Баштыңчылар 6:13 - Ыдыктыг Библия

¹³ «О, мээң дээргим! – деп, Гедеон аңаа харыылаан. – Бир эвес Дээрги-Чаяакчы шынап-ла бис-биле болза, чүге биске бо бүгү бергедээшкиннер болуп турарыл? Бистиң адаларывыстың биске чугаалап турганы Бурганның кайгамчык ажыл-херектери кайыл? Олар биске „Дээрги-Чаяакчы бисти Египеттен үндүрүп хостап каан“ деп чугаалап турган болгай. А ам Дээрги-Чаяакчы бисти каапкаш, мадианнарның холунче киирип берипкен-дир!»

Баштыңчылар 6:13 Iomraidhean Croise

Эге дөс 25:22

Ооң хырнының иштинде оолдары бот-боттарын тепкилежип эгелээрге, Ревекка: «Бир эвес олар ынчаар болза, мен канчаар мен ам?» деп бодааш, Дээрги-Чаяакчыдан айтырар дээш чорупкан.

2 Чылдар 15:2

Азария Асага уткуй үнүп келгеш, мынча дээн: «Аса база Иудея биле Вениаминниң бүгү аймак-чону, мени дыңнаңар! Дээрги-Чаяакчы-биле кады болзуңарза, Ол база силер-биле кады болур. Олче чүткүүр болзуңарза, Ол силерге тыптыр. А Ону каапкаш баар болзуңарза, Ол база силерни кааптар.

Ырлар 27:9

Бодуңнуң чонуңну камгала, Сеңээ хамааржыр улуска ачы-буяныңны хайырла! Оларны кадарып эдертип база кезээ мөңгеде кужактап көдүрүп көрем.

Ырлар 44:1

Хөгжүм башкарыкчызынга. «Лилия чечээ» деп аялга үдээр. Корахтың оолдарыныы. Маскил-ыр. Ынакшыл ырызы.

Ырлар 44:2

Чүрээмейден ачылыг сөс куттулуп тур: хаанга тураскааткан чогаалымны чугаалаар мен, дыл-домаам – мергежилдиг бижээчиниң демир-үжүү дег.

Ырлар 44:9

Сээң хептериң мирра, алоэ, кассия деп чаагай чыттыг чуктар-биле айдызаттынган; чаан сөөгү-биле каастаан ордуларга хөгжүм ойнап, сени хөгледип турар.

Исайя 41:17

Ядыы-түреңги улус суг дилээш, тыппайн турар, олар кагып-суксааш, аксы кургап калган. Мен, Дээрги-Чаяакчы, оларга харыы бээр мен; Мен, Израильдиң Бурганы, оларны кагбас мен!

Исайя 63:11

Ынчан Ооң чону эрте-бурунгу үени, Моисейниң үезин сактып келген – Бодунуң сүрүүн кадарчылары-биле кады далайдан үндүре берген Бурган кайыл, чонунга Бодунуң ыдыктыг Сүлдезин хайырлаан Бурган кайыл,

Исайя 63:15

Дээрден куду алзы көрем, Бодуңнуң ыдыктыг болгаш алдарлыг чурттаар чериңден көрүп көрем! Сээң хүннээчел сагыжың болгаш күчү-күжүң кайыл? Бодуңнуң улуг ээ-хайыраң биле кээргелиңни биске көргүспес апардың.

Иеремия 23:33

«Иеремия, кажан азы Иудеяның чону, азы Бурганның медээчизи, азы бараалгакчызы сенден: „Дээрги-Чаяакчы кандыг үүрге-чүък чүдүрдү?“ – деп айтырар болза, „Дээрги-Чаяакчы: ‘Силер боттарыңар үүрге-чүък боор силер, а Мен силерни дүжүр октаптар мен’ – деп медеглээн“ – деп харыылаар сен.

Римчилерге 8:31

Бо бүгүге немептер чүвүс барыл? Бурган бистиң талавыста болза, кым биске удурланып шыдаарыл? –

Ы. х. к. 29:24

Бүгү чоннар: „Дээрги-Чаяакчы бо черни чүү дээш ынчаар бак аажылааны ол? Чүү дээш ынчаар килеңнээни ол?“ – деп айтырар.

Ы. х. к. 31:17

Ынчан Мээң килеңим бо чонче кыптыга бээр; Мен оларны кааптар мен, олардан хая көрнү бээр мен. Бо чон дайзыннарга чемиш апаар, ону хөй айыыл-халап, түрегдел таварыыр, ынчан ол: „Бурганывыс бистиң-биле эвес боорга, шак ол айыыл-халап бисти хөме тавараан ирги бе?“ – дээр.

Баштыңчылар 6:1

Израильчилер катап база-ла Дээрги-Чаяакчының мурнунга бужар-бак херектер үүлгедип эгелээн, ынчангаш Дээрги-Чаяакчы оларны мадиан чоннуң холунче чеди чыл иштинде киирип берипкен.

Баштыңчылар 6:12

Дээрги-Чаяакчының төлээзи Гедеоннуң мурнунга көстүп келгеш: «О, күштүг-шыырак кижи! Дээрги-Чаяакчы сээң-биле!» – диген.