Баштыңчылар 9:27 - Ыдыктыг Библия

²⁷ Олар виноград шөлдеринге барып, дүжүдүн ажаап, виноградын сызып, хөглеп-байырлап, боттарының бурганының өргээзинге баргаш, аңаа дойлап, Авимелехти бактап, каргап турганнар.

Баштыңчылар 9:27 Iomraidhean Croise

Хосталыышкын 32:19

Улустуң турлаанга чеде бергеш, Моисей бугажыкты база самнаан улусту көрүп каан. Ооң килеңи кыптыга бергеш, тудуп чораан калбак даштарын октап, дагның дөжээнге буза шаап каапкан.

Хосталыышкын 32:6

Израильчилер даартазында эртен эрте тургаш, бүрүн өрттедир өргүлдерни база эп-найырал өргүлдерин эккеп салганнар. Улус-чон ижип-чиири-биле олуруп алган, а ооң соонда самнап-хөглеп эгелээн.

Иеремия 25:30

«Оларга бүгү бо сөстерни чарлап, мону чугаала. Дээрги-Чаяакчы өрүтен диңмиреп кээр, Бодунуң ыдыктыг оран-савазындан дыңзыг үн-биле алгырар, Бодунуң чер-чуртунче хөректенир, виноград чулуу сы бастырган кижиниң дааш-шимээн үндүрери дег, черниң бүгү чурттакчыларынче кышкырар!

Даниил 5:23

Силер дээрниң Дээргизинге удурланып, менээргенген силер: Ооң өргээзинден келген саваларны силерге эккеп бээрге, бодуңарның ызыгууртаннарыңар, кадайларыңар болгаш кул-кадайларыңар-биле ол савалардан арага ижип орар-дыр силер. Силер мөңгүн, алдын, хүлер, демир, ыяш болгаш даш бурганнарыңар мактап орар-дыр силер, а олар чүнү-даа көрбес, дыңнавас, билбес чүвелер-дир! Силерниң амыдыралыңар тыныжын болгаш салым-чолуңарны башкарып орар Бурганны алдаржытпаан силер.

Осия 7:14

Олар орун-дөжээнге човууртап чыткаш, кажан-даа боттарының сеткил-чүрээнден Менден дуза дилеп кыйгырбады; олар чыглып турза-даа, чүгле далган-тараа чииринге, арага ижеринге өйлежип, Менден ойталаар болду.

Левит 24:11

Израиль херээженниң оглу Дээрги-Чаяакчының адын бак сөглеп, каргаптарга, ону Моисейге эккелген. (Ооң авазы Данның төрел бөлүүнден үнген Даври дээр кижиниң уруу Саломит чүве-дир.)

Баштыңчылар 16:23

Филистимнерниң чагырыкчылары боттарының бурганы Дагонга улуг өргүл кылып байырлаар дээш чыглып алгаш: «Бистиң бурганывыс дайзынывыс Самсонну холувусче киирип берди» – деп турганнар.

Баштыңчылар 8:33

Гедеон өлүп каарга, израиль чон катап база самыырап, Ваалдың дүрзүлеринге мөгейип эгелээн болгаш Ваал-Веритти боттарынга бурган кылдыр тургузуп алган.

Баштыңчылар 9:26

Сихемче Эведтиң оглу Гаал бодунуң акы-дуңмазы-биле база чедип келген, а сихемчилер аңаа ооргаланы бергеннер.

Баштыңчылар 9:4

Сихемчилер аңаа Ваал-Вериттиң өргээзинден чеден шекел мөңгүн берген, а Авимелех ооң-биле хоозун дүржок улус хөлезилеп эдертип алгаш, чорупкан.

Баштыңчылар 9:46

Сихемниң суургазынга турган бүгү улус ол дугайында дыңнап кааш, Эл-Вериттиң өргээзиниң быжыглалдыг черинче чоруй барган.

1 Хааннар 17:43

Филистим кижи Давидке: «Менче чүге даянгыыш тудуп алган кел чыдыр сен? Ыт-тыр мен бе мен?» – дээш, Давидти бодунуң бурганнарының аттары-биле каргаан.