Баштыңчылар 6:31 - Ыдыктыг Библия

³¹ Иоас аңаа удур чедип келгеннерге шуптузунга мынча деп харыылаан: «Ваал дээш силер туржур, силер ону камгалаар силер бе? Ол дээш турушкан кижи даарта эртенге чедир өлүртүп каар! Бир эвес Ваал Бурган болза, ооң өргүл бедигээжин үреп каапканы дээш, ол боду боду дээш турушсун».

Баштыңчылар 6:31 Iomraidhean Croise

3 Хааннар 18:27

Дүъште Илия оларны кочулап: «Дыңзыдыр алгыржыңар-ла, Ваал бурган болбайн канчаар. Ол, чок болза боданы берген, чок болза ажыл-херек кылган, чок болза аян-чорук кылып чоруур боор. Удуп-даа чыдары чадавас, оттурар болза эки-дир» – деп турган.

3 Хааннар 18:29

Дүъш эрткен, а олар мырыңай кежээки өргүл салыр үеге чедир чеже-даа калчаарап алгыржырга, кандыг-даа харыы шуут чок болган, кым-даа харыылаваан.

3 Хааннар 18:40

Илия оларга: «Ваалдың медээчилерин тудуп алыңар! Чаңгызы-даа дезе бербезин!» – деп дужааган. Улус медээчилерни тудуп аарга, Илия оларны Киссон хемче аппаргаш, кыра шаап каапкан.

Хосталыышкын 23:2

Хөйнүң талазынче чайгылып, бузут үүлгетпе база чаргы үзе шиитпирлеп тура, хөйнүң талазынга турар дээш шындан ойталава.

Исайя 41:23

Келир үеде чүү болурун чугаалаңар, ынчан силерни бурганнар деп билип аар бис. Бир-ле чүведен – буян-даа болза, айыыл-халап-даа болза – кылыңар, ону көргеш, бис шупту коргуушкунга бүргедип аар бис.

Исайя 46:1

Вил бурган доңгая берген, Нево бурган ийлени берген; оларның дүрзүлерин чүък чүдүрер малдарда чүдүрүп каан. Силерниң мөгеер дээш дажыглап чораан чүвеңер ам турупкан малдың чүъгү апарган.

Исайя 46:7

ону көдүргеш, эктинге салып алгаш чоруур, оон тургузуп каарга, демгизи турган черинге шимчеш дивейн турар. Ол дүрзүнү дыңзыдыр кыйгырар-даа болза, харыылавас, айыыл-халаптан ол камгалавас.

Иеремия 10:11

Ол улуска: «Бурганнарыңар чер биле дээрни чаяаваан, олар чырык чер кырынга, дээр адаанга узуткаттырар» – деп чугаалаңар.

Иеремия 10:5

Ногаа олурткан шөлде хоютку дег, ол дүрзү-бурганнар чугаа-сөс чок. Оларны улус көдүрүп, дажыглап чоруп турар, а боттары чаңгыс-даа базым кылып шыдавас. Олардан кортпаңар, олар хора халдадыр харыы-даа чок, ачы-дуза чедирер шаа-даа чок».

Саннар 14:6

А Нуннуң оглу Иисус биле Иефоннийниң оглу Халев – ханаан черни шинчип көрүп чораан улустуң ийизи – хептерин ора соп каапкаш,

1 Коринфичилерге 8:4

Ынчангаш дүрзү-бурганнарга өргүп салган чемге хамаарыштыр: «Билир чүүлүвүс бо-дур: бо делегейде дүрзү-бурган – көңгүс чүү-даа эвес база чүгле чаңгыс Бургандан өске кандыг-даа бурган чок.

Эфесчилерге 5:11

Караңгының үре-түңнел чок үүле-херээнге киришпеңер, харын оларны сойгалаңар.

Баштыңчылар 6:30

Хоорайның чурттакчылары Иоаска: «Оглуңну бээр үндүр, ол Ваалдың өргүл бедигээжин үрээни болгаш ооң чанынга турган адагашты одура шапканы дээш, өлүр ужурлуг!» – дээннер.

Баштыңчылар 6:32

Ол хүнден эгелээш, улус: «Өргүл бедигээжин үрээни дээш, Ваал ооң-биле боду турушсун» – дишкеш, Гедеонну Иероваал дээр апарган.

1 Хааннар 12:11

Ынчан Дээрги-Чаяакчы силерже Иероваалды, Беданны, Иеффайны база Самуилди чорудупкаш, силерни долгандыр турган дайзыннарыңардан адырып каарга, силер айыыл чок чурттап келдиңер.