Баштыңчылар 6:3 - Ыдыктыг Библия

³ Израиль чон тараазын тарып каарга-ла, мадианнар, амаликтер болгаш чөөн чүктүң өске-даа аймактары келгеш, оларның черинче халдаар турган.

Баштыңчылар 6:3 Iomraidhean Croise

Эге дөс 25:6

А кул-кадайларындан төрүттүнген оолдарынга Авраам белек-селекти бергеш, боду дириг тургаш-ла, оларны чөөн чүкче – чөөн талакы черлерже Исаактан аңгылап чорудупкан.

Эге дөс 29:1

Иаков оруун уламчылап чорупкан. Ханаандан чөөн чүк талазында бир чуртка чеде бергеш,

3 Хааннар 20:27

Израильчилер база чыглып, аъш-чем курлавырын ап алгаш, арамейлерге удур үнүп келген. Олар дайзынның мурнунга турлагланып аарга, ийи кодан өшкү ышкаш болган, а арамейлер чоок-кавы девискээрни дола берген.

3 Хааннар 4:30

Соломоннуң мерген угааны Чөөн чүктүң база Египеттиң бүгү улузунуң мерген угаанын ажып турган.

3 Хааннар 5:10

Хирам шак ынчаар Соломонну пөш, шиви ыяш-биле ооң күзээнин ёзугаар хандырып турган,

Иов 1:3

Ол 7000 өшкү-хой, 3000 теве, 500 эжеш шары болгаш 500 кыс элчиген кошкул малдыг, дыка хөй санныг чалча-хөделдиг кижи чүве-дир. Чөөн чүктүң бүгү аймактарының аразында Иов эң ат-алдарлыг кижи турган.

Иов 31:8

тарып каан дүжүдүмнү өске улус ажаап чизин, өзүмнеримни дазылы-биле тура тыртып каапсын!

Хосталыышкын 17:8

Амалик чон келгеш, Рефидимге израильчилер-биле чаалашкан.

Исайя 11:14

Олар барыын чүкке филистимнерниң черлеринче шүүргедей ужуп, халдаар, чөөн чүкте чурттаан аймактарны кады үптээр; Эдом биле Моавка удур холун көдүрер, аммон чон оларга чагыртыр.

Исайя 62:8

Дээрги-Чаяакчы Бодунуң оң холун, Бодунуң күчүлүг холун көдүргеш: «Моон соңгаар сээң дайзыннарыңга далган-тарааңны чиртпес мен, даштыкы улус сээң бүдүрүп алган арагаңны ишпес!

Иеремия 49:28

Вавилоннуң хааны Навуходоносорнуң чылча шаап кааны Кедар биле Асор деп күрүнелер дугайында Дээрги-Чаяакчы мынча дээн: «Кедарга удур дайылдажып үнүңер, чөөн чүктүң аймак-чоннарын узуткаңар!

Иезекиил 25:3

Оларга Дээрги-Бурган-Чаяакчының сөзүн дыңнаарын айтып, Ооң чугаалаан чүвезин дамчыт: силер Мээң ыдыктыг өргээмни – кажан ол бужартаткан турда; израиль черни – ол хоозураан турда; иудей чонну – ол туттургаш, өскээр көжүп чорупкан турда, кочулап, хыыңар ханып турган силер.

Иезекиил 25:4

Ол дээш, Мен силерни чөөн чүктүң аймактарының холунга чагыртыр кылдыр хүлээдир мен. Олар силерниң чериңерни ээлеп, турлагланып доктаагаш, чадырлар тип аар; олар силерниң чимизиңер чип, сүдүңер ижер.

Левит 26:16

Ынчан Мен база силерни бак көөр мен. Силерже коргунчуг айыыл-халапты: харыксырадыр аарыгларны, халыынны салыр мен. Ол аарыглардан карактарыңар шылап баксыраар, сеткил-хөңнүңер хинчектенир. Ынчан үрезиниңерни хей черге тарыыр силер, ооңар дайзыннарыңарга чемиш болур.

Михей 6:15

Тарып олурткаш-даа, дүжүт ажаап албас сен, оливкаларны сыскыргаш-даа, үзү-биле чагдынмас сен; виноград чулуун сы баскаш-даа, арага ишпес сен.

Ы. х. к. 28:51

Ол чон сени хоозурадып каггыжеге чедир, мал-маганыңның төлүн база чериңге үнер дүжүттү чип кээр; сеңээ далган-тараа, арага, олива үзүн база бода-даа, шээр-даа малыңның төлүн арттырбас, сээң амы-тыныңны үзүп каггыжеге чедир, былаап ап кээр.

Баштыңчылар 10:12

сидончулар, амаликтер база маоннар силерни дарлап чоржук чоп, а кажан силер Менден дуза дилеп, Мени кыйгырарыңарга, Мен силерни оларның холундан адырып чорбаан ийик мен бе?

Баштыңчылар 3:13

Эглон бодунуң күжүнге немей аммон болгаш амалик шериглерни чыггаш, израильчилерни чылча шапкаш, Пальмалар хоорайын эжелеп алган.

Баштыңчылар 6:2

Мадианнарның израиль чонну чагырган холу аар-берге турган болгаш, израильчилер мадианнардан чаштынар черлер – дагларның чарык черлеринге, куйларга камгаланыр быжыглалдар кылып ап турган.

Баштыңчылар 6:33

Ол үеде мадианнар, амаликтер база өске чөөн аймактар шупту чыглып алгаш келгеш, Иордан хемни кешкеш, Изреел шынаазынга турлагланып алганнар.

Баштыңчылар 6:4

Израиль черге майгыннарын тип алгаш, оларның тараа-быдаазын мырыңай Газаның чоок-кавызынга чедир хоозурадып кааптар база Израильге азыраныпкы дег хой-даа, шары-даа, элчиген-даа арттырбас турган.

Баштыңчылар 7:12

Мадианнар, амаликтер база өске чөөн аймактар шынаа сыңмас шартылаалар дег хөй чыглы берген турган, а оларның тевелери далай эриинде элезин дег санап четпес болган.

Баштыңчылар 8:10

Зевей биле Салман чөөн чүктүң аймактарының бүгү аг-шериинден арткан 15 000 хире дайынчызы-биле кады Каркорга турганнар, оларның хылыш тудуп шыдаар 120 000 шерии кырлып калган.