Баштыңчылар 3:1 - Ыдыктыг Библия

^1-2 Ханаан дайыннарын көрбээн болгаш билбес чаа салгалдың израильчилерин шенээр дээш, оларның дайын көрбээн салгалдары дайынга өөрензин дээш, Дээрги-Чаяакчының арттырып каан чоннары бо-дур:

Баштыңчылар 3:1 Iomraidhean Croise

3 Хааннар 9:21

оларның чуртка артып калган, израильчилерниң бүрүнү-биле узуткап шыдавааны үре-салгалын – кулдар ышкаш ажылдадып ажыглап турган, амдыгаа чедир ындыг бооп арткан.

2 Чылдар 32:31

Бир катап Вавилоннуң чагырыкчылары Эзекияже ооң чуртунга болган Бурганның көскү демдээниң дугайында айтырып, элчиннер ыдыпкан. Ынчан Бурган ону хынаар дээш база ооң сеткил-чүрээниң кандыызын билип аар дээш, чааскаандырзын каапкаш барган.

Иов 23:10

А мээң оруум Аңаа билдингир; Ол мени шенеп эзилдирзин – алдын ышкаш арыг үнер мен.

Хосталыышкын 15:25

Моисей Дээрги-Чаяакчыдан дуза дилеп кыйгырарга, Ол аңаа ыяш айтып берген. Моисей ол ыяштың будуун сугже киир октаптарга, сугну ижип болур апарган. Бурган шак ол черге чонга хоойлу биле дүрүмнү берген, оларның бүзүрелин шенээн.

Чугаалар 17:3

Мөңгүн биле алдын хайылдырар суугуга эстир, а улустуң чүректерин Дээрги-Чаяакчы шенээр.

Иеремия 6:27

«Иеремия, Мен сени Бодумнуң чонумну шылгазын дээш, мөңгүннүң шынарын хынаан эзилдирикчи дег, чоруттум, сен ам шивээ боор сен, чоннуң кылган херектерин үнелээр сен.

Захария 13:9

Чоннуң арткан кезиин отче киирер мен; оларны мөңгүн ышкаш эзилдирип, шылгаар мен, алдын ышкаш арыглаар мен. Олар Мээң адымны кыйгырып, Меңээ мөргүүрге, оларга харыылаар мен: „Бо Мээң чонум-дур“ – дээр мен. А олар: „Дээрги-Чаяакчы – бистиң Бурганывыс!“ – дээр».

Иоанн 2:24

Ынчалза-даа Иисус Боду улуска бүзүревейн барган, чүге дээрге оларның кандыызын билир турган.

Ы. х. к. 7:22

Дээрги-Чаяакчы Бурганың ол чоннарны сээң мурнуңдан чоорту үндүр сывырар; оларны дораан-на узуткап каарың болдунмас, оон башка шөлдерге черлик аң-мең көвүдеп, сеңээ айыылдыг апаар.

Ы. х. к. 8:16

Ол сени ээн кургаг ховуга ада-өгбеңниң билбези манна-биле чемгерип турган болгай. Сени томаартыр, шенээр дээш база соонда сеңээ ачы-буян көргүзер дээш, Ол ынчаар кылып турган.

Ы. х. к. 8:2

Дээрги-Чаяакчы Бурганың сени ам дөртен чыл дургузунда ээн кургаг ховуда эдертип чоруп тур, ол орукту утпа; Ол сени томаартырын күзеп, сени шенеп, сеткил-сагыжыңда чүнү шыгжап чорууруңну – Ооң айтыышкыннарын сагыыр-сагывазыңны билип алыксаан-дыр.

1 Пётр 1:7

Шенелделер эргежок чугула, чүге дээрге оларны ажып эрткен бүзүрелиңер алдындан үнелиг (а ол дээрге мөңге эвес-даа болза, отка хынаттына бээр бүдүмел болгай), а Иисус Христос ээп кээрге, ол бүзүрелиңер силерни хүндүткел, алдар болгаш мактал-хүндүже чедире бээр.

1 Пётр 4:12

Ханы ынак эш-өөр, силерни шенээри-биле чоруткан оттуг хилинчекти шыдажып эртериңер дээш, элдепсинмейн көрүңер. Ында кижи кайгаар чүве чок.

Ажыдыышкын 2:23

Иезавелди эдергеннерни база узуткаар мен. Улустуң угаан-бодалынче, күзелинче бакылап турар Кижи дээрге-ле Мен-дир дээрзин бүгү христиан ниитилелдер билип алыр. Мен кижи бүрүзүн ооң кылган херектерин ёзугаар шаңнаар азы кезедир мен.

Баштыңчылар 1:1

Иисустуң өлгениниң соонда, израиль чон Дээрги-Чаяакчыдан: «Бистиң кайывыс Ханаан чурттуглар-биле дайынче баштай чоруурул?» – деп айтырган.

Баштыңчылар 2:10

Ол үениң бүгү улузу өгбелериниң соондан өске оранче чоруй баарга, оларның орнунга Дээрги-Чаяакчыны болгаш Ооң израиль чонга кылганы ажыл-херектерин билбес өске салгал келген.

Баштыңчылар 2:23

Ынчангаш Дээрги-Чаяакчы ол чоннарны дораан үндүр сывыртавайн барган база Иисустуң холунга бербейн барган.