Баштыңчылар 3:28 - Ыдыктыг Библия

²⁸ Ынчан Аод оларга: «Мени эдерип чоруп оруңар: чүге дээрге Дээрги-Чаяакчы силерниң дайзыннарыңар моавтарны силерниң холуңарже киирип берген-дир» – дээн. Олар ону эдерип чорупкаш, Иордан хемде Моавче эртер кежигни эжелеп алгаш, олап кымны-даа эрттирбейн турупканнар.

Баштыңчылар 3:28 Iomraidhean Croise

3 Хааннар 20:21

Израильдиң хааны бурунгаарлааш, аъттар биле дайынчы тергелерни чылча шаап, арамейлерге аар аштырыышкынны таварыштырган.

Иисус 2:7

Хаанның улузу Иорданче углаан оруктап хайгыылчыларны сүрүп чорупкаш, кежиг аксынга чедип келгеннер. Олар хоорайдан үнери билек, улуг хаалганы хаапкан.

Баштыңчылар 10:11

Дээрги-Чаяакчы израильчилерге мынча деп харыылаан: «Египет, амор, аммон, филистим чоннар,

Баштыңчылар 12:5

Галаадчылар эфремчилерниң оруун дозуп, Иорданның кежиглерин дуй туруп алган. Дезип үнген эфремчилерниң кайы-бирээзи аңаа келгеш: «Ол чарыкче кеже бээрин чөпшээреп көрүңер» – деп дилээрге, галаадчылар: «Сен эфремчи эвес сен бе?» – деп айтырып турган. Келген-не кижи: «Чок» – деп харыылап турган.

Баштыңчылар 3:29

Ол үеде израильчилер 10 000 хире шупту күштүг-шыырак моавтарны кырып каапкан, кым-даа дезип шыдаваан.

Баштыңчылар 4:10

Варак Завулон болгаш Неффалимниң аймактарын Кедесче кый деп, чыып алган, 10 000 кижи ону эдерип чорупкан, а Девора база ооң-биле кады чорупкан.

Баштыңчылар 7:14

Өскези демгизинге мынча деп харыылаан: «Ол дээрге өске чүү-даа эвес, а израильчи Иоастың оглу Гедеоннуң хылыжы-дыр; Бурган мадианнарны болгаш бүгү турлагны ооң холунче киирип берип турары ол-дур».

Баштыңчылар 7:15

Гедеон дүштү болгаш ооң тайылбырын дыңнап алгаш, Дээрги-Чаяакчыга чалбарып тейлээн. Оон ол израиль турлагже ээп чедип келгеш: «Туруңар! Дээрги-Чаяакчы мадиан турлагны силерниң холуңарже киирип берип тур!» – деп кыйгырган.

Баштыңчылар 7:17

«Менче көрүп тургаш, мен ышкаш кылыңар! – деп, ол дайынчыларга дужааган. – Мен оларның турлааның кыдыынга чеде бергеш, чүнү кылыр-дыр мен, ол хевээр кылыр силер:

Баштыңчылар 7:24

Гедеон Эфрем дагларының бүгү девискээринче медээчилер чорудупкаш, кыйгы салган: «Мадианнарга уткуштур баткаш, оларның хемче баар оруун дозуңар, Иорданның кежиглерин Бет-Варага чедир эжелеңер!» Эфремчилер шупту чыылгаш, Иорданның кежиглерин Бет-Вара чедир эжелеп алганнар.

Баштыңчылар 7:9

Ол дүне Дээрги-Чаяакчы Гедеонга мынча дээн: «Тургаш, адааңда турлагже бадып халда, ону сээң холуңче киирип берип тур мен.

1 Хааннар 17:47

Мында чыглып келген бүгү кижилер Дээрги-Чаяакчының тиилеп аарынга хылыш болгаш чыда-даа херек чок деп билип алзын. Ол Боду-ла тиилеп аар, ынчангаш Ол силерни бистиң холдарывыска хүлээдип бээр» – деп харыылаан.