Баштыңчылар 20:13 - Ыдыктыг Библия

¹³ Гиваның ол дүржок улузун биске хүлээдип бериңер, бис оларны өлүргеш, израиль чон аразында ындыг бужар-бакты узуткап каалы». Ынчалза-даа вениаминчилер боттарының-на ха-дуңмазы израильчилерни дыңнаар-даа хире эвес болган.

Баштыңчылар 20:13 Iomraidhean Croise

2 Хааннар 20:1

Ол черге бир дүржок кижи турган чүве-дир. Ол дээрге вениаминчи Бихриниң оглу Савей турган. Ол труба этсипкеш, мынча дээн: «Давид-биле бир баг болбаан бис! Иессейниң оглу-биле бир аай чүвүс барыл? Ынчангаш шупту аалдарыңарже ээп чангылаңар, израильчилер!»

2 Хааннар 23:6

А дүржок улус хол-биле туттунмас тенниг үнүш дег үндүр октадыптар.

3 Хааннар 21:13

Оон ийи дүржок кижи кээп, аңаа дужааштыр олуруп алгаш, чон мурнунга ону буруудадып: «Навуфей Бурганны база хаанны бак сөглеп турду» – дээн. Улус ону хоорайдан үндүре бергеш, даш-биле соп өлүрүп каан.

2 Чылдар 13:7

Хоозун, дүржок улус ону долгандыр чыглып алгаш, Соломоннуң оглу Ровоамга удур үнүп келген-дир, а Ровоам аныяк, дуржулга чок болгаш, оларга удур туржур харыы чок болган-дыр.

2 Чылдар 25:16

Медээчи ону айтырарга, хаан: «Бис сени хаанның чөвүлекчизи кылып каан бис бе? Соксап көр! Оон башка өлүртүп каар сен» – деп харыылаан. Ынчан медээчи ыыттавайн барган, а оон: «Билип кагдым, Бурган сени узуткаар деп шиитпирлээн-дир, чүге дээрге сен шак ынчаар кылып, мээң сүмем дыңнавайн барган-дыр сен» – дээн.

2 Чылдар 25:20

Ынчалза-даа Амасия сагындырыгны тоовайн барган, чүге дээрге Эдомнуң бурганнарынга мөгейип турганы дээш, Иехоаштың холунга иудейлерни хүлээдип бээри-биле Бурган ынчаар доктааткан болган.

Чугаалар 29:1

Чемелеткеш, чөрүүлээр кижи хеп-хенертен эглиш чок узуткаттырар.

Экклесиаст 11:10

Муңгаралды чүрээңден ойладып, мага-бодуңдан хилинчекти ырадып чор. Чаш назын болгаш чалыы үе – хей-бус-ла.

Осия 10:9

«Израиль, Гиваның үезинден бээр бачыт үүлгедип келген сен; израильчилер ол хевээр артып калган; Гивага шак ол бак сагыштыг улусту дайын таварбас бе?

Осия 9:9

Израильчилер боттарының бузуттуг үүлгедиглерин, Гивага болуп турганы дег, күштелдирип алган-дыр, Бурган оларның кем-буруузун бодап келгеш, бачыттарының ужун кезедир.

Римчилерге 1:32

Ындыг чүүлдер үүлгедикчилерин өлүмге төлептиг деп көөр Бурганның хоойлузу барын олар билир. Ынчалза-даа чүгле боттары бачыт үүлгедип турар эвес, а ындыг үүлгедиглер кылып чоруур өске улусту база деткип турарлар.

2 Коринфичилерге 6:15

Христос биле Велиарның аразынга эп-сеткил турар бе? Азы бүзүрээн кижи биле бүзүревээн кижиде дөмей чүү барыл?

Ы. х. к. 13:13

чон аразындан үнген дүржок улус ында илереп келгеш, хоорайының улузун дуурайлап: „Силерниң билбес чорааныңар өске бурганнарны эдерип, оларга бараан болуулу“ – дижип, оларны күткүдүп алганын дыңнап каан дижик сен.

Ы. х. к. 13:5

А ол ошчуну азы дүшчүнү өлүрүп каар ужурлуг. Чүге дээрге ол кижи кулдар болуп чорааныңар египет черден силерни үндүре берген Дээрги-Чаяакчы Бурганыңардан ойталаар кылдыр силерни көгүдүп, Бурганның силерге эдерер кылдыр айтып-чагааны оруктан силерни чайладырын күзеп турар-дыр; чон аразында бужар-бакты ынчаар узуткап калыңар.

