Баштыңчылар 7:4 - Ыдыктыг Библия

⁴ Оон Дээрги-Чаяакчы Гедеонга мынча дээн: «Кижи саны ам-даа хөй-дүр; оларны суг чанынга эккел, аңаа Мен сеңээ дайынчыларны шилип бээр мен. „Сээң-биле кады чорзун“ дээр улузум сээң-биле чорзун, а „Сээң-биле чорбас ужурлуг“ дээн улузум чорбазын».

Баштыңчылар 7:4 Iomraidhean Croise

Эге дөс 22:1

Ол болуушкуннар соонда элээн үе эрткенде, Бурган Авраамны шенеп, хынаар деп шиитпирлээн. Бурган: «Авраам!» – деп кыйгырарга, ол: «Мында мен» – деп харыылаан.

Иов 23:10

А мээң оруум Аңаа билдингир; Ол мени шенеп эзилдирзин – алдын ышкаш арыг үнер мен.

Ырлар 33:16

Дээрги-Чаяакчының карактары чөптүг-шынныг улусче көрнүр, Ооң кулактары оларның дуза дилээн кышкызын дыңнаар. פ (пе)

Ырлар 7:9

Дээрги-Чаяакчы аймактарны шиидип турар. Меңээ шын шииткелден үндүрүп көр, чөптүүмнү, кем-буруу чогумну көрүп көр, Дээрги-Чаяакчы.

Баштыңчылар 7:5

Гедеон улузун суг чанынга эккээрге, Дээрги-Чаяакчы аңаа: «Сугну ыт ышкаш чылгап ижерлерни аңгы чыскаап ал, а дискек кырынга олуруп, доңгайып алгаш ижерлерни бир аңгы чыскаап ал» – дээн.

1 Хааннар 14:6

Ионафан чепсек тудар чалчазынга: «Чоруулу, кыртыжадып демдектетпээн бо хейлерниң турлаанга бараалы. Канчап билир, Дээрги-Чаяакчы биске дузалаптар чадавас. Дээрги-Чаяакчыга хөй-даа, эвээш-даа улусту дамчыштыр камгалал бээри берге эвес болур» – дээн.

1 Хааннар 16:7

Ынчалза-даа Дээрги-Чаяакчы Самуилге мынча дээн: «Ооң даштыкы хевиринче болгаш дурт-сынының узунунче көрбе. Ону Мен хүлээп албаан мен. Мен кижилер дег эвес мен. Кижилер улустуң арын-шырайынче көөр, а Дээрги-Чаяакчы улустуң чүрээнче көөр».