Баштыңчылар 5:12 - Ыдыктыг Библия

¹² „Оттуп кел, Девора, оттуп кел! Оттуп келгеш, ырла-ла! Дүрген че, Варак! Туттурган дайзыннарны бээр эккел, Авиноамның оглу!“ – дээн.

Баштыңчылар 5:12 Iomraidhean Croise

Ырлар 108:2

Бузуттуглар, нүгүлчүлер аксы-дылын менче кызаңнадып, мээң-биле мегелеп чугаалажып турлар;

Ырлар 57:8

Олар, агым суг дег, арлып бада берзин, а Ол согуннары-биле ада бээрге, олар узуткадып алзын.

Ырлар 57:9

Чуура бастырган курт дег, олар кырлып калзын, херээжен кижиниң дүжүрген уруу дег, хүн чырыы көрбезин.

Ырлар 68:18

Чалчаң менден хая көрүнме – кызагдадып чоруур меңээ дүрген харыыла.

Исайя 14:2

Өске чоннар израиль чонну эдертип алгаш, ооң төрээн черинче дедир эккээр. Израиль чон Дээрги-Чаяакчының черинге ол чоннарны бодунуң эр, кыс кулдары кылып аар база ону тудуп аппарган улусту тудуп аар, ону кызып-кыйып турган улусту чагырар.

Исайя 33:1

Узуткаашкынга таварышпаан узуткакчы, ат болур сен! Өскерлиишкинге таварышпаан өскерликчи, ат болур сен! Узуткаашкын кылганың соонда, сени база узуткап каар; өскерлиишкин кылганың соонда, улус сеңээ база өскерлир.

Исайя 51:17

Оттуп кел, о Иерусалим, оттуп кел, туруп кел! Дээрги-Чаяакчының килеңин куткан дашканы Ооң холундан хүлээп алгаш, ижипкен сен, арагалыг кундаганы доңгайтыр пактапкан сен.

Исайя 51:9

Оттуп кел, Дээрги-Чаяакчының холу, күчү-күштүг апарып көр! Биеэги үеде дег, эрте-бурунгу салгалдар үезинде дег, оттуп кел. Рахавты Сен одура шапкан эвес сен бе, далайның моозун Сен өттүр шашкан эвес сен бе?

Исайя 60:1

«Көдүрлүп кел, чыры, чүге дээрге сээң чырыың кыва берген, өндүр-чаагай Дээрги-Чаяакчы сээң кырыңда чайынналып тур!

Иеремия 31:26

Ынчан мен одунгаш, карактарым көрүп келдим. Удуп чыткан үем тааланчыг болду.

1 Коринфичилерге 15:34

Чогууру-биле сергей берип, бачыт үүлгедирин соксадыңар! Араңарда Бурган дугайында билиг чок улус бар-дыр. Ыяткаш, арныңар кыссын!

Эфесчилерге 4:8

Ынчангаш Бижилге: «Ол бедидир өрү көдүрүлгеш, хөй улусту тудуп алгаш, кижилерге белектерни үлеп берген» – деп чугаалап турар.

Эфесчилерге 5:14

А чырыктың көскү кылыпканы бүгү чүүл боду база чырык апаар. Ынчангаш мынча деп чугаалаар бис: «Удаан кижи, оттуп кел! Өлүг кижи, дирлип кел, сени ынчан Христос херелдендир чырыдыптар!»

2 Тимофейге 2:26

Олар ооң соонда сергей бээр база оларны аспактап алгаш, бодунуң күзел-соруунга чагыртырынче албадапкан эрликтиң туттуруундан ушта халый бээр чадавас.

Баштыңчылар 5:13

Ынчан ызыгууртаннарның артканнары меңээ чедип келген, Дээрги-Чаяакчының чону күштүглери-биле чедип келген.