Баштыңчылар 8:24 - Ыдыктыг Библия

²⁴ Оон Гедеон: «Силерден чаңгыс дилег кылыйн. Дайзындан алган олчаңардан кижи бүрүзү меңээ бир-бир сыргадан бериңер» – дээн. (Дайзыннар измаилчилер болганда, оларга алдын сыргалар турган.)

Баштыңчылар 8:24 Iomraidhean Croise

Эге дөс 24:22

Тевелер сугну ижип аарга, ол Ревеккага чартык шекел деңзилиг думчукка сугар алдын сырганы, он шекел деңзилиг ийи алдын билектээшти берген.

Эге дөс 24:53

Ооң соонда ол Ревеккага каас идик-хепти, алдын, мөңгүн каасталгаларны берген, ооң акызынга болгаш авазынга үнелиг белектерни берген.

Эге дөс 25:12

Авраамның оглу Измаилдиң болгаш ооң үре-салгалының дугайында чугаа бо-дур. Сарраның египет кулу Агар Авраамга Измаилди божуп берген.

Эге дөс 25:13

А Измаилдиң оолдарының улуундан бичезинге чедир аттары: дун оглу Навайот, Кедар, Адбеел, Мивсам,

Эге дөс 35:4

Ынчан Иаковтуң улузу боттарында бар турган хары бурганнарын база кулактарында сагыызын-сыргаларын шуптузун аңаа уштуп бергеннер. Иаков оларны Сихемде турар дуб ыяштың адаанга хөөп каапкан.

Эге дөс 37:25

Алышкылар чемненир дээш олуруп алгаш, измаил сөөктүг садыгжыларның Галаадтан чиң сөөрткен тевелерин көрүп каан. Тевелерде чаагай чыттыг янзы-бүрү чуктар чүдүрүп каан, оларны Египетче чедирери-биле аппар чыткан болган.

Эге дөс 37:28

Кажан Мадиан чурттуг садыгжылар оларның чаны-биле эртип чыдырда, алышкылар Иосифти оңгардан ужулгаш, чээрби шекел мөңгүнге садыпканнар. Оон садыгжылар Иосифти Египетче аппарганнар.

3 Хааннар 20:11

Израильдиң хааны: «Аңаа: „Дайынчы дериг-херекселин кедип турар кижи оозун тиилелге соонда уштуп турар кижи дег мактанмазын“ – деп дамчыдыңар» – деп харыылаан.

Хосталыышкын 12:35

Израильчилер Моисейниң сөстерин ёзугаар, египетчилерден мөңгүн болгаш алдын каасталгаларны база хептерни дилеп алганнар.

Хосталыышкын 32:3

Бүгү улус кулактарында алдын сыргаларын уштуп, чыггаш, Ааронга эккеп берген.

Хосталыышкын 32:4

Аарон улустуң холдарындан сыргаларны ап алгаш, ол алдындан бугажык шуткааш, ону кески-биле аян киир хевирлеп алган. Израильчилер ынчан: «Израиль чон, сээң бурганың бо-дур! Сени египет черден үндүрүп эккелген бурган бо-дур!» – деп турганнар.

Хосталыышкын 32:8

Олар Мээң айтып бергеним оруктан дүргени кончуг соора барганнар-дыр. Боттарынга бугажык шуткуп алгаш, аңаа мөгейип, өргүлдер салып: „Израиль чон, сээң бурганың бо-дур! Сени египет черден үндүрүп эккелген бурган бо-дур!“ – дижип турарлар-дыр».

Иезекиил 7:20

Чоргаарланып турганы кайгамчык чараш каасталгаларындан олар чүдек-бужар дүрзү-бурганнар кылып алганнар. Ынчангаш каасталгаларны оларга хамаарыштыр арыг эвес кылып каар мен.

Баштыңчылар 8:25

Израильчилер: «Ийе, бээр бис» – дишкеннер. Оон шывыг-хепти черге чаткаш, ынаар кижи бүрүзү бодунуң олчазындан бир-бир сырганы каап бергеннер.

1 Хааннар 25:11

Мен бодумнуң хоюм кыргып турар улузумга бээр дээн хлевимни, суумну база эъдимни кайыын-даа келгенин билбезим, танывазым улуска бериптер кижи мен бе?» – деп харыылаан.