Даниил 1:17 - Ыдыктыг Библия

¹⁷ Бурган ол дөрт оолга мерген угаан-сарыылды, бүгү эртемнерге чаяалганы хайырлап турган. А Даниилге янзы-бүрү дүштерни болгаш Бургандан көстүүшкүннерни тайылбырлап билир чаяанны база хайырлаан чүве-дир.

Даниил 1:17 Iomraidhean Croise

3 Хааннар 3:12

Ындыг болганда, Мен сээң дилээңни хандырар мен. Сеңээ мерген угаанныг, сарыылдыг чүректи хайырлаар мен, сээң мурнуңда-даа сен ышкаш угаан-сарыылдыг кижи турбаан, сээң сооңда-даа сеңээ дөмейлежир кижи турбас.

3 Хааннар 3:28

Хаанның үндүрген шииткелин дыңнааш, бүгү Израиль ону ханы хүндүлеп эгелээн, чүге дээрге аңаа шынныг шииткел үндүрерде хереглээр Бурганның мерген угаанын хайырлаан болган.

2 Чылдар 1:10

Ам меңээ мерген угаан биле билигден хайырлап көр, Сээң дузаң чок болза, бо өндүр улуг чонуңну кым баштап шыдаарыл?»

2 Чылдар 1:12

Ындыг болганда, Мен сеңээ мерген угаан биле билигни хайырлаар мен. Оон туржук, сээң мурнуңда турган хааннарның кайызынга-даа турбаан, сээң сооңда чагырар хааннарга база турбас байлакшыл-элбекшил болгаш ат-алдарны база сеңээ хайырлаар мен».

2 Чылдар 26:5

Захарияның назынының дургузунда Озия Бурганче чүткүп турган, чүге дээрге Захария ону Бургандан коргуп чоруур кылдыр чагып-сургап чораан чүве-дир. Озияның Дээрги-Чаяакчыже чүткүп турган үезинде Бурган аңаа чедиишкинни хайырлап келген.

Иов 32:8

Ындыг-даа болза, кижиде бар сүлде – Күчүлүг Бурганның тыныжы кижиге угаанны берип турар.

Чугаалар 2:6

Чүге дээрге мерген угаанны Дээрги-Чаяакчы хайырлаар, билиг биле угаан Ооң аас-сөзүн дамчып кээр болгай.

Экклесиаст 2:26

Бурган Бодунга таарымчалыг кижиге мерген угаанны, билиглерни болгаш өөрүшкүнү берип турар-дыр, а бачыттыг кижиге берге үүлени онаап турар-дыр: ол кижи бодунуң чыып үүжелээн чүүлүн Бурганга таарымчалыг кижиге бээр ужурлуг. Ол база-ла хоозун куруг чүүл-дүр, түңнел чок күжениишкин-дир!

Исайя 28:26

Бурганы ону сургап, ындыг чурумга өөредип турар.

Иезекиил 28:3

Даниилден мерген угаанныг сен, сеңээ билдинмес чажыт чүве-даа кайда боор!

Даниил 1:18

Хаанның айтып каан үези чедип кээрге, дүжүметтерниң даргазы оолдарны Навуходоносорга эккелген.

Даниил 1:20

Хаан кандыг-даа эртем талазы-биле чугаа чорударга, олар чурттуң бүгү илби-шидичилер болгаш караң көрнүрлеринден он катап угаанныг болган.

Даниил 10:1

Персияның хааны Кирниң чагыргазының үшкү чылында Даниилге (азы Белтешацарга) Бургандан ажыдыышкын болган – ол медээ ылап шынныг, дыка күштүг болган.

Даниил 2:19

Дүне Даниилдиң дүжүнге ол чажыт ажыттынып келген. Ынчан Даниил дээрде саадаан Бурганны алгап-йөрээп, мынча дээн:

Даниил 2:21

Кандыг-даа шаг-үелерни Ол ээлчештирип солуп турар, хааннарны дүжүрүп, оларның орнунга чаа хааннарны көдүрүп турар. Угаанныгларга – мерген угаанны, чүве эндевестерге билигни берип турар-дыр.

