Баштыңчылар 7:2 - Ыдыктыг Библия

² Ынчан Дээрги-Чаяакчы Гедеонга мынча дээн: «Сээң эдерткен шерииң эмин эрттир хөй-дүр, оларның холунче мадианнарны киирип бербес мен, оон башка израильчилер Мээң мурнумга чоргаарап, бодувусту бодувус камгалап алдывыс деп барып болур.

Баштыңчылар 7:2 Iomraidhean Croise

Эге дөс 46:2

Дүне дүжүнде Бурган ону: «Иаков! Иаков!» – деп кыйгырарга, ол: «Дыңнап тур мен» – дээн.

2 Чылдар 14:11

Аса бодунуң Бурганы Дээрги-Чаяакчыны кыйгырып: «Дээрги-Чаяакчы, күштүглерге удур туржуп турар кошкак улуска чүгле Сен дузалап шыдаар сен. Бурганывыс Дээрги-Чаяакчы, биске дузалап көрем, чүге дээрге Сеңээ ынаныр-дыр бис, бо аг-шеригге удур Сээң адың дээш тулчуп үнүп келген-дир бис. Дээрги-Чаяакчы, Сен – бистиң Бурганывыс сен! Кижи амытан Сени ажып тиилевезин!» – дээн.

Исайя 10:13

Ол хаан: «Мен ол бүгүнү күштүг холум-биле база мерген угааным-биле кылдым, билиим ол хире-дир! Чоннарның кызыгаарларын эде тургустум, оларның курлавырларын үптеп алдым; буга ышкаш, оларның хааннарын дүжүлгезинден дүжүр үстүм.

Исайя 2:11

Турамык кижи бажын халайтыптар, улустуң улуургак чоруу куду көрдүрер, ол хүн чүгле Дээрги-Чаяакчы өндүр бедик болур.

Исайя 2:17

Кижиниң улуургак чоруу куду көрдүрер, турамык кижи бүрүзү томаарыыр, ол хүн чүгле Дээрги-Чаяакчы өндүр бедик болур,

Иеремия 9:23

Дээрги-Чаяакчы: «Мерген угаанныг кижи мерген угааны-биле менээргенмезин, күш-шыдалдыг кижи күчү-күжү-биле чоргаарланмазын! – деп медеглээн. –

Иезекиил 28:17

Чараш-каазыңдан улуургай бердиң, магалыг чаагайыңдан мерген угааныңны чок кылып алдың. Ынчангаш Мен сени черге чыдар кылдыр октаптар мен, хааннар сени көргеш, кочулап шоотсун.

Иезекиил 28:2

«Кижи амытан, Тирниң чагырыкчызынга Дээрги-Бурган-Чаяакчының чугаалаан чүвезин дамчыт: Улуургак чорууңга алзып: „Мен – бурган мен. Далай ортузунда, бурганның дүжүлгезинде саадап олур мен“ – дээр-дир сен. Бурганның мерген угааны-биле сээң угааның дөмей деп бодаар-даа болзуңза, сен дээрге Бурган эвес, а кижи-дир сен.

Даниил 4:30

Ол-ла дораан бүгү чүве Навуходоносор-биле ынчалдыр болу берген. Ону кижилер аразындан сывырыпкан, ол мал ышкаш оът оъттап, дээрниң чаъс-шалыңы-биле шыгыттынып турган. Бажының дүгү эзирниң чүглери дег, дыргактары куштуу дег кылдыр өзүп калган.

Аввакум 1:16

Четкилери аңаа бай-шыырак чурттап, эки-чаагай аъш-чем чиир арга бээр боорга, ол дайзын четкизинге өргүл салып, айдызап турар-дыр!

Захария 12:7

Дээрги-Чаяакчы баштай Иудеяның шериглеринге тиилелге хайырлаар – оон башка Давидтиң салгалының, Иерусалимниң чурттакчыларының алдары Иудеяның улузунуң алдарындан ажа бээр.

Захария 4:6

Ынчан ол меңээ мынча диди: «Дээрги-Чаяакчының Зоровавелге чугаалаан сөзү бо-дур: чедимче күчү-күштүг шеригден эвес, а Мээң Сүлдемден кээр – деп, Аг-шериглиг Дээрги-Чаяакчы чугаалаан. –

Саннар 31:4

Бир израиль аймактан-на муң кижини шилип чыггаш, дайынче чорудуптуңар» – дээн.

Римчилерге 11:18

будуктар мурнунга мактанма. Ынчалдыр өрү көрдүнер болзуңза, дазылды сен эвес, а дазыл сени чемгерип турарын утпа.

Римчилерге 3:27

Ынчаарга ам чүнүң-биле мактаныр бис? – Чүнүң-биле-даа эвес. – А чүге? Ажыл-херектер негээр ыдыктыг хоойлуну сагаанывыс дээш, мактанып болбас бис бе? – Чок! Чүгле бүзүрелдиң дүрүмү дээш.

2 Коринфичилерге 4:7

А ол билигниң эртине-байлаа бисте – бөдүүн дой савалар дег улуста шыгжаттынган-дыр. Ындыг болганывыста, шак ол дээди күштүң бистен эвес, а Бургандан кээп турары илдең-дир.

Эфесчилерге 2:9

Камгалалды кым-даа ажыл-херээ-биле чедип албас, ындыг болганда, кым-даа ынчалдым деп мактанып шыдавас.

Ы. х. к. 32:27

ынчалза-даа израильчилерниң дайзыннары Мээң хөңнүмге дээптер ирги бе дээш, соксап кагдым. Соксаваан болзумза, ол дайзыннар болган чүүлдү шын эвес тайылбырлап: ‘Бистиң холувустуң күжү тииледи, ол бүгүнү Дээрги-Чаяакчы кылбады!’ – деп мактаны бээр болгай“.

Ы. х. к. 8:17

Ишти-хөңнүңде: „Мээң күжүм, быжыг холум бо байлакты меңээ олчалап тып берди“ дей бердиң халак.

Ы. х. к. 8:18

Дээрги-Чаяакчы Бурганыңны утпайн чор, чүге дээрге сээң ада-өгбеңге даңгыраглааны Бодунуң чагыг-керээзин шынзыдарын күзээш, Ол сеңээ байлак олчалап тывар күштү берип турар. Ам ынчалдыр бүткен-даа-дыр.

Иаков 4:6

Ынчалза-даа Бурган ооң-биле чергелештир биске улам хөй ээ көрүүшкүнүн хайырлап турар. Ынчангаш Бижилгеде: «Бурган адыыргак улуска удурланыр, а томаарааннарга ээ көрүүшкүнүн хайырлаар» деп чугаалаан.

1 Хааннар 14:6

Ионафан чепсек тудар чалчазынга: «Чоруулу, кыртыжадып демдектетпээн бо хейлерниң турлаанга бараалы. Канчап билир, Дээрги-Чаяакчы биске дузалаптар чадавас. Дээрги-Чаяакчыга хөй-даа, эвээш-даа улусту дамчыштыр камгалал бээри берге эвес болур» – дээн.