3 Эки мөзүлүг улусту оларның кем-буруу чогу баштап чоруур, а кара сагыштыг улусту оп-мегези узуткап каар.
Дээрги-Чаяакчы – меңээ чырык, меңээ камгалал – кымдан коргар деп мен? Дээрги-Чаяакчы – амыдыралым шивээзи – кымдан сүртээр деп мен?
Кем-буруу чок улустуң чөптүг-шынныг чоруу дорт оруктап эдертип аппаар, а бузуттуг кижи бодунуң бачыдындан өлүп калыр.
Актыг кижиниң оруун чөптүг-шынныг чоруу кадагалаар, а бачыттыг кижини кем-буруузу оруундан астырар.
Кижини оруундан бодунуң мелегей чоруу астырар, а ооң чүрээ Дээрги-Чаяакчыга хорадаар.
А бузуттуг улусту чырык черге амылыг арттырбас, кара сагыштыг улусту ооң кырынга узуткап кааптар.
Бузуттуг улустуң каржы-бак үүлгедиглери боттарын-на узуткап каар, чүге дээрге олар чөптүг чорукту сагыырындан ойталаан болгай.
Дээрги-Чаяакчы билигни чүүлзүнүп, кадагалаар, кара сагыштыг кижиниң сөстерин буруу шавар.
Кем-буруу чок амыдырап чоруур кижи камгалал алыр, а шын оруктан соора баар кижи хенертен буурап дүжер.
Хөлүн эрттир бузуттуг болба база мугулай болба: эрте дээре өлген херээң чүл?
А Бурганга удур тура халаан улус бачыттыглар-биле кады узуткаттырар. Дээрги-Чаяакчыдан ойталаан улус өлүп каар.
Израильчилерниң ынчан өлүрүп каан улузунуң аразында Эвий, Рекем, Цур, Хур болгаш Рева деп беш мадиан хаан бар болган. Беорнуң оглу Валаамны база хылыш-биле шанчып өлүрүп каан.
Ооң күзел-соруун чогудар дээн кижи, ол өөредиг Бургандан-даа келген болза азы Мен Бодумнуң өмүнээмден-даа чугаалаан болзумза, ооң дугайында билип аар.