Чугаалар 7:3 - Ыдыктыг Библия

³ Оларны, билзек ышкаш, салааларыңга суп ал, чүрээңге сиилбирлеп бижип ал.

Чугаалар 7:3 Iomraidhean Croise

Чугаалар 3:3

Шынчы чорууң биле энерелиңни кагба: ону, каасталга ышкаш, мойнуңга астып ал база чүрээңге сиилбирлеп бижип ал –

Чугаалар 4:21

Сөстерим сеткилиңден арлып чиде бербезин, оларны чүрээңниң ханызынга кадагалап ал.

Чугаалар 6:21

Оларны үргүлчү чүрээңге шыгжап чор, каасталга дег, мойнуңга азып алгаш чор.

Чугаалар 7:4

Мерген угаанга: «Сен – мээң угбам сен» – деп, а сарыылга: «Чоок кыс төрелим сен» – деп чугаала.

Исайя 30:8

Барып, чонга бо сөстерни самбыражыгашка шыйып бер, дүрүг-номга бижип бер – олар келир үеде херечилел кылдыр кезээ мөңгеде кадагалаттынып артсын.

Исайя 59:21

Мээң силер-биле чарар чагыг-керээм бо-дур – деп, Дээрги-Чаяакчы чугаалаан. – Мээң Сүлдем кезээде силерниң араңарга турар; силерни чугаалаар кылып кааным Мээң сөстерим амдыгааштан эгелээш, кезээ мөңгеде аксыңардан черле дүшпезин, силерниң ажы-төлүңерниң, оларның үре-салгалының аксындан база дүшпезин!» Дээрги-Чаяакчының чугаалаан чүвези ол-дур.

Иеремия 17:1

Иудеяның бачыдын демир шиш-биле, алмаз кески-биле бижип каан, оларның чүректерин калбак даш кылгаш, аңаа шыйып каан, өргүл салыр бедигээштериниң мыйыстарында оюп каан.

Иеремия 31:33

Мен ол хүннерде израиль чон-биле мындыг чагыг-керээ чарар мен: Бодумнуң дүрүм-хоойлумну оларның угаан-медерелинче киирер мен, оларның чүректеринге бижип каар мен! Мен оларның Бурганы болур мен, а олар Мээң чонум болур – деп, Дээрги-Чаяакчы медеглээн. –

2 Коринфичилерге 3:3

Бистиң бараан болуушкунувус ачызында Христостуң бижээн чагаазы – силер-дир силер. Ындыызын бүгү улус көрүп турар. Будук-биле эвес, а дириг Бурганның Сүлдези-биле бижээн; калбак даштарга эвес, а кижилерниң чүректеринге бижээн чагаа силер.