Баштыңчылар 9:1 - Ыдыктыг Библия

¹ Иероваалдың оглу Авимелех Сихем хоорайда авазының акы-дуңмазы база бүгү төрел бөлүү-биле мындыг чугаа кылган:

Баштыңчылар 9:1 Iomraidhean Croise

Эге дөс 33:18

Иаков Паддан-Арамдан ханаан черже ээп чоруткаш, Сихем хоорайга менди чедип келгеш, ооң чоогунга турумчуп алган.

Эге дөс 34:2

Тус черниң нояны хиввей сөөктүг Эмморнуң оглу Сихем Динаны көрүп кааш, тудуп алгаш, күштеп каан.

2 Хааннар 15:6

Чаргызын шиитпирлезин дээш хаанга кээп турган бүгү израильчилерге хамаарыштыр Авессалом ынчаар алдынып турган. Ынчалдыр ол бүгү израильчилерниң чүрээн тудуп эгелээн.

3 Хааннар 12:1

Ровоам Сихем хоорайже чорупкан, чүге дээрге бүгү израильчилер ону хаан кылып аар дээш аңаа чыылган турган.

3 Хааннар 12:20

Бүгү израильчилер Иеровоамның ээп келгенин дыңнап кааш, ону хуралче кыйгырып алгаш, бүгү Израильдиң хааны кылып алганнар. Давидтиң салгалынга чүгле Иуданың аймаа шынчы бооп арткан.

3 Хааннар 12:3

Израильчилер айбычылар чорудупкаш, Иеровоамны кыйгыртып аарга, ол бүгү израиль чон-биле кады Ровоамга чедип келген.

Иеремия 18:18

Ынчалза-даа улус-чон: «Барып, Иеремияга удур сүлчээ кылыылы. Дүрүм-хоойлу – Бурганның бараалгакчыларынга, арга-сүме – мерген угаанныгларга, Бурганның сөзү – Ооң медээчилеринге артып каар-ла болгай! Барып, ону нүгүлдээли, ооң чугаа-сөзүн дыңнаваалы» – деп турган.

Иеремия 41:5

Сихем, Силом болгаш Самария хоорайлардан сезен кижи чедип келген. Олар качыгдалдан салын чүлүп алган, ора тырткан хептер кеткен, мага-бодунда кезиглерлиг улус болган. Ол улус Дээрги-Чаяакчының өргээзинче далган-тараа өргүлдери болгаш ладан деп чаагай чыттыг чүүл көдүрүп эккел чыткан.

Иисус 20:7

Ылгап ыдыктаан хоргадал-хоорайлар бо-дур: Неффалим дагларында турар Галилеяда – Кедес; Эфрем дагларында – Сихем; Иуда дагларында – Кириат-Арба (азы Хеврон)

Баштыңчылар 8:30

Ол бодунуң төрүдүп кааны чеден оолдуг турган, чүге дээрге ооң алган кадайлары хөй турган.

Баштыңчылар 8:31

База Сихемге чурттап турган ооң кул-кадайы аңаа бир оолду божуп берген, Гедеон ону Авимелех деп адап каан.

Баштыңчылар 8:35

Ол ышкаш Иероваал-Гедеоннуң ук-салгалынга ооң израиль чонга чедирген бүгү ачы-буяны дээш, энерел көргүспейн барганнар.