Баштыңчылар 5:21 - Ыдыктыг Библия

²¹ Киссон хем оларны ол-ла дораан чууй шаап бадырып турду, бурун шагдан аккан Киссон хем. Күчү-күштүг бурунгаарлап, чүткү-ле, сеткилим!

Баштыңчылар 5:21 Iomraidhean Croise

Эге дөс 49:18

Сээң камгалалыңга идегеп тур мен, Дээрги-Чаяакчы!

3 Хааннар 18:40

Илия оларга: «Ваалдың медээчилерин тудуп алыңар! Чаңгызы-даа дезе бербезин!» – деп дужааган. Улус медээчилерни тудуп аарга, Илия оларны Киссон хемче аппаргаш, кыра шаап каапкан.

Ырлар 44:5

Өндүр бедииңни көргүзүп, алыс шын, биче сеткил болгаш чөптүг чорукту камгалап, чуузага дүрген халдып олур – сээң холуң кайгамчык херектерни бүдүрзүн.

Хосталыышкын 15:2

Дээрги-Чаяакчы – мээң күчү-күжүм-дүр, Ону алгап ырлаар мен. Ол – мээң Камгалакчым болду. Ол – мээң Бурганым, Ону кымдан арттыр мактаар мен, Ол – мээң ачамның Бурганы, Ону кымдан арттыр мактаар мен.

Исайя 25:10

Дээрги-Чаяакчы холун бо дагже салыр. А Моав бодунуң турар черинге, өдекче киир таптаан тараа саваңы дег, таптай бастырар.

Михей 7:10

Дайзыным база ону көрүп каар; меңээ: «Сээң Бурганың Дээрги-Чаяакчы кайыл?» – деп турган болгаш, ооң ады баксыраар. Мен ооң кудумчуда малгаш дег таптадып турарын мага хандыр көөр мен.

Баштыңчылар 4:13

Сисара 900 дайынчы демир тергелерин дөгерезин болгаш ооң-биле кады турган шериин кый деп, чыып алгаш, Харошет-Гоимден Киссон хемге чедип келген.

Баштыңчылар 4:7

Мен сеңээ ол черде Киссон хемге Иавинниң шериг баштыңы Сисараны, ооң дайынчы тергелерин болгаш аг-шериин эккеп бергеш, сээң холуңче киирип бээр мен“ деп айыткап тур» – деп чугаалаан.