Баштыңчылар 4:7 - Ыдыктыг Библия

⁷ Мен сеңээ ол черде Киссон хемге Иавинниң шериг баштыңы Сисараны, ооң дайынчы тергелерин болгаш аг-шериин эккеп бергеш, сээң холуңче киирип бээр мен“ деп айыткап тур» – деп чугаалаан.

Баштыңчылар 4:7 Iomraidhean Croise

3 Хааннар 18:40

Илия оларга: «Ваалдың медээчилерин тудуп алыңар! Чаңгызы-даа дезе бербезин!» – деп дужааган. Улус медээчилерни тудуп аарга, Илия оларны Киссон хемче аппаргаш, кыра шаап каапкан.

Хосталыышкын 14:17

А Мен египетчилерни чөрүү кылып каарымга, олар силерни сүрүп чоруптарлар. Фараонну, ооң хамык аг-шериин, дайынчы тергелерин база аъттыг шериин баскаш, алдаржыыр мен.

Хосталыышкын 14:4

А Мен фараонну чөрүү кылып каарымга, ол силерни сүрүп чоруптар. Мен фараонну болгаш ооң аг-шериин баскаш, алдаржыыр мен. Ынчан египетчилер Мени Дээрги-Чаяакчы деп билип алырлар». Израильчилер шак ынчаар кылганнар.

Хосталыышкын 14:8

Дээрги-Чаяакчы Египеттиң хааны фараонну чөрүү кылып каарга, ол израиль чонну сүрүп чорупкан, а израильчилер эрес-дидими-биле бар чытканнар.

Хосталыышкын 21:13

Ынчалза-даа бир кижи боду кемниг херек үүлгедирин бодаваан, харын ооң холундан өске кижиниң өлүрүн Мен чүүлдүг деп көрген болзумза, сеңээ өжээн негекчизинден өлүрүкчүнүң дезип чоруй баары черни айтып бээр мен.

Иисус 10:8

Дээрги-Чаяакчы Иисуска: «Дайзыннардан кортпа, Мен оларны сээң холуңга берип каан мен: олардан сеңээ удур кым-даа туржуп шыдавас» – дээн.

Иисус 11:20

Дээрги-Чаяакчы ол чоннарны израильчилер-биле дайылдажыр кылдыр чөрүү-дедир кылып каан – израильчилер Дээрги-Чаяакчының Моисейге дужааганын ёзугаар оларны кыргып-хыдып, кам-хайыра чокка бүрүнү-биле узуткап каапсын дээш, Ол ынчаар кылган.

Иисус 11:6

Дээрги-Чаяакчы Иисуска: «Олардан кортпа. Даарта, бо-ла үеде, Мен оларның шуптузун израильчилерге чылча шаптырар кылып каар мен. Сен оларның аъттарының балдырларының сиирлерин үзе кезип каг, а дайынчы тергелерин өрттедивит» – дээн.

Иисус 8:7

силер кедегден туруп келгеш, хоорайны эжелеп аар силер. Дээрги-Чаяакчы Бурганыңар хоорайны силерниң холуңарга хүлээдип бээр.

Баштыңчылар 4:14

Ынчан Девора Варакка: «Че, Дээрги-Чаяакчы Сисараны сээң холуңче бөгүн киирип бээр, Ол Боду сени баштап чоруур» – дээн. Варак 10 000 кижизин баштап алгаш, Фавор дагдан бадып келген.

Баштыңчылар 4:8

Варак аңаа: «Бир эвес силер мээң-биле кады баар болзуңарза, баар мен, барбас болзуңарза, барбас мен» – деп харыылаан.

Баштыңчылар 5:21

Киссон хем оларны ол-ла дораан чууй шаап бадырып турду, бурун шагдан аккан Киссон хем. Күчү-күштүг бурунгаарлап, чүткү-ле, сеткилим!

1 Хааннар 24:10

Давид Саулга мынча деп чугаалаан: «Чүге силер улустуң: „Давид Саулга удур багай чүве кылыр деп турар“ деп чугаазынга бүзүреп, оларны дыңнап турар силер?

1 Хааннар 24:18

Оон ол Давидке: «Сен меңээ бодаарга, чөптүг-шынныг-дыр сен, чүге дээрге сен меңээ экини күзеп турар-дыр сен, а мен сеңээ хамаарыштыр багай чүве бодап турган-дыр мен.