эгелегижеге чедир, чөвүлекчилер хээлилеп ап турган.

Эзра 6:14

Иудей баштыңнар өргээниң тудуун Бурганның медээчилери Аггей биле Аддонуң үре-салгалы Захарияның өттүр билген медеглелдериниң деткимчези-биле чедиишкинниг уламчылаан. Олар өргээни Израильдиң Бурганының айтыышкынын ёзугаар база Персияның хааннары Кир, Дарий болгаш Артаксеркс оларның чарлыктарын ёзугаар тудуп дооскан.

Эзра 6:3

Чагыргазының бирги чылында Кир хаан Иерусалимде Бурганның өргээзинге хамаарыштыр дужаал үндүрген: «Бо өргээ – өргүлдер эккеп салып турар чер-дир; ону катап тудуп, таваан салып кагзын. Өргээниң бедии алдан кыры дурту, дооразы база алдан кыры дурту болзун.

Исайя 44:28

Кир хаанның дугайында: „Ол – Мээң айбылап чоруткан кадарчым-дыр. Ол Мээң күзел-соруумну күүседип, Иерусалимниң дугайында: ‘Ону катап тудар!’ – деп, Бурганның өргээзиниң дугайында: ‘Ону катап база үндезилеп тудар!’ – деп чугаалаар мен“».

Даниил 1:17

Бурган ол дөрт оолга мерген угаан-сарыылды, бүгү эртемнерге чаяалганы хайырлап турган. А Даниилге янзы-бүрү дүштерни болгаш Бургандан көстүүшкүннерни тайылбырлап билир чаяанны база хайырлаан чүве-дир.

Даниил 1:21

Даниил аңаа Кир хаанның чагыргазының бирги чылынга чедир ажылдаан чүве-дир.

Даниил 1:7

Дүжүметтер даргазы оларга өске аттар берип каан чүве-дир: Даниилге – Белтешацар, Ананияга – Седрах, Мисаилге – Мисах база Азарияга – Авденаго деп ат тывыскан.

Даниил 10:14

Сээң чонуң-биле келир үеде чүү болурун сеңээ чугаалаар дээш келдим. Чүге дээрге бо көстүүшкүн ол үеге хамааржыр чүве-дир».

Даниил 11:2

«Ам сеңээ алыс шынны чугаалап бээйн. Персияга ам-даа үш хаан келир, а оларның соонда дөрт дугаары кымдан-даа бай болур. Бай чорук ону күчү-күштүг кижи кылып каарга, ол бүгү күжүн грек күрүнеге удур шимчедиптер.

Даниил 12:4

А сен, Даниил, бо сөстерни чажыт кадагалап, номну таңмалап, шыгжап ал – хөй кижилер ону номчуп, билиг көвүдеп кээр үеге чедир».

Даниил 12:9

Ол мынча деп харыылады: «Бар че, Даниил. Ол бүгү төнчү үеге чедир таңмалап шыгжаттынган чажыт болгай.

Даниил 2:21

Кандыг-даа шаг-үелерни Ол ээлчештирип солуп турар, хааннарны дүжүрүп, оларның орнунга чаа хааннарны көдүрүп турар. Угаанныгларга – мерген угаанны, чүве эндевестерге билигни берип турар-дыр.

Даниил 4:8

кончуг улуг, күчүлүг ыяш, бедии дээрде чедип турар, черниң ужу-кыдыынга чедир көстүп турар;

Даниил 5:12

Даниилдиң (ону хаан Белтешацар деп база адап турган) угаан-сарыылдыы, чүве билири чүнүң-биле-даа деңнеттинмес, дүш билири шыырак, утказы билдинмес чажыт болгаш нарын тывызык чүүлдерни тайылбырлаары эки. Даниилди кыйгырып эккелзин – ол тайылбырлап бээр».

Даниил 5:17

Даниил хаанга мынчаар харыылаан: «Белектерни бодуңарга арттырып алыңар, шаңналдарны өске улуска бериптиңер. Мен ол чокка-ла хаанга ол бижикти номчааш, утказын чугаалап бээр мен.

Даниил 6:28

Ынчалдыр Даниил Дарийниң база перс хаан Кирниң хааннаашкыннарының үелеринде чедимчелиг чурттап чораан чүве-дир.

Даниил 8:16

Уулай хемден кижи үнү дыңналып келди. Ол мынча диди: «Гавриил! Көстүүшкүннүң утказын бо кижиге тайылбырлап бер».

Даниил 8:26

Кежээки болгаш эртенги өргүлдер салып болбас үе дугайында бо көстүүшкүн ылап шын болур. Сен ону улустан чажырып, таңмалап чор. Ол талыгыр ыракта хүннерге хамааржыр».

Лука 1:20

Сеңээ бадыткал демдээ бо-дур: мээң сөстеримге бүзүревейн барганың дээш, сээң ам үнүң чок апаар, бо бүгүнүң боттаныр хүнүнге чедир чүве чугаалаар харыың чок болур».

Ажыдыышкын 19:9

Дээрниң төлээзи оон меңээ мынча диди: «Бижи: куда доюнче чалалга алган улус амыр-чыргалдыг». Ол оон аңаа немей: «Бо дээрге Бурганның шынныг сөстери-дир» – диди.