Баштыңчылар 7:22 - Ыдыктыг Библия

²² 300 кижи мыйыс эдискилерин этсип турар аразында, Дээрги-Чаяакчы турлаг иштинде бүгү улустуң хылыштарын бот-боттарынче угландыр халдадыпкан. Бүгү шериг Бетшитта-Царерага чедир, Табват чанында Авел-Мехоланың кызыгаарынче дезе берген.

Баштыңчылар 7:22 Iomraidhean Croise

3 Хааннар 19:16

Оон Намессийниң оглу Иехуну Израильдиң хааны кылдыр томуйлап каг. А Авел-Мехола чурттуг Шафаттың оглу Элисейни сээң сооң салгаар Бурганның медээчизи кылдыр томуйлап каг.

3 Хааннар 4:12

Ахилудтуң оглу Баана – Таанах, Мегиддон хоорайларда болгаш Изреел хоорайдан кудулдур, Цартанның чоогунда чыдар бүгү Бет-Санда база Бет-Сандан Авел-Мехола хоорайга чедир, Иокмеам хоорайның безин ындынга чедир;

2 Чылдар 20:23

аммоннар биле моавтар Сеирниң чурттакчыларын кыргып-хыдыыры-биле халдай бергеш, оларны бүрүнү-биле узуткап каапкан, оон бот-боттарын өлүржүп эгелээн.

Ырлар 83:9

Аг-шериглиг Дээрги-Бурган-Чаяакчы, мөргүлүмнү дыңна! Израильдиң Бурганы, кичээнгейиң сал! Сэла

Исайя 19:2

«Мен египетчилерни египетчилерге удур дайылдаштырар мен – ха-дуңмалышкы улус, эжишкилер, бир хоорай биле өске хоорай, бир девискээр биле өске девискээр бот-боттарынга удур чаалажыр.

Исайя 9:3

Сен чонну көвүдедип, аңаа улуг өөрүшкүнү хайырладың. Ол Сээң мурнуңга, дүжүт ажаалдазының үезинде өөрүүрү дег, олча-тывыш үлежип тура, өөрүп-байырлаары дег, өөрүп-хөглээр.

Исайя 9:4

Мадиан чонну чылча шапкан хүнүңде дег, Сен Бодуңнуң чонуңну хилинчектээн дөңгүнү, ооң эгиннеринде аар чүъктү уштуп, ооң кызагдакчызының мергезин сыйып кагдың.

Иезекиил 38:21

Мээң бүгү дагларымга Гогка удур дайылдажыр кылдыр хылышты кыйгырар мен – деп, Дээрги-Бурган-Чаяакчы медеглээн. – Ооң бүгү дайынчылары хылыжын бот-боттарынга удур хынындан уштур.

Аввакум 3:14

Ооң аг-шерии, мени чылча шавар дээш, казыргы дег халдап келген. Олар, түреңги кижини бүдүү сыырар дээнде дег, амырап турдулар. А Сен оларның баштыңын ооң бодунуң-на чыдалары-биле өттүр шанчып кагдың;

Аггей 2:22

дүжүлгелерде саадаан хааннарны дүжүрер мен, өске чоннар күрүнелериниң күчү-күжүн узуткап каар мен, дайынчы тергелерни башкарган улузу-биле катай ойтур октаптар мен, аъттарны-даа, мунукчуларын-даа чок кылып каар мен, ха-дуңма-даа кижилер бирээзи өскезин хылыш-биле шанчып каар».

Захария 14:13

Ол хүн Дээрги-Чаяакчы оларже улуг мөгүдээшкин ыдар. Олар шупту холдарындан удур-дедир сегиржип аар, бот-боттарынче холун көдүрүп, халдап эгелээр.

2 Коринфичилерге 4:7

А ол билигниң эртине-байлаа бисте – бөдүүн дой савалар дег улуста шыгжаттынган-дыр. Ындыг болганывыста, шак ол дээди күштүң бистен эвес, а Бургандан кээп турары илдең-дир.

Иисус 3:16

хемниң бажындан аккан суг элээн ырак черге, Цартан чоогунда Адам хоорайга ханалаштыр турупкан. А хемниң адаанда суг Дус далайже (азы Арава далайынче) углай ага берген.

Иисус 6:16

Бо хоорайны болгаш ында бар бүгү-ле чүвени Дээрги-Чаяакчыга кезээ мөңгеде тураскаадып, бүрүнү-биле узуткаар ужурлуг бис. Чүгле Раав деп аттыг самыын-садар херээжен болгаш ооң бажыңында турар шупту улус дириг артсын. Чүге дээрге ол бистиң чорудупкан хайгыылчыларывысты чажырыпкаш, камгалап каан.

Иисус 6:20

Хоорайда дириг чүү-ле бар болдур, шуптузун хылыш-биле кыргып-хыдып каапкан: эр-херээжен, кырган-чалыы кижилерни, бода, шээр малды, элчигеннерни...

Иисус 6:4

Кажан мыйыс эдискилерни үрүп эгелээрге, бүгү чон ону дыңнап кааш, кончуг ыыткыр кылдыр алгырышсын. Ынчан хоорайның ханазы буступ каар, силер турган черлериңерден-не хоорайже кире бээр силер» – деп чугаалаан.

1 Хааннар 18:19

Давидке Саулдуң уруу Мерованы кадай кылдыр бээр дээрге, ону Мехола чурттуг Адриэлге шагда-ла кадай кылдыр берипкен болган.