Баштыңчылар 21:5 - Ыдыктыг Библия

⁵ Ынчан израильчилер: «Дээрги-Чаяакчының мурнунга чыыш кылып турувуста, Израильдиң шупту аймактарындан кым келбейн барган ийик?» – дишкеннер. Олар Мицпага Дээрги-Чаяакчының мурнунга келбээннерни өлүрер деп шыңгыы даңгырак сөстерни эткеннер-не болгай.

Баштыңчылар 21:5 Iomraidhean Croise

Иеремия 48:10

Дээрги-Чаяакчының ажыл-херээ дээш кыспас кижи каргаттырар, бодунуң хылыжын хан шылба кылбас кижи каргаттырар!

Баштыңчылар 21:1

Мицпага чыылган үезинде израильчилер кайызы-даа кыс уругларын вениаминчилерге кадай кылдыр бербес бооп даңгыраглаан турган.

Баштыңчылар 21:18

Ынчалза-даа бис оларга уругларывысты кадай кылдыр берип шыдавас-тыр бис, чүге дээрге израильчилер ол дугайында „Вениаминчилерге уруун кадай кылдыр берген кижи бүрүзү каргыш эдилээр болзун!“ деп даңгырак берген болгай».

Баштыңчылар 21:6

Оон израильчилер ха-дуңмазы Вениаминниң аймаан кээргеп, мынча дижип турганнар: «Израиль бодунуң бир аймаан одура шаап, чидиргени ол-дур.

Баштыңчылар 5:23

„Мероз хоорайны каргаңар! – деп, Дээрги-Чаяакчының төлээзи чугаалаан. – Дээрги-Чаяакчыга дуза кадып келбээни дээш, ооң чурттакчыларын каргаңар, Дээрги-Чаяакчыга болгаш чоннуң күштүглеринге дузалашпааны дээш, каргаңар“.

1 Хааннар 11:7

Ол ийи инектиң мөчүлерин үзе-чаза шапкаш, Израильдиң аңгы-аңгы чүктеринче демги-ле элчилерни дамчыштыр тарадыпкан. Ол: «Саул биле Самуилди эдербээн кижилерниң мал-маганын мындыг үүле манап турар» – деп чар тарадыпкан. Бүгү чон Дээрги-Чаяакчыдан корга бергеш, чаңгыс кижи дег демниг үнүп келген.

1 Хааннар 14:24

Израильчилер ол хүн шагзырап турупканнар. А Саул улузунга: «Кежээ дүшпээнде, мен дайзыннарымдан өжээн негеп албаанымда, чем амзаар кижи каргаттырар» – дээш, оларның даңгыраан ап алган. Шериглерниң аразындан кым-даа чем амзаваан.