Баштыңчылар 7:21 - Ыдыктыг Библия

²¹ Кижи бүрүзү турлаг долгандыр бодунуң туружунга турган, а турлаг иштинде улус шупту аай-дедир маңнажып, алгыржып эгелээш, дезипкен.

Баштыңчылар 7:21 Iomraidhean Croise

3 Хааннар 20:20

кижи бүрүзү бодунуң удурланыкчызын өлүрүп турган. Арамейлер дезиптерге, израильчилер оларны сүрүп чорупкан, а арамей хаан Венадад аъдын мунгаш, аъттыг шериглери-биле кады четтирбейн барган.

2 Чылдар 20:15

Яхазиил мынча дээн: «Иудея биле Иерусалимниң бүгү чурттакчылары болгаш Иосафат хаан, мени дыңнаңар! Дээрги-Чаяакчының силерге чугаалаан чүвези бо-дур: шак ол эңдерик хөй аг-шеригден коргуп-сүртевеңер, чүге дээрге силерниң эвес, а Бурганның дайыны-дыр.

2 Чылдар 20:17

Бо удаада тулушпас силер. Чүгле барып туруп алгаш, Дээрги-Чаяакчының силерге хайырлап турар камгалалынче көрүңер. Иудея биле Иерусалим, коргуп-сүртевеңер. Даарта оларга уткуштур үнүп келиңер, Дээрги-Чаяакчы силер-биле кады болур».

Хосталыышкын 14:25

Ол египетчилерниң тергелериниң дугуйларын арай деп чуглур кылып каарга, олар тергелерин сөөртүп чадап турганнар. Египетчилер: «Израильчилерден дезээли! Дээрги-Чаяакчы олар дээш биске удур чаалажып тур!» – деп барганнар.

Чугаалар 28:1

Бузуттуг кижини сүрүп турар кижи чок-даа болза, ол дезип маңнаар, а чөптүг-шынныг кижи, арзылаң дег, амыр-шөлээн.

Исайя 30:15

Дээрги-Чаяакчы, Израильдиң ыдыктыг Дээргизи: «Силерниң камгалалыңар – Менче эглип келгеш, дүвүрел чок боорунда; силерниң күжүңер – сагыш амыр боорунда, Меңээ идегээринде» – дээн. Ынчалза-даа силер ындыг боорун күзевейн бардыңар.

Исайя 30:7

Египеттиң дузазы чөгенчиг, аргажок болур. Ынчангаш Мен ону „Чаажыккан Рахав“ деп адап каан мен.

Еврейлерге 11:34

чалбыыштыг отту өжүрүпкеннер, хылышка өлүртпейн барганнар, боттарының кошкаан күш-шыдалче хуулдурупканнар, дайын-чаага күчүлүг апарганнар, өске чер чурттугларның аг-шериин сывыртап турганнар.

Баштыңчылар 7:20

Ол дораан үш бөлүк эдискилерин деңге этсипкеш, доңгаларын буза шапкылапкан соонда, солагай холдарында оттуг кезектерин, оң холдарында мыйыс эдискилерин тудуп алган, оларын эдиспишаан, «Дээрги-Чаяакчының база Гедеоннуң хылыжы!» деп алгыржып туруп бергеннер.