Баштыңчылар 6:30 - Ыдыктыг Библия

³⁰ Хоорайның чурттакчылары Иоаска: «Оглуңну бээр үндүр, ол Ваалдың өргүл бедигээжин үрээни болгаш ооң чанынга турган адагашты одура шапканы дээш, өлүр ужурлуг!» – дээннер.

Баштыңчылар 6:30 Iomraidhean Croise

Иеремия 26:11

Бурганның бараалгакчылары биле медээчилери нояннарга база бүгү чонга: «Бо кижини өлүрүп шиидер ужурлуг! Хоорайывыс дугайында ооң чүү деп өттүр билип медеглээнин боттарыңар дыңнадыңар» – дээн.

Иеремия 50:38

Ооң сугларынче каңдаашкын халдаарга, суглар соглуп каар. Чүге дээрге бо чер – көжээ-бурганнарлыг чер-дир. Ооң чурттакчылары дүрзү-бурганнар дээш угаанын ышкыныпкан-дыр.

Иоанн 16:2

Силерни синагогалардан үндүр сывыртаптар. Силерни өлүрген улус ооң-биле Бурганга бараан болуп турарывыс ол деп бодай бээр ындыг безин үе чедип кээр.

Ажыл-чорудулга 26:9

Мен бодум база Назарет чурттуг Иисуска удур болдунар-ла бүгү чүүлдү кылыр ужурлуг мен деп бодап чордум.

Филипчилерге 3:6

Христиан ниитилелди эң чүткүлдүүм-биле истеп-сүрүп келдим, ыдыктыг хоойлуну бүгү чүүлдерге хамаарыштыр бүрүнү-биле сагып келдим.

Баштыңчылар 6:29

Ынчан олар аразында: «Ону кым үүлгеткенил?» – дижип турганнар. Ынчаар айтырып, сураглап тургаш, ону Иоастың оглу Гедеон кылган деп билип алганнар.

Баштыңчылар 6:31

Иоас аңаа удур чедип келгеннерге шуптузунга мынча деп харыылаан: «Ваал дээш силер туржур, силер ону камгалаар силер бе? Ол дээш турушкан кижи даарта эртенге чедир өлүртүп каар! Бир эвес Ваал Бурган болза, ооң өргүл бедигээжин үреп каапканы дээш, ол боду боду дээш турушсун».