Баштыңчылар 3:27 - Ыдыктыг Библия

²⁷ Аңаа келгеш, Аод Эфрем дагларының кырынга мыйыс эдиски этсипкен. Ынчангаш израильчилер ооң-биле кады даглардан куду бадыпканнар, а ол оларны баштап чораан.

Баштыңчылар 3:27 Iomraidhean Croise

2 Хааннар 20:22

Ол херээжен чонга бодунуң угаанныг сүмези-биле чеде берген. Бихриниң оглу Савейниң бажын кескеш, Иоавка октап бергеннер. Ынчан Иоав трубаны этсиптерге, ооң шериглери хоорайдан ырап, чангылай берген. А Иоав Иерусалимде хаанче чоруй барган.

4 Хааннар 9:13

Олар далаштыы-биле тоннарын ужулгаш, чаданың тепкииштеринге-ле аңаа чада салып бергеннер. Оон мыйыс эдиски этсип: «Иеху хаан делгерезин!» – деп алгыржып турганнар.

Неемия 4:14

Бүгү байдалды хынап көргеш, ызыгууртаннар, даргалар болгаш арткан чонга: «Дайзыннардан кортпаңар; өндүр улуг, сүртенчиг Дээргини утпайн сактыңар, боттарыңарның ха-дуңмаңар дээш, оглу-кызыңар дээш, кадайларыңар дээш, бажың-балгадыңар дээш тулчуңар» – дээн мен.

Иисус 17:15

Иисус оларга: «Бир эвес силер хөй улус болзуңарза, бир эвес силерге Эфрем даглары тар болза, ферез болгаш рефа чоннарның чавызааш черинге баргаш, ында арга-арыглыг черни аштап алыңар» – дээн.

Иисус 17:18

Даглар-даа, бо арга-арыг-даа силернии болур. Арга-арыгны аштап-арыглап алыңар, ынчан ооң девискээри бүрүнү-биле силернии болур. Хананей чон чеже-даа демир тергелерлиг болгаш күштүг болза, силер оларны үндүр ойладыптар силер!»

Баштыңчылар 10:1

Авимелехтиң соонда Иссахарның аймаандан Додонуң оглунуң оглу, Фуаның оглу Тола Израильдиң камгалакчызы апарган. Ол Эфрем дагларында Шамирге чурттап турган.

Баштыңчылар 17:1

Эфрем дагларынга Миха деп аттыг бир кижи чурттап чораан.

Баштыңчылар 19:1

Ол үеде, кажан Израильге хаан чок турда, Эфрем дагларның ырак булуңунга бир левит кижи чурттап чораан. Ол бодунга Иудеяның Вифлеемден кул-кадай ап алган.

Баштыңчылар 3:26

Олар ынчап үе чидирип турар аразында, Аод демги-ле көжээ-даштар чаны-биле эрткеш, Сеиратче чаштынып чоруй барган.

Баштыңчылар 5:14

Амалик черде турумчуй берген эфрем аймактыг улус чедип келген, оларның соонда Вениаминниң улузу өске төрел аймактары-биле кады база махир төрел бөлүктүң баштыңнары база Завулоннуң дүжүметтери кээп турду.

Баштыңчылар 6:34

Ынчан Дээрги-Чаяакчының Сүлдези Гедеонну бүргеп алган. Гедеон мыйыс эдискизин этсиптерге, авиезер төрел бөлүк ооң соондан чорупкан.

Баштыңчылар 7:24

Гедеон Эфрем дагларының бүгү девискээринче медээчилер чорудупкаш, кыйгы салган: «Мадианнарга уткуштур баткаш, оларның хемче баар оруун дозуңар, Иорданның кежиглерин Бет-Варага чедир эжелеңер!» Эфремчилер шупту чыылгаш, Иорданның кежиглерин Бет-Вара чедир эжелеп алганнар.

1 Хааннар 13:3

Гивага турган филистим доскуул шериин Ионафан чылча шаап каарга, ооң дугайында филистимнер дыңнап кааннар. А Саул: «Еврейлер дыңназын!» – дээш, бүгү чуртка мыйыс эдиски этсип, кыйгы салыр элчилерни чорудупкан.