Баштыңчылар 3:10 - Ыдыктыг Библия

¹⁰ Гофониилди Дээрги-Чаяакчының Сүлдези бүргээн, ынчангаш ол израиль чонну баштап, дайынче үнүпкен. Дээрги-Чаяакчы Арам-Нахараимниң хааны Хусар-Сафемни Гофониилдиң холунче киирип бериптерге, ооң холу Хусар-Сафемни ажып тиилеп каан.

Баштыңчылар 3:10 Iomraidhean Croise

1 Чылдар 12:18

Ынчан Бурганның Сүлдези үжен шеригниң баштыңчызы Амессайны бүргеп келген, ол мынча дээн: «Амыр-ла, Давид. Бис сээң-биле кады бис, Иессейниң оглу! Сеңээ болгаш сээң талалакчыларыңга чедиишкинни күзеп тур бис, чүге дээрге Бурганың сеңээ дузалажып турар болгай». Давид оларны хүлээп алгаш, бодунуң шериглериниң баштыңчылары кылып каан.

2 Чылдар 15:1

Одедтиң оглу Азарияны Бурганның Сүлдези бүргей апкан.

2 Чылдар 20:14

Ынчан Дээрги-Чаяакчының Сүлдези Захарияның оглу Яхазиилди – Асафтан укталган левит кижини – чыылган чон аразынга бүргей апкан. (Захария Ванеяның оглу, Ванея – Иеиелдиң оглу, Иеиел – Маттанияның оглу болур чүве-дир.)

Ырлар 51:11

Мени бодааш, кылган чүүлдериң дээш Сеңээ кезээ мөңгеде өөрүп четтирер мен, Сээң адыңга ынанмышаан, Сеңээ бердинген улус мурнунга ачы-буяныңны медээлээр мен.

Саннар 11:17

Мен дүжүп келгеш, аңаа сээң-биле чугаалажыр мен; сени бүргээн Сүлдемден оларга база берип каар мен – олар чонну сээң-биле кады көдүржүр, сен ону чааскаан көдүрүп алгаш чорбас сен.

Саннар 11:25

Дээрги-Чаяакчы ынчан булут аразынга дүжүп келгеш, Моисей-биле чугаалашкан. Оон Моисейни бүргээн Сүлдеден чеден баштыңга база берип каан. Олар Сүлдеге бүргедипкен дораан-на өттүр билип медеглеп эгелээннер, а оон соксап кааннар.

Саннар 11:29

А Моисей аңаа: «Мени дээш хүннеп турарың ол бе? Дээрги-Чаяакчы бүгү чонга Бодунуң Сүлдезин чорудуп берген болза! Олар шупту Ооң медээчилери болу берген болза!» – дээн.

Саннар 24:2

Валаам ынаар көрүпкеш, аймактар аайы-биле турлагжып алган Израильди көрүп каан. Ынчан Бурганның Сүлдези Валаамны бүргептерге,

Саннар 27:18

Дээрги-Чаяакчы Моисейге харыылаан: «Нуннуң оглу Иисусту – эрес-дидим кижини – кыйгыртып алгаш, бодуңнуң холуңну аңаа дегзип каг;

Еврейлерге 6:4

Бир катап алыс шынның чырыын көрүп каан, дээрниң белээн четтирип шенээн, Ыдыктыг Сүлдениң күчү-күжүн ожаап билип каан, Бурганның сөзүнүң буянныг дээжин база Ооң ам кээр делегейиниң күжүнүң салдарын четтирип шенээн, а ооң соонда Христостан ойталаан улус бар дижик. База катап бачыдын миннип, Бурганче эглириниң оруу ындыг улуска муңгаш, чүге дээрге олар боттарынга хамаарыштыр Бурганның Оглун база катап хере шаап, Ону улус мурнунга дорамчылап турарлар.

Баштыңчылар 11:29

Ол үеде Иеффайны Дээрги-Чаяакчының Сүлдези бүргеп алган. Иеффай Галаадты болгаш Манассияның черин эрткеш, Галаадта Мицпаны таварааш, аммоннарже чеде берген.

Баштыңчылар 11:32

Оон Иеффай аммоннарже халдааш, чаалашкан, а Дээрги-Чаяакчы оларны ооң холунче киирип берипкен.

Баштыңчылар 13:25

Дээрги-Чаяакчының Сүлдези Самсоннуң иштинге бир дугаарында, кажан ол Цора биле Эштаолдуң аразында Данның турлаанга турда, хөделип эгелээн.

Баштыңчылар 14:19

Ол үеде Дээрги-Чаяакчының Сүлдези Самсоннуң кырынче бадып келген, ынчангаш ол Аскалонче баргаш, үжен филистимни өлүрүп үптээш, хеп-сынын тывызыкты тыпканнарга үлеп берипкен. Оон ооң килеңи кыптыгып келген болгаш ол ачазының бажыңынче чана берген.

Баштыңчылар 14:6

Самсонче Дээрги-Чаяакчының Сүлдези бадып кээп, ол чепсек чок хол даяң боду арзылаңны анай ышкаш үзе-чаза тыртып каапкан. Чүнү кылганын ол ачазынга-даа, авазынга-даа ыыттаваан.

Баштыңчылар 15:14

Кажан Самсон Лехиже чоокшулап кээрге, филистимнер олче алгы-кышкылыг маңнажыпкан. Ынчан Дээрги-Чаяакчының Сүлдези ооң кырынче бадып келген болгаш ооң холдарында хүлүглер өрттенген удазыннар ышкаш кээп дүшкен.

Баштыңчылар 3:11

Ооң соонда израиль чер дөртен чыл иштинде тайбыңчаан. Оон Кеназтың оглу Гофониил чок апарган.

Баштыңчылар 3:8

Ынчангаш Дээрги-Чаяакчының Израильге килеңи кыптыгып, оларны Арам-Нахараимниң хааны Хусар-Сафемниң холунче киирип берипкен. Израильчилер Хусар-Сафемге чагыртып, аңаа сес чыл иштинде бараан бооп келгеннер.

Баштыңчылар 6:34

Ынчан Дээрги-Чаяакчының Сүлдези Гедеонну бүргеп алган. Гедеон мыйыс эдискизин этсиптерге, авиезер төрел бөлүк ооң соондан чорупкан.

1 Хааннар 10:10

Саул Гивага чедип кээрге, аңаа Бурганның медээчилериниң бөлүү уткужуп келген. Ол өйде Бурганның Сүлдези ону бүргеп аарга, ол база Бурганның медээчилери-биле кады өттүр көрүп медеглеп эгелээн.

1 Хааннар 10:6

Сени Дээрги-Чаяакчының Сүлдези бүргеп алыр. Ынчан сен олар-биле деңге өттүр көрүп медеглеп эгелээр сен. Көңгүс өске кижи апаар сен.

1 Хааннар 11:6

Ынчан Бурганның Сүлдези Саулду бүргеп аарга, ол аажок килеңнеп хорадаан.

1 Хааннар 16:13

Самуил олива үстүг мыйысты алгаш, ону акылары көрүп турда, чаап каан. Ол хүнден эгелээш, Дээрги-Чаяакчының Сүлдези Давидти бүргеп алгаш, оон адырылбаан. А Самуил ооң соонда Рамаже чорупкан.