Чугаалар 7:2 - Ыдыктыг Библия

² Мээң чагыгларымны сагып чор – ынчан амы-тынныг артар сен, өөредиимни карааң огу дег кадагала.

Чугаалар 7:2 Iomraidhean Croise

Ырлар 17:8

Чер шимчеп, сирилээн, даглар дөжээнге чедир божаңнаан – Дээрги-Чаяакчының килеңинден сирилеш дээн.

Чугаалар 4:13

Сургаалымның аайындан эртпе, оон ойталавайн, кадагала, чүге дээрге амыдыралың ында болгай.

Чугаалар 4:21

Сөстерим сеткилиңден арлып чиде бербезин, оларны чүрээңниң ханызынга кадагалап ал.

Чугаалар 4:4

Ачам мени мынча деп өөредип чораан: «Мээң сөстеримни чүрээңге кадагалап ал, чагыг-сүмемни сагып чор, ынчан амы-тынныг артар сен.

Исайя 55:3

Кулааңар ээктирип, Меңээ чедип келиңер, амы-тынныг артар дээш дыңнаңар. Мен силер-биле мөңге чагыг-керээ чарар мен, Давид хаанга аазаан Мээң ынаныштыг энерелимни силерге хайырлаар мен.

Иеремия 38:20

Иеремия мынча дээн: «Хүлээдип бербес! Мээң сеңээ чугаалап турарым Дээрги-Чаяакчының сөзүн дыңна, ынчан сеңээ эки болур, амы-тының камгалап аар сен.

Левит 18:5

Мээң дүрүмнерим болгаш хоойлуларымны сагыңар. Оларны сагыыр кижи оларның ачызында амылыг артар. Мен – Дээрги-Чаяакчы-дыр мен.

Захария 2:8

Чүге дээрге Аг-шериглиг Дээрги-Чаяакчы силерни олчалап ап турган чоннарга хамаарыштыр (алдарлыг Бурган мени айбылап чоруткан соонда) мынча дээн: «Мээң чонумга дээп турар улус Мээң караамның огунга дээп турары ол-дур.

Иоанн 14:21

Кым Мээң айтыышкыннарымны шыгжап алганыл база оларны сагып чоруурул, ол кижи Меңээ ынак болур. Кым Меңээ ынагыл, ол кижиге Мээң Адам база ынак. Мен база ол кижиге ынак болуп, аңаа Бодумну көргүзер мен».

Иоанн 15:14

Мээң силерге айтыышкын кылдыр берген чүүлүмнү сагып чоруур болзуңарза, Мээң эш-өөрүм боор силер».

Ы. х. к. 32:10

Дээрги-Чаяакчы Израильди ээн черден, хат сыгырган ээн кургаг ховудан тып алгаш, ону карактап-хайгаарап, ол дээш сагыш салып, карак огу дег камгалап-камнап турган.

Ажыдыышкын 22:14

Амыдыралдың ыяжындан чимис чиир база хоорайже хаалга дамчыштыр кирер эрге алыр дээш, идик-хевин аштап-чуп алган улус амыр-чыргалдыг.