Баштыңчылар 6:4 - Ыдыктыг Библия

⁴ Израиль черге майгыннарын тип алгаш, оларның тараа-быдаазын мырыңай Газаның чоок-кавызынга чедир хоозурадып кааптар база Израильге азыраныпкы дег хой-даа, шары-даа, элчиген-даа арттырбас турган.

Баштыңчылар 6:4 Iomraidhean Croise

Эге дөс 10:19

Хананей чоннуң девискээри соңгу чүкте Сидон хоорайдан мурнуу чүкте Герар чоогунда Газа хоорайга чедир шөйүлген, а оон чөөн чүкте Содом, Гоморра, Адма база Лаша чоогунда Цевоим хоорайларга чедир шөйүлген.

Эге дөс 13:10

Лот топтап көргеш, Иордан хемниң чоок-кавызында Төгерик шынааны көрүп каан. Ол чер Сигор хоорайга чедир, Дээрги-Чаяакчының сесерлии дег, египет чер дег, суггаттыг болган. (Ук чер Дээрги-Чаяакчы Содом биле Гоморра хоорайларны узуткап каарынга чедир ындыг турган.)

Чугаалар 28:3

Түреңги улусту кызып-кыйып турар ядыы кижи тараан үрезинни чууй шаап аппаар чайык дег.

Иеремия 5:17

Ол чон силерниң дүжүдүңерни, аъш-чемиңерни сыырыптар, оглу-кызыңарны база сыырыптар, мал-маганыңарны чиптер, виноградыңарны, фига чимизиңерни база чиптер. Ол силерниң идегеп турар быжыглалдыг хоорайларыңарны хылыш-биле чылча шаап каар.

Левит 26:16

Ынчан Мен база силерни бак көөр мен. Силерже коргунчуг айыыл-халапты: харыксырадыр аарыгларны, халыынны салыр мен. Ол аарыглардан карактарыңар шылап баксыраар, сеткил-хөңнүңер хинчектенир. Ынчан үрезиниңерни хей черге тарыыр силер, ооңар дайзыннарыңарга чемиш болур.

Авдий 1:5

Хоозурап когараар деп чүвеңни! Бир эвес сээң шөлүңче кат-чимис чыыкчылары кирип кээр болза, олар элээн катты арттырып кагбас чүве бе? Оорлар азы дүнеки үптекчилер сеңээ кээр болза, олар чүгле бодунга чеже херегил, ынчаны оорлап албас бе?

Михей 6:15

Тарып олурткаш-даа, дүжүт ажаап албас сен, оливкаларны сыскыргаш-даа, үзү-биле чагдынмас сен; виноград чулуун сы баскаш-даа, арага ишпес сен.

Ы. х. к. 28:33

Чериңге үнер дүжүттү, ажыл-ижиңниң бүгү үре-түңнелин сээң билбезиң чон былаап чиир, үргүлчү кыстыртып, хилинчектенир сен.

Ы. х. к. 28:51

Ол чон сени хоозурадып каггыжеге чедир, мал-маганыңның төлүн база чериңге үнер дүжүттү чип кээр; сеңээ далган-тараа, арага, олива үзүн база бода-даа, шээр-даа малыңның төлүн арттырбас, сээң амы-тыныңны үзүп каггыжеге чедир, былаап ап кээр.

Баштыңчылар 6:3

Израиль чон тараазын тарып каарга-ла, мадианнар, амаликтер болгаш чөөн чүктүң өске-даа аймактары келгеш, оларның черинче халдаар турган.