Баштыңчылар 3:31 - Ыдыктыг Библия

³¹ Аодтуң соонда Анаттың оглу Самегар баштыңчы турган; ол кижи 600 филистим кижини мал сүрер шиш баштыг ыяш-биле кыра шапкан. Ол база Израильди камгалаан.

Баштыңчылар 3:31 Iomraidhean Croise

1 Коринфичилерге 1:17

Христос мени улусту сугже суксун дээш эвес, а Буянныг Медээни суртаалдазын дээш, чоруткан болгай. Ындыг-даа болза, суртаалым чечен, мерген сөстерге үндезилеттинмээн, оон башка Христостуң белдир-ыяшка өлүмү ужур-утказын чидириптер ийик.

Баштыңчылар 10:11

Дээрги-Чаяакчы израильчилерге мынча деп харыылаан: «Египет, амор, аммон, филистим чоннар,

Баштыңчылар 10:17

Аммон чон чыылгаш, Галаадка турлагланып алган, а израильчилер база чыылгаш, Мицпага турлагланып алган.

Баштыңчылар 10:7

Дээрги-Чаяакчы израиль чонга килеңнээш, ону филистимнерниң болгаш аммоннарның холунче киирип берипкен.

Баштыңчылар 15:15

Оон Самсон элчиген чаагының ам-даа кургаваан сөөгүн тып алгаш, ооң-биле муң филистимни кыра шаап каапкан.

Баштыңчылар 2:16

Дээрги-Чаяакчы оларга баштыңчыларны база тургузуп берип турган, а баштыңчылар оларны үптекчилерниң холундан камгалап турган.

Баштыңчылар 3:30

Шак ынчаар ол хүн Моав Израильдиң мурнунга томаарып сөгүрген, а израиль чер ооң соонда сезен чыл иштинде тайбыңчаан.

Баштыңчылар 4:1

Аод чок апарган соонда, израильчилер катап база-ла Дээрги-Чаяакчының мурнунга бужар-бак херектер үүлгедип эгелээн.

Баштыңчылар 5:6

Анаттың оглу Самегарның үезинде, Иаилдиң хүннеринде чорук кылган улус долганыр оруктар-биле чоруп турган.

Баштыңчылар 5:8

Чон чаа бурганнарны шилип алган турган, ынчангаш эжик-хаалга чанынга дайын бооп турган. Израильдиң 40 000 кижизиниң чыдазы болгаш дозуг-камгалалдары көстүр турган бе?

1 Хааннар 12:9

Ынчалза-даа олар боттарының Бурганын, Дээрги-Чаяакчыны, уттупканнар. Ынчан Дээрги-Чаяакчы силерниң өгбелериңерни оларга удур дайылдажып келген Асор хоорайның шериг баштыңы Сисараның, филистимнерниң база моав хаанның холдарынга хүлээткен.

1 Хааннар 17:47

Мында чыглып келген бүгү кижилер Дээрги-Чаяакчының тиилеп аарынга хылыш болгаш чыда-даа херек чок деп билип алзын. Ол Боду-ла тиилеп аар, ынчангаш Ол силерни бистиң холдарывыска хүлээдип бээр» – деп харыылаан.

1 Хааннар 17:50

Ынчалдыр Давид филистимни даш октаар хөм баг болгаш даш-биле тиилеп алган. Ол холунга хылыш безин тутпайн, тиилээш, филистимни өлүрүп каан.

1 Хааннар 4:1

а Самуил бүгү израильчилерге ол сөстү чугаалап турган. Израильчилер филистимнерге удур дайылдажып үнгеннер. Олар Авен-Эзерге турлагжып алган, а филистимнер Афекке турлагжып алган.