Баштыңчылар 20:34 - Ыдыктыг Библия

³⁴ Бүгү Израильден чыып каан 10 000 шилиндек дайынчы Гиваже халдай бээрге, каржы-дошкун тулчуушкун эгелээн. Оларны хай-халап манап турар дээрзи Вениаминниң дайынчыларының сагыжынга безин кирбээн.

Баштыңчылар 20:34 Iomraidhean Croise

Иов 21:13

Ол улус чуртталгазын аас-кежиктиг эрттирип, өлүглер оранынче сагыш амыр кирип турар.

Чугаалар 29:6

Бузуттуг кижиниң бачыды – бодунга дузак, а чөптүг-шынныг кижи өөрүп-байырлап чурттаар.

Чугаалар 4:19

А бузуттуг улустуң оруу – дүмбей караңгы дег, олар каяа тептиге бээрин билбес.

Экклесиаст 9:12

Чүге дээрге кижи бодунуң үе-хуусаазын билбес-тир. Балыктарның айыылдыг четкиге туттуруп аары дег, куштарның дузакче кире бээри дег, кижи амытан база-ла ынчаар хенертен келген айыылдыг үе-шакка туттуруп чоруур-дур.

Исайя 47:11

Айыыл-халап сени таварыыр – ооң кайыын кээрин билип шыдавас сен; хай-халап кырыңга кээр – ону чайладыр аайын тыппас сен, хенертен ооң дугайында безин бодавааның буураашкын сени таварыыр.

Матфей 24:44

Ынчангаш силер база белен болуңар, чүге дээрге Кижи амытан Оглу силерниң манаваан шагыңарда чедип кээр».

Лука 21:34

«Оваарымчалыг болуңар: силерниң чүректериңер үен-даян хөглээшкинге, арагалаашкынга болгаш амыдыралдың сагышсыралдарынга алзып, дашталбазын база ол хүн хенертен, какпа дег, кырыңарга келбезин. Чүге дээрге ол хүн чер кырын ээлей чурттаан бүгү улуска чедип кээр.

1 Фессалоникчилерге 5:3

Улус: «Кайда-даа амыр-тайбың-дыр, айыыл чок-тур» – деп чугаалажы бээрге, ынчан хенертен, сааттыг херээженниң эъди аарый бээри дег, оларны өлүм-чидим хөме таварыыр база кым-даа оон дезип шыдавас!

Иисус 8:14

Гайның хааны ону көрүп кааш, эртен эрте хоорайның чурттакчыларын Иордан шынаазының баарында тодаргай черже дүрген үндүрүпкеш, израильчилерге удур тулчуп кирипкен. Хоорайның артыы талазында кедег тургузуп каанын Гайның хааны билбээн.

Баштыңчылар 20:35

Дээрги-Чаяакчы Вениаминниң аймаан израильчилерниң мурнунга аштырыышкынга таварыштырган. Израильчилер ол хүн 25 100 чепсегленген вениаминчини кырып каапкан.