Ы. х. к. 13:6

Бир эвес сээң чоок улузуң: азы чаңгыс иеден төрүттүнген ха-дуңмаң, азы оглуң, азы урууң, азы эрге-чассыг кадайың, азы эң чоок эжиң сени бүдүү дуурайлап: „Сээң-даа, ада-өгбеңниң-даа билбес чорааны өске бурганнарны эдерип, оларга бараан болуулу“ – деп,

Ы. х. к. 17:12

А Дээрги-Чаяакчы Бурганыңга бараан болуп турар бараалгакчы биле шииткекчини тооп дыңнавас, туразы улуг кижини өлүрүп каар ужурлуг, Израильде бужар-бакты ынчаар узуткап каг.

Ы. х. к. 17:7

Херечилер ол кижини өлүрери-биле кымны-даа мурнай олче холун көдүрзүн, ооң соонда бүгү чон шаажылалга киржип, холун көдүрзүн, чон аразында бужар-бакты ынчаар узуткап калыңар».

Ы. х. к. 19:19

ол херечиниң ха-дуңмазы кижиге чедирер бодаан хоразын ооң бодунга чедириңер; чон аразында турар ындыг бужар-бакты узуткап каг.

Ы. х. к. 21:21

Ынчан оларның хоорайының шупту чурттакчылары ол оолду даш-биле өлүр соп каапсын; чон аразында бужар-бакты ынчаар узуткап каар сен, ону дыңнааш, шупту израильчилер корга бээр».

Ы. х. к. 22:21

даргалар ол кысты адазының бажыңының эжиинге эккелзин, хоорайжылар ону аңаа даш-биле өлүр соп каапсын, чүге дээрге ол кыс израиль чоннуң аразынга бужар чорук кылып, адазының бажыңынга чурттап тургаш-ла, самыырап турган-дыр; чон аразында бужар-бакты ынчаар узуткап каар сен».

Ы. х. к. 22:24

оларның иелдирзин хоорай хаалгазының чанынга эккелгеш, даш-биле өлүр соп кааптыңар: аныяк кысты – хоорайга тургаш, дуза дилеп алгырбаан дээш, эр кижини – өске кижи душтуун бакка суп каан дээш; чон аразында ол бужар-бакты ынчаар узуткап каар сен.

Ы. х. к. 24:7

Бодунуң ха-дуңма израиль чонунуң аразындан бир кижини оорлааш, ону кулу кылып алган кижи турар болза, ол ооржу кижини өлүрүп каар ужурлуг; чон аразында бужар-бакты ынчаар узуткап каг.

Баштыңчылар 19:22

Олар ынчаар өөрүп-хөглеп дыштанып орда, хоорайның дүржок чурттакчылары ол бажыңны долгандыр туруп алгаш, ооң эжиин каңгырадыр соктап, бажың ээзи ашакка: «Сээң бажыңыңче кирген кижини үндүрүп бер, бис ону күштеп дора көрээли» – деп негээннер.

Баштыңчылар 20:12

Оон Израильдиң аймактары Вениаминниң бүгү төрел бөлүктеринче медээчилер чоруткаш, мындыг сөстер дамчыткан: «Канчап силерниң араңарга ындыг бужар үүлгедиг болганы ол?

Баштыңчылар 20:14

Вениаминниң аймаа израильчилер-биле дайылдажыр дээш, янзы-бүрү хоорай-суурлардан кээп, Гивага чыглып алган.

1 Хааннар 2:25

Бир эвес бир кижи өске кижиге удур бачыт кылган болза, ол кижи дээш Бурганга мөргүп болур. А бир эвес бир кижи Дээрги-Чаяакчыга удур бачыт үүлгеткен болза, ол кижиге болчуп, кым мөргүп шыдаарыл?» – деп чугаалап турган. Ынчалза-даа оолдары ачазын дыңнавайн турганнар, чүге дээрге Дээрги-Чаяакчы оларны узуткап кааптар деп шиитпирлеп алган чүве-дир.

1 Хааннар 30:22

Ынчан Давид-биле кады чораан улустуң аразында багай, дүржок кижилер: «Маңаа артып калгаш, бистиң-биле чорбаан улуска олчавысты бербес бис. Олар чүгле кадайларын болгаш ажы-төлүн ап алгаш чоруй барзыннар» – дижи бергеннер.