Баштыңчылар 8:10 - Ыдыктыг Библия

¹⁰ Зевей биле Салман чөөн чүктүң аймактарының бүгү аг-шериинден арткан 15 000 хире дайынчызы-биле кады Каркорга турганнар, оларның хылыш тудуп шыдаар 120 000 шерии кырлып калган.

Баштыңчылар 8:10 Iomraidhean Croise

4 Хааннар 3:26

Моавтың хааны тулчуушкунга аштырып турарын көрүп кааш, хылыш-биле чепсегленген 700 кижи эдертип алгаш, Эдомнуң хаанынче чаза таварып эртерин шенээн. Ынчалза-даа шыдавайн барган.

2 Чылдар 13:17

Авия болгаш ооң улузу израильчилерге аар чидириг таварыштырган, оларның аг-шериинден 500 000 шилиндек дайынчы өлүрткен.

2 Чылдар 28:6

Ремалияның оглу Факей Иудеяның 120 000 күштүг-шыырак дайынчызын чаңгыс хүн хыдып каапкан, чүге дээрге иудей чон ада-өгбезиниң Бурганы Дээрги-Чаяакчыны каапкан болган.

2 Чылдар 28:8

Израильчилер боттарының иудей ха-дуңмазының 200 000 кадайларын, оглу-кызын тудуп алган. А ол ышкаш эңдерик хөй олча-тывышты үптеп алгаш, Самарияже чорудупканнар.

Исайя 37:36

Дээрги-Чаяакчы Бодунуң төлээзин чорудупкаш, ассирий аг-шеригниң турлаанга 185 000 кижини узуткап каан. Эртенинде көөрге, долгандыр чүгле мөчү-сөөктер чыткылаан.

Исайя 9:4

Мадиан чонну чылча шапкан хүнүңде дег, Сен Бодуңнуң чонуңну хилинчектээн дөңгүнү, ооң эгиннеринде аар чүъктү уштуп, ооң кызагдакчызының мергезин сыйып кагдың.

Баштыңчылар 20:15

Ынчан оон-моон чыылган вениаминчилерниң саны 26 000 чепсегленген кижи болган, аңаа Гиваның чурттакчыларындан 700 шилиндек дайынчы немешкен.

Баштыңчылар 20:17

А израильчилерден Вениаминниң аймаан санаваска, 400 000 чепсегленген кижи чыылган. Олар шупту тулчуушкунга белен дайынчылар турган.

Баштыңчылар 20:2

Бурганның бүгү чонунуң шупту баштыңнары, Израильдиң шупту аймактары – 400 000 чепсегленген чадаг шериг чыглып келген.

Баштыңчылар 20:25

Вениаминчилер ийи дугаар хүнүнде база Гивадан үнүп келгеш, тулушкаш, Израильдиң 18 000 дайынчызын кыра шаап каапкан.

Баштыңчылар 20:35

Дээрги-Чаяакчы Вениаминниң аймаан израильчилерниң мурнунга аштырыышкынга таварыштырган. Израильчилер ол хүн 25 100 чепсегленген вениаминчини кырып каапкан.

Баштыңчылар 20:46

Шупту каттышкаш, ол хүн Вениаминниң шериинден 25 000 кижи өлүрткен, олар дөгерези күштүг-шыырак дайынчылар турган.

Баштыңчылар 6:5

Олар мал-маганы-биле, майгыннары-биле кээр боорда, оларның боттары болгаш тевелери саң-түң чок турганындан, шартылаа дег хөй санныг кээр турганнар, ынчангаш израиль черни хоозурадыр таптай базып турганнар.

Баштыңчылар 7:12

Мадианнар, амаликтер база өске чөөн аймактар шынаа сыңмас шартылаалар дег хөй чыглы берген турган, а оларның тевелери далай эриинде элезин дег санап четпес болган.

Баштыңчылар 7:13

Гедеон чоокшулап чеде бергеш, дыңнаарга, оларның бирээзи өскезинге дүжүн мынча деп чугаалап турган: «Дүжүмде борбак арбай далганы мадиан турлаг иштинче чуглуп киргеш, майгынга үзерге, майгын барып дүшкеш, үрелип кагды».

Баштыңчылар 7:22

300 кижи мыйыс эдискилерин этсип турар аразында, Дээрги-Чаяакчы турлаг иштинде бүгү улустуң хылыштарын бот-боттарынче угландыр халдадыпкан. Бүгү шериг Бетшитта-Царерага чедир, Табват чанында Авел-Мехоланың кызыгаарынче дезе берген.

Баштыңчылар 8:11

Гедеон Новах болгаш Иогбеганың чөөн чүгүнде көшкүн улустуң оруу-биле эрткеш, сезиг чок турган дайзыннарның турлаан чылча шапкан.