Даниил 2:23

Өгбелеримниң Бурганы, Сени мактап, алдаржыдып тур мен. Чүгле Сен меңээ мерген угаанны болгаш күштү бердиң! Бистиң дилээвисти хандырып, Сен меңээ ам харыы бердиң: хаанның айтырып турган чүвезин Сен биске айтып бердиң».

Даниил 2:30

А меңээ ол чажыт бүгү өске улустан угаанныг боорумга эвес, а силерге, о хааным, ол дүштүң утказын тайылбырлап берзин дээш база дүвүрелиңерниң үнген дөзүн билип алзын дээш ажыттынганы ол-дур.

Даниил 4:6

«Илби-шидичилерниң даргазы Белтешацар! Сени ыдыктыг бурганнарның сүлдезин эдилээн деп билир мен, сен кандыг-даа чажытты чииги-биле ажыдып шыдаар сен. Ынчангаш меңээ чугаалап берем, көрген дүжүмнүң утказы чүл?

Даниил 5:14

Сени ыдыктыг бурганнарның сүлдезин эдилээн, чырык угаан-сарыылдыг болгаш аажок мерген угаанныг деп дыңнадым.

Даниил 7:1

Вавилоннуң хааны Валтасарның чагыргазының бирги чылында Даниил удуп чыткаш, дүш дүжээн. Ооң соонда ол дүжүн бижип алган. Ооң чугаазы мынчаар эгелээн.

Даниил 8:1

Валтасар хаанның чагыргазының үшкү чылында мен, Даниил, баштайгы көстүүшкүннүң соонда база бир көстүүшкүн көрген мен.

Саннар 12:6

Оларга Дээрги-Чаяакчы: «Мээң сөстеримни дыңнаңар: бир эвес силерниң араңарда медээчи кижи турар болза, Дээрги-Чаяакчы мен онза көстүүшкүн кылып, аңаа ажыттынар мен; дүжүнге кирип, ооң-биле чугаалажыр мен.

Лука 21:15

Чүге дээрге Мен силерге удурланыкчыларыңарның кайызы-даа удур туржуп база чаргылдажып шыдавазы чечен дыл болгаш мерген угаанны бээр мен.

Ажыл-чорудулга 6:10

Ынчалза-даа Стефан чугаалай бээрге, мерген угаанга болгаш ооң аксы-сөзү-биле чугаалап турган Сүлдеге удурланыр харык чок болганнар.

Ажыл-чорудулга 7:10

Ол Иосифти бүгү айыыл-халаптан адыргаш, аңаа мерген угаанны база Египеттиң хааны фараоннуң эки хамаарылгазын берген. Фараон Иосифти бүгү Египеттиң база бодунуң ордузунуң чагырыкчызы кылып каан.

Ажыл-чорудулга 7:22

Моисей Египеттиң бүгү-ле мерген угаанын шиңгээдип алгаш, ажыл-херекке, чугаа-сөске аажок салым-чаяанныг кижи болган.

Колосчуларга 1:9

Ынчангаш ол бүгүнүң дугайында дыңнап каан хүнүвүстен бээр силер дээш үзүк-соксаал чок мөргүп тур бис. Бурган силерге Сүлдеге башкарткан мерген угаан болгаш тодаргай угаашкын-биле Ооң күзел-соруун эң долу билип аар аргадан бээрин дилеп тур бис.

Иаков 1:17

Кандыг-даа буянныг база болбаазыраңгай белек өрүтен, дээрниң чырымалдарын чаяаган Бурган Ададан кээр. А Бурганда өскерилге-даа, өскерлиишкиннерниң хөлегези-даа чок.

Иаков 1:5

А кайы-бирээңерге мерген угаанны чедир бербээн болза, ол кижи Бургандан мөргүп дилезин. Бурган мерген угаанны хамык улуска чүрээниң ханызындан, чеме-хала чокка хайырлап турар болгаш, аңаа база бээр.